27Job 27

1UJobe wasebuya ephakamisa isaga sakhe wathi:Select Job 27:1

2Kuphila kukaNkulunkulu osuse ilungelo lami, loSomandla owenze umphefumulo wami wababa.Select Job 27:2

3Isibili ngaso sonke isikhathi umphefumulo usekimi, lomoya kaNkulunkulu usemakhaleni ami,Select Job 27:3

4oqotho indebe zami kaziyikukhuluma okubi, lolimi lwami sibili lungakhulumi inkohliso.Select Job 27:4

5Kakube khatshana lami ukuthi ngithi lilungile; ngize ngiphele kangiyikususa ubuqotho bami kimi.Select Job 27:5

6Ngizabambelela ekulungeni kwami ngingakuyekeli; inhliziyo yami kayiyikusola ensukwini zami.Select Job 27:6

7Isitha sami kasibe njengomubi, longivukelayo njengongalunganga.Select Job 27:7

8Ngoba liyini ithemba longamesabiyo uNkulunkulu, esequnyiwe, uNkulunkulu esekhuphile umphefumulo wakhe?Select Job 27:8

9UNkulunkulu uzakuzwa yini ukukhala kwakhe, ukuhlupheka sekwehlele phezu kwakhe?Select Job 27:9

10Uzazithokozisa yini ngoSomandla? Uzabiza uNkulunkulu yini sonke isikhathi?Select Job 27:10

11Ngizalifundisa ngesandla sikaNkulunkulu; okukuSomandla kangiyikukufihla.Select Job 27:11

12Khangela, lina lonke likubonile. Pho, kungani selibe yize lokuba yize ngokunjalo?Select Job 27:12

13Lesi yisabelo somuntu omubi kuNkulunkulu, lelifa labalesihluku abalemukela kuSomandla.Select Job 27:13

14Uba abantwana bakhe besanda, kungokwenkemba, lenzalo yakhe kayiyikusutha isinkwa.Select Job 27:14

15Insali zakhe zizangcwatshwa ekufeni, labafelokazi bakhe kabayikukhala inyembezi.Select Job 27:15

16Lanxa ebuthelela isiliva njengothuli, elungisa isigqoko njengodaka;Select Job 27:16

17angalungisa, kodwa olungileyo uzasigqoka, longelacala uzakwaba isiliva.Select Job 27:17

18Wakha indlu yakhe njengenundu, lanjengedumba umlindi alenzayo.Select Job 27:18

19Ulala enothile, kodwa kabuthwa; uvula amehlo akhe, kasekho.Select Job 27:19

20Izesabiso zizambamba njengamanzi; ebusuku isiphepho sizameba.Select Job 27:20

21Umoya wempumalanga uzamthatha, ahambe, umphephule asuke endaweni yakhe.Select Job 27:21

22Abesephosela phezu kwakhe angayekeli; phambi kwesandla sakhe uzabaleka isibili.Select Job 27:22

23Abantu bazatshaya izandla zabo ngaye, bamncifele endaweni yakhe.Select Job 27:23