28Job 28

1Isibili kukhona umthapho wesiliva, lendawo yegolide abalicengayo.Select Job 28:1

2Insimbi ithathwa enhlabathini, lethusi lincibilikiswa elitsheni.Select Job 28:2

3Umisela umnyama umngcele, udingisisa kuze kube sekupheleleni konke, amatshe obumnyama lethunzi lokufa.Select Job 28:3

4Uqhekeza umgodi khatshana lalapho okuhlala khona abantu, lapho abakhohlwe khona lunyawo; bayalenga bejikajika khatshana labantu.Select Job 28:4

5Umhlaba, kuphuma ukudla kuwo, langaphansi kwawo kuphenduka kwangathi ngumlilo.Select Job 28:5

6Amatshe awo ayindawo yesafire*, njalo ulothuli lwegolide.Select Job 28:6

7Inyoni edla inyama kayiyazi indlela, lelihlo lelinqe kaliyibonanga.Select Job 28:7

8Imidlwane yokuziqhenyayo kayiyinyathelanga, isilwane kasihambanga kuyo.Select Job 28:8

9Uyelula isandla sakhe elitsheni elilukhuni, uyagenqula izintaba ezimpandeni.Select Job 28:9

10Aqhekeze imisele emadwaleni, lelihlo lakhe libona konke okuligugu.Select Job 28:10

11Uyabopha izifula zingathonti, lokufihlakeleyo ukukhuphela ekukhanyeni.Select Job 28:11

12Kodwa inhlakanipho ingatholakala ivela ngaphi? Lendawo yokuqedisisa ingaphi?Select Job 28:12

13Umuntu kalazi ixabiso lakho, njalo kakutholakali elizweni labaphilayo.Select Job 28:13

14Ukujula kuthi: Kakukho kimi. Lolwandle luthi: Kakulami.Select Job 28:14

15Igolide elihle lingenikwe endaweni yakho, lesiliva singelinganiselwe intengo yakho.Select Job 28:15

16Kungelingane legolide leOfiri, le-onikse* eligugu, lesafire*.Select Job 28:16

17Igolide lekristali* kungelingane lakho, futhi kungenaniswe ngesitsha segolide elicwengekileyo.Select Job 28:17

18Ikorali* lekristali kakuyikukhunjulwa, ngoba intengo yenhlakanipho ingaphezu kwamatshe aligugu.Select Job 28:18

19Itopazi* leEthiyophiya lingelinganiswe lakho, kungelingane legolide elicwengekileyo.Select Job 28:19

20Pho, inhlakanipho ivela ngaphi? Lendawo yokuqedisisa ingaphi?Select Job 28:20

21Ngoba kusithekile emehlweni abo bonke abaphilayo, kwafihlwa ezinyonini zamazulu.Select Job 28:21

22Ukubhujiswa lokufa kuthi: Sizwile ngendlebe zethu umbiko wakho.Select Job 28:22

23UNkulunkulu uyayiqedisisa indlela yakho, njalo yena uyayazi indawo yakho.Select Job 28:23

24Ngoba yena uyakhangela kuze kube semikhawulweni yomhlaba, abone ngaphansi kwawo wonke amazulu.Select Job 28:24

25Esenzela umoya isisindo, walinganisa amanzi ngesilinganiso.Select Job 28:25

26Lapho esenzela izulu isimiso, lombane wokuduma indlela.Select Job 28:26

27Ngalesosikhathi wakubona, walandisa ngakho; wakulungisa, yebo, wakuhlolisisa.Select Job 28:27

28Wasesithi emuntwini: Khangela, ukwesaba iNkosi, lokhu kuyinhlakanipho, lokusuka ebubini kuyikuqedisisa.Select Job 28:28