29Job 29

1UJobe wasebuya ephakamisa isaga sakhe wathi:Select Job 29:1

2Kungathi ngabe nginjengenyangeni zamandulo, njengensukwini uNkulunkulu angigcine ngazo,Select Job 29:2

3lapho isibane sakhe sakhanya phezu kwekhanda lami; ngahamba emnyameni ngokukhanya kwakhe!Select Job 29:3

4Njengoba nganginjalo ensukwini zokuvuthwa kwami, lapho iseluleko sikaNkulunkulu sasiphezu kwethente lami,Select Job 29:4

5lapho uSomandla wayeseselami, labantwana bami bengiphahlile,Select Job 29:5

6lapho ngagezisa izinyathelo zami ngolaza, ledwala langithululela imifula yamafutha!Select Job 29:6

7Lapho ngaphuma ngaya esangweni ngidabula umuzi, ngalungisa isihlalo sami emdangeni;Select Job 29:7

8amajaha angibona, acatsha; lamaxhegu asukuma ema;Select Job 29:8

9iziphathamandla zayekela ukukhuluma, zabeka isandla phezu komlomo wazo;Select Job 29:9

10ilizwi labakhulu lacatsha, lolimi lwabo lwanamathela elwangeni lwabo.Select Job 29:10

11Lapho indlebe isizwa yangibusisa, lelihlo libona langifakazela,Select Job 29:11

12ngoba ngakhulula umyanga okhalayo, lentandane, longelamsizi.Select Job 29:12

13Isibusiso sobhubhayo sehlele phezu kwami, njalo ngenza inhliziyo yomfelokazi ihlabele ngentokozo.Select Job 29:13

14Ngembatha ukulunga, kwangembesa; isahlulelo sami saba njengesembatho lomqhele.Select Job 29:14

15Ngangingamehlo koyisiphofu, ngangizinyawo kusiqhuli.Select Job 29:15

16Nganginguyise wabayanga, lendaba engingayaziyo ngayihlolisisa.Select Job 29:16

17Ngasengisephula umhlathi womubi, ngamenza alahle impango emazinyweni akhe.Select Job 29:17

18Ngasengisithi: Ngizaphela lesidleke sami, ngandise insuku njengetshebetshebe.Select Job 29:18

19Impande zami zinabele emanzini, lamazolo alale ubusuku ogatsheni lwami.Select Job 29:19

20Udumo lwami lutsha kimi, ledandili lami laguquka esandleni sami.Select Job 29:20

21Bangilalela, belindele, bathulela iseluleko sami.Select Job 29:21

22Emva kwelizwi lami kabaphendulanga, lelizwi lami lathontela phezu kwabo.Select Job 29:22

23Bangilindela njengezulu, lomlomo wabo bawukhamisela izulu lokucina.Select Job 29:23

24Lapho ngibahlekela, kabakholwanga, lokukhanya kobuso bami kabakuwiselanga phansi.Select Job 29:24

25Ngakhetha indlela yabo ngahlala ngiyinhloko, ngahlala njengenkosi phakathi kweviyo, njengoduduza abalilayo.Select Job 29:25