31Job 31

1Ngenza isivumelwano lamehlo ami; pho ngingananzelela njani intombi?Select Job 31:1

2Ngoba siyini isabelo sikaNkulunkulu esivela phezulu, lelifa likaSomandla elivela endaweni eziphezulu?Select Job 31:2

3Incithakalo kayisiyomubi yini, lengozi yabenzi bobubi?Select Job 31:3

4Yena kaziboni yini indlela zami, abale zonke izinyathelo zami?Select Job 31:4

5Uba ngihambe ngokuyize, kumbe unyawo lwami luphuthumele enkohlisweni,Select Job 31:5

6kangilinganise ngesilinganiso esilungileyo, ukuze uNkulunkulu azi ubuqotho bami.Select Job 31:6

7Uba inyathelo lami liphambukile endleleni, lenhliziyo yami yalandela amehlo ami, kumbe kunamathele isici ezandleni zami;Select Job 31:7

8kangihlanyele, kodwa kudle omunye, lezilimo zami zisitshulwe.Select Job 31:8

9Uba inhliziyo yami iyengwe ngowesifazana, kumbe ngacathama emnyango kamakhelwane wami,Select Job 31:9

10umkami kacholele omunye, labanye kabaguqe phezu kwakhe.Select Job 31:10

11Ngoba lokho kuyinkohlakalo, njalo kuyisono ngabahluleli.Select Job 31:11

12Ngoba ngumlilo odla kuze kube yincithakalo, usiphule sonke isivuno sami.Select Job 31:12

13Uba ngalile udaba lwenceku yami loba olwencekukazi yami, lapho ziphikisana lami,Select Job 31:13

14pho ngizakwenzani lapho uNkulunkulu esukuma? Lalapho esethekela, ngizaphendulani kuye?Select Job 31:14

15Lowo owangenza esiswini kamenzanga yena yini, lowasibumba esiswini munye?Select Job 31:15

16Uba ngigodlele umyanga isifiso, kumbe ngifiphaze amehlo omfelokazi,Select Job 31:16

17kumbe ngadla ucezu lwami ngedwa, ukuze intandane ingadli kuloSelect Job 31:17

18(ngoba kwasebutsheni bami yakhula lami nginjengoyise, ngamqondisa kusukela esizalweni sikamama),Select Job 31:18

19uba ngabona obhubha ngenxa yokuswela isigqoko, loba umyanga engelasembatho,Select Job 31:19

20uba inkalo zakhe zingangibusisanga, ngoba ekhudunyezwe yiboya bezimvu zami,Select Job 31:20

21uba ngaphakamisa isandla sami ngimelene lentandane, lapho ngabona usizo lwami esangweni,Select Job 31:21

22kaliwe ihlombe lami esiphangeni sami, lengalo yami iqamuke ethanjeni layo.Select Job 31:22

23Ngoba incithakalo kaNkulunkulu yayiyisesabiso kimi, ngingenelisi ngenxa yobukhulu bakhe.Select Job 31:23

24Uba ngenzile igolide laba lithemba lami, ngathi kugolide elihle: Themba lami.Select Job 31:24

25Uba ngithokozile ngoba inotho yami inengi, langoba isandla sami sithole okunengi;Select Job 31:25

26uba ngikhangele ilanga lapho libenyezela, loba inyanga ehamba enkazimulweni,Select Job 31:26

27lenhliziyo yami yayengwa ensitha, kumbe isandla sami sange umlomo wami,Select Job 31:27

28lalokho yisiphambeko phambi kwabehluleli, ngoba ngabe ngimphikile uNkulunkulu waphezulu.Select Job 31:28

29Uba ngithokozile ngokuchitheka kongizondayo, kumbe ngajabula lapho ububi bumthola;Select Job 31:29

30njalo ngingavumelanga umlomo wami ukuthi wone, ngokucela umphefumulo wakhe ngesiqalekiso;Select Job 31:30

31uba abantu bethente lami bebengatshongo ukuthi: Hawu, aluba besilokwenyama yakhe, ngabe kasisuthanga.Select Job 31:31

32Owemzini kazanga alale esitaladeni; iminyango yami ngayivulela isihambi.Select Job 31:32

33Uba ngasibekela iziphambeko zami njengoAdamu, ngokufihla isono sami esifubeni sami.Select Job 31:33

34Ngoba ngethuswa lixuku elikhulu, lokudelelwa ngabensendo kwangesabisa, ngakho ngathula, kangaze ngaphuma emnyango.Select Job 31:34

35Kungathi ngabe ngilongangizwa! Khangelani uphawu lwami. Kungathi uSomandla angangiphendula, lokuthi ophikisana lami ngabe ubhale ugwalo!Select Job 31:35

36Isibili, bengingaluthwala ehlombe lami, ngilubophe lube ngumqhele kimi.Select Job 31:36

37Ngimtshele inani lezinyathelo zami, ngisondele kuye njengesiphathamandla.Select Job 31:37

38Uba umhlaba wami ukhalile ngami, lemifolo yawo ililile ndawonye,Select Job 31:38

39uba ngidlile amandla awo kungelamali, kumbe ngenza umphefumulo wabaniniwo uphele,Select Job 31:39

40kakuhlume ukhula oluhlabayo endaweni yengqoloyi, lokhula olunukayo endaweni yebhali. Amazwi kaJobe asephelile.Select Job 31:40