32Job 32

1Lawomadoda amathathu aseyekela ukumphendula uJobe, ngoba wayelungile emehlweni akhe.Select Job 32:1

2Lwaseluvutha ulaka lukaElihu indodana kaBarakeli umBuzi, owosendo lukaRamu. Ulaka lwakhe lwavuthela uJobe ngoba wazilungisisa yena kuloNkulunkulu.Select Job 32:2

3Ulaka lwakhe lwabavuthela labo abangane bakhe abathathu, ngoba bengatholanga impendulo, kube kanti bamlahla uJobe.Select Job 32:3

4Kodwa UElihu wayelindele uJobe ekhuluma, ngoba babebadala ngensuku kulaye.Select Job 32:4

5UElihu esebonile ukuthi kwakungelampendulo emlonyeni walamadoda amathathu, ulaka lwakhe lwaseluvutha.Select Job 32:5

6Ngakho uElihu indodana kaBarakeli umBuzi waphendula wathi: Mina ngingomncinyane ngezinsuku, lina-ke libadala; ngenxa yalokhu bengithikaza, ngesaba ukulitshela umcabango wami.Select Job 32:6

7Ngathi: Kakukhulume izinsuku, lobunengi beminyaka bazise inhlakanipho.Select Job 32:7

8Isibili umoya ukhona emuntwini, lokuphefumulela kukaSomandla kuyabanika ukuqedisisa.Select Job 32:8

9Abakhulu kabahlakaniphi ngezikhathi zonke, labalupheleyo kabaqedisisi isahlulelo.Select Job 32:9

10Ngakho ngithi: Lalelani kimi; lami ngizatshengisa umcabango wami.Select Job 32:10

11Khangelani, bengiwalindele amazwi enu, ngabeka indlebe ekukhulumeni kwenu okuhlakaniphileyo, lisadinga amazwi.Select Job 32:11

12Yebo, ngalilalela, khangelani-ke, kakho phakathi kwenu omvumisileyo uJobe, owaphenduleyo amazwi akhe.Select Job 32:12

13Hlezi lithi: Sitholile inhlakanipho; nguNkulunkulu ozamxotsha, hatshi umuntu.Select Job 32:13

14Kodwa kangihlelelanga amazwi, langamazwi enu kangiyikumphendula.Select Job 32:14

15Badideka, kabasaphendulanga, basusa amazwi kubo.Select Job 32:15

16Ngasengilinda, kodwa kabakhulumanga, ngoba bema, kabasaphendulanga.Select Job 32:16

17Lami ngizaphendula ingxenye yami, lami ngitshengise umcabango wami.Select Job 32:17

18Ngoba ngigcwele amazwi, umoya wesisu sami uyangiqhubezela.Select Job 32:18

19Khangelani, isisu sami sinjengewayini engavulwanga, njengemigodla emitsha sizadabuka.Select Job 32:19

20Ngizakhuluma ukuze ngiphefumule; ngivule indebe zami, ngiphendule.Select Job 32:20

21Ake ngingaphakamisi ubuso bomuntu, ngingabizi umuntu ngebizo lokubamba amehlo.Select Job 32:21

22Ngoba kangikwazi ukunika amabizo okubamba amehlo; masinyane umenzi wami angangisusa.Select Job 32:22