33Job 33

1Kube kanti-ke, Jobe, ake uzwe inkulumo zami, ubeke indlebe kuwo wonke amazwi ami.Select Job 33:1

2Khangelani, sengivule umlomo wami, ulimi lwami lukhuluma emlonyeni wami.Select Job 33:2

3Amazwi ami angawokuqonda kwenhliziyo yami, azakhuluma ulwazi lwendebe zami ngokuhlanzeka.Select Job 33:3

4UMoya kaNkulunkulu wangenza, lokuphefumula kukaSomandla kwanginika impilo.Select Job 33:4

5Uba ulakho ngiphendula; zihlele phambi kwami, uzimise.Select Job 33:5

6Khangela, nginjengawe kuNkulunkulu, lami ngathatshwa ebumbeni.Select Job 33:6

7Khangela, ukwethusa kwami kungakwethusi, lesandla sami singabi nzima phezu kwakho.Select Job 33:7

8Isibili ukhulume endlebeni zami, ngezwa ilizwi lamazwi, uthi:Select Job 33:8

9Ngimsulwa, kangilasiphambeko, ngihlanzekile, njalo kakulabubi kimi.Select Job 33:9

10Khangela, uthola amathuba okumelana lami, ungibala njengesitha sakhe.Select Job 33:10

11Ufaka inyawo zami esigodweni, aqaphele zonke indlela zami.Select Job 33:11

12Khangela, kulokhu kawulunganga; ngizakuphendula, ngoba uNkulunkulu mkhulu kulomuntu.Select Job 33:12

13Umphikiselani? Ngoba engaphenduli leyodwa yezindaba zakhe.Select Job 33:13

14Ngoba uNkulunkulu ukhuluma kanye, yebo, kabili, engekho onanzayo.Select Job 33:14

15Ephutsheni, kumbono webusuku, lapho ubuthongo obunzima busehlela abantu, ekuwozeleni embhedeni;Select Job 33:15

16abesesembula indlebe yabantu, aphawule ukuqondiswa kwabo;Select Job 33:16

17ukuze aphambule umuntu ekwenzenikwakhe, afihle ukuzigqaja emuntwini,Select Job 33:17

18anqande umphefumulo wakhe egodini, lempilo yakhe ekwedluleni ngenkemba.Select Job 33:18

19Njalo ujeziswa ngobuhlungu embhedeni wakhe, langokuqaqamba kwamathambo akhe okungapheliyo,Select Job 33:19

20ize impilo yakhe inengwe yisinkwa, lomphefumulo wakhe yikudla okuloyisekayo.Select Job 33:20

21Inyama yakhe iyaphela, ingabonakali, lamathambo akhe abekade engabonakali avele.Select Job 33:21

22Lomphefumulo wakhe useduze legodi, lempilo yakhe kubabulali.Select Job 33:22

23Uba kulesithunywa kanye laye, umlamuli, oyedwa phakathi kwenkulungwane, ukutshela umuntu ukuqonda kwakhe,Select Job 33:23

24uzakuba lomusa kuye athi: Mkhulule ekwehleleni egodini, sengithole inhlawulo.Select Job 33:24

25Inyama yakhe izakuba ntsha okwedlula ubutsha; abuyele ensukwini zobutsha bakhe.Select Job 33:25

26Akhuleke kuNkulunkulu, ozakuba lesisa kuye, abone ubuso bakhe ngentokozo; ngoba uzabuyisela emuntwini ukulunga kwakhe.Select Job 33:26

27Ukhangela ebantwini athi: Ngonile, ngahlanekela okulungileyo, kodwa kakungisizanga.Select Job 33:27

28Uhlengile umphefumulo wami ekwedluleni egodini, lempilo yami izabona ukukhanya.Select Job 33:28

29Khangelani, lezizinto uNkulunkulu uyazenza ngomuntu kabili kumbe kathathu,Select Job 33:29

30ukuze abuyise umphefumulo wakhe egodini, ukuze akhanyiswe ngokukhanya kwabaphilayo.Select Job 33:30

31Zwana, Jobe, ungilalele, uthule, njalo mina ngikhulume.Select Job 33:31

32Uba kulamazwi, ungiphendule; khuluma, ngoba ngifisa ukutshengisa ukuthi ulungile.Select Job 33:32

33Uba kungenjalo, wena ngilalela; thula, njalo ngizakufundisa inhlakanipho.Select Job 33:33