38Job 38

1INkosi yasimphendula uJobe isesivunguzaneni yathi:Select Job 38:1

2Ngubani lo ofiphaza iseluleko ngamazwi angelalwazi?Select Job 38:2

3Bopha-ke ukhalo lwakho njengendoda, njalo ngizakubuza, njalo ungenze ngazi.Select Job 38:3

4Wawungaphi lapho ngimisa izisekelo zomhlaba? Tshono uba usazi ukuqedisisa.Select Job 38:4

5Ngubani owabeka izilinganiso zawo, uba ukwazi? Kumbe ngubani owelulela intambo yokulinganisa phezu kwawo?Select Job 38:5

6Izisekelo zawo zamiswa phezu kwani? Kumbe ngubani owabeka ilitshe lawo lengonsi,Select Job 38:6

7lapho inkanyezi zokusa zahlabela kanyekanye, lamadodana wonke kaNkulunkulu amemeza ngenjabulo?Select Job 38:7

8Kumbe ngubani owavalela ulwandle ngezivalo, lapho lufohla luphuma esiswini,Select Job 38:8

9lapho ngimisa iyezi laba yisembatho salo, lomnyama onzima waba yimbeleko yalo?Select Job 38:9

10Njalo ngaluqumela isimiso, ngamisa imigoqo lezivalo,Select Job 38:10

11ngathi: Uzafika kuze kube lapha, kodwa ungedluli, lalapha kuzamelana lokuzigqaja kwamagagasi akho.Select Job 38:11

12Kusukela ensukwini zakho walawula ukusa yini, wenza ukudabuka kokusa ukuthi kwazi indawo yakho,Select Job 38:12

13ukuthi kubambe imiphetho yomhlaba, ukuze kuthintithe ababi kuwo?Select Job 38:13

14Kuyaguquka njengebumba lophawu lokunamathisela, kuzimisa njengesembatho.Select Job 38:14

15Lakwababi ukukhanya kwabo kuyagodlwa, lengalo ephakemeyo iyephulwa.Select Job 38:15

16Usungenile emithonjeni yolwandle yini, wahamba usiya le lale ekudingeni inziki?Select Job 38:16

17Amasango okufa wawembulelwa yini, wawabona amasango ethunzi lokufa?Select Job 38:17

18Uqedisisile yini kuze kube sebubanzini bomhlaba? Tshono uba ukwazi konke.Select Job 38:18

19Ingaphi indlela lapho okuhlala khona ukukhanya? Lomnyama, ingaphi indawo yawo,Select Job 38:19

20ukuze ukuse emngceleni wakho, lokuthi uqedisise izindlela zomuzi wakho?Select Job 38:20

21Uyazi, ngoba wawusuzelwe, lenani lensuku zakho likhulu.Select Job 38:21

22Usungenile eziphaleni zeliqhwa elikhithikileyo yini, wabona iziphala zesiqhotho,Select Job 38:22

23engizigodle kuze kube yisikhathi sokuhlupheka, kuze kube lusuku lokulwa lolwempi?Select Job 38:23

24Ingaphi indlela lapho ukukhanya okwabiwa khona, umoya wempumalanga ohlakazeka khona emhlabeni?Select Job 38:24

25Ngubani owehlukanisela impophoma indlela yamanzi, lendlela yombane wemidumo,Select Job 38:25

26ukuthi line emhlabeni lapho okungelamuntu khona, enkangala okungelamuntu kuyo,Select Job 38:26

27ukusuthisa inkangala legwadule, lokuhlumisa ukuphuma kotshani?Select Job 38:27

28Izulu liloyise yini, kumbe ngubani owazala amathonsi amazolo?Select Job 38:28

29Ungqwaqwane waphuma esiswini sikabani? Njalo ngubani owazala iliqhwa lamazulu?Select Job 38:29

30Amanzi afihlakele njengelitshe, lobuso bokujula bujiyile.Select Job 38:30

31Ungazibopha yini izibopho zesiLimela, kumbe uthukulule intambo zeziNja?Select Job 38:31

32Ungakhupha yini izinkanyezi ngesikhathi sazo? Ungakhokhela yini iBhere kanye labantwana balo?Select Job 38:32

33Uyazazi yini izimiso zamazulu, kumbe ungamisa umbuso wazo emhlabeni?Select Job 38:33

34Ungaphakamisela yini ilizwi lakho emayezini, ukuthi ubunengi bamanzi bukusibekele?Select Job 38:34

35Ungathuma yini imibane ukuthi ihambe, ithi kuwe: Khangela, silapha?Select Job 38:35

36Ngubani owabeka inhlakanipho emibilini? Kumbe ngubani onike ukuqedisisa engqondweni?Select Job 38:36

37Ngubani ongabala amayezi ngenhlakanipho? Njalo ngubani ongalalisa imbodlela zamazulu,Select Job 38:37

38lapho uthuli luqina lube yizigaqa, lamagade anamathelane?Select Job 38:38

39Ungasizingelela yini isilwane ukudla, kumbe usuthise ukulamba kwezilwane ezintsha,Select Job 38:39

40lapho zicathame emihomeni, zihlala esikhundleni ukuthi zicathame?Select Job 38:40

41Ngubani olungisela iwabayi ukudla kwalo, lapho amaphuphu alo ekhala kuNkulunkulu, ezulazula ngoba kungelakudla?Select Job 38:41