4Job 4

1UElifazi umThemani wasephendula wathi:Select Job 4:1

2Uba sizama ilizwi kuwe, uzadabuka yini? Kodwa ngubani ongazibamba emazwini?Select Job 4:2

3Khangela, uqondisile abanengi, waqinisa izandla ezibuthakathaka.Select Job 4:3

4Amazwi akho amvusile okhubekayo, waqinisa amadolo axegayo.Select Job 4:4

5Kodwa khathesi kufikile kuwe, uyadinwa; kuyakuthinta wena, utshaywa luvalo.Select Job 4:5

6Ukwesaba kwakho uNkulunkulu kakusiso isibindi sakho yini, lobuqotho bendlela zakho ithemba lakho?Select Job 4:6

7Akukhumbule, ngubani owake wachithwa engelacala? Kumbe abalungileyo bake baqunywa ngaphi?Select Job 4:7

8Njengengikubonileyo, abalima ububi behlanyela udubo, bavuna khona.Select Job 4:8

9Ngokuphephetha kukaNkulunkulu bayabhubha, langokuphefumula kwamakhala akhe bayaphela.Select Job 4:9

10Ukubhonga kwesilwane, lelizwi lesilwane esesabekayo, lamazinyo amabhongo esilwane, kwephukile.Select Job 4:10

11Isilwane esidala siyabhubha ngokuswela impango, lemidlwane yesilwanekazi isabalale.Select Job 4:11

12Ngasenginyenyezelwa ilizwi, lendlebe yami yemukela okuncinyane kwalo.Select Job 4:12

13Phakathi kwemicabango yemibono yebusuku, lapho ubuthongo obukhulu busehlela abantu,Select Job 4:13

14ukwesaba kwangifikela lokuthuthumela okwenza ubunengi bamathambo ami baqhaqhazela.Select Job 4:14

15Kwasekusedlula umoya ebusweni bami, loboya benyama yami bavuka.Select Job 4:15

16Wema, kodwa angikuqondanga ukubonakala kwawo; isimo sasiphambi kwamehlo ami; kwathula, ngasengisizwa ilizwi lisithi:Select Job 4:16

17Kambe umuntu angalunga okwedlula uNkulunkulu? Umuntu angahlambuluka okwedlula uMenzi wakhe yini?Select Job 4:17

18Khangela, kazithembi inceku zakhe, lengilosi zakhe uthi zingabaphosisi.Select Job 4:18

19Kangakanani abahlala endlini zebumba, abasisekelo sabo sisethulini, abachotshozwa phambi kwenundu.Select Job 4:19

20Bakhandwa kusukela ekuseni kuze kube kusihlwa, kungelakunanzwa bayabhubha kuze kube nininini.Select Job 4:20

21Ubuhle babo kabususwa labo yini? Bayafa kodwa bengalanhlakanipho.Select Job 4:21