7Job 7

1Kakukho yini imfazo kumuntu emhlabeni, lensuku zakhe kazinjengensuku zoqhatshiweyo yini?Select Job 7:1

2Njengesigqili sikhefuzelela umthunzi, lanjengesiqatshwa silindele iholo laso,Select Job 7:2

3ngokunjalo mina ngidliswe ilifa lenyanga zeze, lobusuku bezinhlupheko bubalelwe mina.Select Job 7:3

4Lapho ngilala phansi ngithi: Ngizavuka nini? Ngoba ubusuku bude, njalo ngigcwele ukutshukuma kuze kuse.Select Job 7:4

5Inyama yami yembethe impethu lamagade othuli; isikhumba sami siyadabuka siyenyanyeka.Select Job 7:5

6Insuku zami ziyaphangisa kuleselukiso someluki, ziphele kungelathemba.Select Job 7:6

7Khumbula ukuthi impilo yami ingumoya; ilihlo lami kaliyikuphinda libone okuhle.Select Job 7:7

8Ilihlo longibonayo kaliyikungibona futhi; amehlo akho aphezu kwami, kodwa ngizakuba ngingasekho.Select Job 7:8

9Iyezi liyaphela linyamalale; ngokunjalo owehlela engcwabeni kayikwenyuka.Select Job 7:9

10Kaphindi abuyele emzini wakhe, lendawo yakhe kayisayikumazi.Select Job 7:10

11Ngakho mina kangiyikubamba umlomo wami; ngizakhuluma ekucindezelweni komoya wami, ngisole ekubabeni komphefumulo wami.Select Job 7:11

12Ngilulwandle yini, kumbe isilo solwandle, ukuze lingibekele abalindi?Select Job 7:12

13Lapho ngisithi: Umbheda wami uzangiduduza, icansi lami liphungule ukusola kwami;Select Job 7:13

14ubusungiqhaqhazelisa ngamaphupho, angethuse ngemibono;Select Job 7:14

15ukuze umphefumulo wami ukhethe ukuklinywa, ukufa kulamathambo ami.Select Job 7:15

16Ngiyanengwa yikho, kangiyikuphila njalonjalo; ngiyekele, ngoba insuku zami ziyize.Select Job 7:16

17Uyini umuntu ukuthi umkhulise, lokuthi ubeke inhliziyo yakho kuye,Select Job 7:17

18lokuthi umhambele ikuseni yonke, umlinge sonke isikhathi?Select Job 7:18

19Koze kube nini ungayekeli ukungiqaphela, ungangiyekeli ngize ngiginye amathe ami yini?Select Job 7:19

20Ngonile, ngizakwenzani kuwe, wena mlindi wabantu? Ungimiseleni ngibe yinto yakho yokunenjwa, ngize ngibe ngumthwalo kimi?Select Job 7:20

21Njalo kawuthetheleli ngani isiphambeko sami, ususe isono sami? Ngoba sengizalala phansi othulini; uzangidinga ngovivi, kodwa kangiyikuba khona.Select Job 7:21