1Proverbs 1

1Izaga zikaSolomoni, indodana kaDavida, inkosi yakoIsrayeli;Select Proverbs 1:1

2ukwazi inhlakanipho lokulaywa, ukuqedisisa amazwi okuqedisisa,Select Proverbs 1:2

3ukwemukela ukulaya kwenhlakanipho, ukulunga, lesahlulelo, lokuqonda;Select Proverbs 1:3

4ukunika abangelalwazi inhlakanipho, ijaha ulwazi lengqondo.Select Proverbs 1:4

5Ohlakaniphileyo uzakuzwa, andise ukufunda, loqedisisayo uzazuza izeluleko,Select Proverbs 1:5

6ukuqedisisa isaga lomzekeliso, amazwi abahlakaniphileyo, lamalibho abo.Select Proverbs 1:6

7Ukwesaba iNkosi kuyikuqala kolwazi; izithutha ziyadelela inhlakanipho lokulaywa.Select Proverbs 1:7

8Ndodana yami, zwana ukulaya kukayihlo, ungawudeli umlayo kanyoko;Select Proverbs 1:8

9ngoba kuzakuba ngumqhele womusa ekhanda lakho, lemigaxo entanyeni yakho.Select Proverbs 1:9

10Ndodana yami, uba izoni zikuhuga, ungavumi.Select Proverbs 1:10

11Uba zisithi: Hamba lathi, siyecathamela igazi, sicatshele ongelacala kungelasizatho;Select Proverbs 1:11

12sibaginye bephila njengengcwaba, yebo, ngokupheleleyo, njengabehlela egodini.Select Proverbs 1:12

13Sizathola yonke impahla eligugu, sigcwalise izindlu zethu ngempango.Select Proverbs 1:13

14Phosela inkatho yakho phakathi kwethu; sonke sibe lesikhwama semali sinye.Select Proverbs 1:14

15Ndodana yami, ungahambi lazo endleleni; unqande unyawo lwakho emkhondweni wazo.Select Proverbs 1:15

16Ngoba inyawo zazo zigijimela ebubini, ziphangisa ukuchitha igazi.Select Proverbs 1:16

17Isibili, imbule lendlalelwa ize phambi kwamehlo aloba yiyiphi inyoni.Select Proverbs 1:17

18Lalaba bacathamela igazi labo, bacatshele imiphefumulo yabo.Select Proverbs 1:18

19Zinjalo indlela zakhe wonke ozuza inzuzo ngokuphanga; ithatha impilo yabaniniyo.Select Proverbs 1:19

20UkuHlakanipha kuyamemeza ngaphandle, kukhupha ilizwi lakho emidangeni.Select Proverbs 1:20

21Kuyamemeza endaweni eqakathekileyo yokuxokozela, ekungeneni kwamasango; emzini kutsho amazwi akho,Select Proverbs 1:21

22kusithi: Koze kube nini, lina elingelalwazi, lithanda ukungabi lalwazi, labaklolodayo bezifisela ukukloloda, leziphukuphuku zizonda ulwazi?Select Proverbs 1:22

23Phendukelani ekukhuzeni kwami; khangelani, ngizathululela umoya wami kini, ngilazise amazwi ami.Select Proverbs 1:23

24Ngoba ngibizile, kodwa lala; ngelulile isandla sami, kodwa kakho onanzayo;Select Proverbs 1:24

25ladelela sonke iseluleko sami, kalivumanga ukukhuza kwami;Select Proverbs 1:25

26mina-ke ngizahleka ukuchitheka kwenu, ngiklolode ekufikeni kokwesaba kwenu,Select Proverbs 1:26

27ekufikeni kokwesaba kwenu njengesiphepho, lokuchitheka kwenu kufika njengesivunguzane, lapho ubuhlungu losizi kulehlela.Select Proverbs 1:27

28Khona bazangibiza, kodwa kangiyikusabela; bazangidingisisa, kodwa kabayikungithola.Select Proverbs 1:28

29Ngenxa yokuthi babezonda ulwazi, bengakhethanga ukwesaba iNkosi.Select Proverbs 1:29

30Kabavumanga iseluleko sami, bedelela konke ukukhuza kwami.Select Proverbs 1:30

31Ngakho bazakudla okwesithelo sendlela yabo, basuthiswe ngamacebo abo.Select Proverbs 1:31

32Ngoba ukuhlehla kwabangelalwazi kuzababulala, lokonwaba kweziphukuphuku kuzababhubhisa.Select Proverbs 1:32

33Kodwa ongilalelayo uzahlala evikelekile, onwabe ekwesabeni okubi.Select Proverbs 1:33