10Proverbs 10

1Izaga zikaSolomoni. Indodana ehlakaniphileyo ithokozisa uyise, kodwa indodana eyisithutha ilusizi kunina.Select Proverbs 10:1

2Inotho yenkohlakalo kayisizi lutho, kodwa ukulunga kophula ekufeni.Select Proverbs 10:2

3INkosi kayiyekeli umphefumulo wolungileyo ulambe, kodwa isunduza isifiso sababi.Select Proverbs 10:3

4Osebenza ngesandla esixegayo uba ngumyanga, kodwa isandla sabakhutheleyo siyanothisa.Select Proverbs 10:4

5Ovuna ehlobo uyindodana ehlakaniphileyo; olala ubuthongo obukhulu ngesikhathi sokuvuna uyindodana ethelela ihlazo.Select Proverbs 10:5

6Izibusiso zisekhanda lolungileyo, kodwa ubudlwangudlwangu busibekela umlomo wabakhohlakeleyo.Select Proverbs 10:6

7Ukukhunjulwa kolungileyo kungokwesibusiso, kodwa ibizo labakhohlakeleyo lizabola.Select Proverbs 10:7

8Ohlakaniphileyo ngenhliziyo uyemukela imilayo, kodwa isithutha ngendebe sizawiselwa phansi.Select Proverbs 10:8

9Ohamba ngobuqotho uhamba evikelekile, kodwa ophambula indlela zakhe uzakwaziwa.Select Proverbs 10:9

10Ociyoza ilihlo ubanga inkathazo, njalo isithutha ngendebe sizawiselwa phansi.Select Proverbs 10:10

11Umlomo wolungileyo ungumthombo wempilo, kodwa ubudlwangudlwangu busibekela umlomo wabakhohlakeleyo.Select Proverbs 10:11

12Inzondo ibanga ingxabano, kodwa uthando lusibekela iziphambeko zonke.Select Proverbs 10:12

13Endebeni zoqedisisayo kutholakala inhlakanipho, kodwa intonga ingeyomhlana woswela ingqondo.Select Proverbs 10:13

14Abahlakaniphileyo babekelela ulwazi, kodwa umlomo wesithutha useduze lencithakalo.Select Proverbs 10:14

15Inotho yonothileyo ingumuzi wamandla akhe; ubuyanga babayanga buyincithakalo yabo.Select Proverbs 10:15

16Umsebenzi wolungileyo ngowempilo; inzuzo yokhohlakeleyo ngeyesono.Select Proverbs 10:16

17Ogcina ukulaywa usendleleni yempilo, kodwa odelela ukukhuzwa ubanga ukuduha.Select Proverbs 10:17

18Osibekela inzondo ungowendebe zamanga, lohlebayo uyisithutha.Select Proverbs 10:18

19Ebunengini bamazwi ukuphambeka kakusileli, kodwa othiba indebe zakhe uhlakaniphile.Select Proverbs 10:19

20Ulimi lolungileyo luyisiliva esikhethekileyo; inhliziyo yokhohlakeleyo injengento encinyane.Select Proverbs 10:20

21Indebe zolungileyo zondla abanengi, kodwa izithutha ziyafa ngokuswela ingqondo.Select Proverbs 10:21

22Isibusiso seNkosi sona siyanothisa; njalo kayengezi usizi kuso.Select Proverbs 10:22

23Kunjengenhlekisa koyisithutha ukwenza okubi; kunjalo inhlakanipho kumuntu wokuqedisisa.Select Proverbs 10:23

24Lokho okhohlakeleyo akwesabayo kuzamfikela, kodwa isiloyiso solungileyo sizanikwa.Select Proverbs 10:24

25Njengokwedlula kwesivunguzane, unjalo okhohlakeleyo kasekho; kodwa olungileyo uyisisekelo saphakade.Select Proverbs 10:25

26Njengeviniga emazinyweni, lanjengentuthu emehlweni, unjalo olivila kwabamthumileyo.Select Proverbs 10:26

27Ukuyesaba iNkosi kwandisa insuku, kodwa iminyaka yabakhohlakeleyo izafinyezwa.Select Proverbs 10:27

28Ithemba labalungileyo liyintokozo, kodwa okulindelwayo kwabakhohlakeleyo kuzabhubha.Select Proverbs 10:28

29Indlela yeNkosi iyinqaba koqotho, kodwa iyincithakalo kubenzi bobubi.Select Proverbs 10:29

30Olungileyo kayikunyikinywa laphakade, kodwa abakhohlakeleyo kabayikuhlala elizweni.Select Proverbs 10:30

31Umlomo wolungileyo ukhupha inhlakanipho, kodwa ulimi oluphambeneyo luzaqunywa.Select Proverbs 10:31

32Indebe zolungileyo ziyazi okuthokozisayo, kodwa umlomo wabakhohlakeleyo iziphambeko.Select Proverbs 10:32