13Proverbs 13

1Indodana ehlakaniphileyo ilalela ukulaya kukayise, kodwa isideleli kasilaleli ukukhuzwa.Select Proverbs 13:1

2Umuntu uzakudla okuhle okuvela esithelweni somlomo, kodwa umphefumulo weziphambuki ubudlwangudlwangu.Select Proverbs 13:2

3Olondoloza umlomo wakhe ugcina umphefumulo wakhe, kodwa ovula indebe zakhe zibe banzi uzakuba lencithakalo.Select Proverbs 13:3

4Umphefumulo wevila uyafisa, kodwa kakulalutho; kodwa umphefumulo wokhutheleyo uyakhuluphaliswa.Select Proverbs 13:4

5Olungileyo uyalizonda ilizwi lamanga; kodwa omubi uzenza abe levumba, uthelela ihlazo.Select Proverbs 13:5

6Ukulunga kulinda oqotho endleleni, kodwa inkohlakalo ichitha isoni.Select Proverbs 13:6

7Kukhona ozitshaya onothileyo, kanti kalalutho; ozitshaya ongumyanga, kanti unothile kakhulu.Select Proverbs 13:7

8Inhlawulo yempilo yomuntu yinotho yakhe, kodwa umyanga kezwa ukukhuzwa.Select Proverbs 13:8

9Ukukhanya kwabalungileyo kuyathokoza, kodwa isibane sabakhohlakeleyo sizacitshwa.Select Proverbs 13:9

10Ukuzigqaja kuveza ingxabano kuphela, kodwa inhlakanipho ikwabalulekiweyo.Select Proverbs 13:10

11Inotho etholakala ngokuyize izaphunguka, kodwa obuthelela ngesandla uyayandisa.Select Proverbs 13:11

12Ithemba eliphuzayo ligulisa inhliziyo, kodwa isifiso esizayo siyisihlahla sempilo.Select Proverbs 13:12

13Odelela ilizwi yena uzachithwa, kodwa owesaba umlayo yena uzavuzwa.Select Proverbs 13:13

14Imfundiso yohlakaniphileyo ingumthombo wempilo, ukuthi asuke emijibileni yokufa.Select Proverbs 13:14

15Ukuqedisisa okuhle kunika umusa, kodwa indlela yabaphambukayo ilukhuni.Select Proverbs 13:15

16Wonke ohlakaniphileyo wenza ngolwazi, kodwa isithutha sichaya ubuthutha.Select Proverbs 13:16

17Isithunywa esikhohlakeleyo siwela ebubini, kodwa isithunywa esithembekileyo siyikusilisa.Select Proverbs 13:17

18Ubuyanga lehlazo ngokwalowo oyekela ukufundiswa, kodwa onanzelela ukukhuzwa uzadunyiswa.Select Proverbs 13:18

19Isifiso esenziweyo simnandi emphefumulweni, kodwa kuyisinengiso ezithutheni ukuphenduka ebubini.Select Proverbs 13:19

20Ohamba labahlakaniphileyo uzahlakanipha, kodwa umngane wezithutha uzakuba mubi.Select Proverbs 13:20

21Ububi buzazingela izoni, kodwa abalungileyo bazavuzwa ngokuhle.Select Proverbs 13:21

22Olungileyo uzabenza abantwana babantwana badle ilifa, kodwa inotho yesoni ibekelwa olungileyo.Select Proverbs 13:22

23Ukudla okunengi kusengqathweni yabayanga, kodwa kukhona okukhukhulwa ngokungabi lokwahlulela.Select Proverbs 13:23

24Ogodla uswazi lwakhe uzonda indodana yakhe, kodwa oyithandayo uyayidinga masinyane ngesijeziso.Select Proverbs 13:24

25Olungileyo uyadla kuze kusuthe umphefumulo wakhe, kodwa isisu sabakhohlakeleyo sizaswela.Select Proverbs 13:25