16Proverbs 16

1Umuntu ulamacebo enhliziyo, kodwa impendulo yolimi ivela eNkosini.Select Proverbs 16:1

2Zonke indlela zomuntu zihlanzekile emehlweni akhe, kodwa iNkosi ilinganisa imimoya.Select Proverbs 16:2

3Giqela eNkosini imisebenzi yakho, lamacebo akho azaqiniswa.Select Proverbs 16:3

4INkosi izenzele konke, lomubi laye usuku lobubi.Select Proverbs 16:4

5Wonke ozigqajayo ngenhliziyo uyisinengiso eNkosini; isandla esandleni, kayikuyekelwa engajeziswanga.Select Proverbs 16:5

6Ngomusa leqiniso isono siyahlawulelwa, langokuyesaba iNkosi umuntu uyasuka ebubini.Select Proverbs 16:6

7Nxa indlela zomuntu zithokozisa iNkosi, iyenza lezitha zakhe zibe lokuthula laye.Select Proverbs 16:7

8Okulutshwana kanye lokulunga kungcono kulobunengi benzuzo engelakulunga.Select Proverbs 16:8

9Inhliziyo yomuntu iceba indlela yakhe, kodwa iNkosi iqondisa inyathelo lakhe.Select Proverbs 16:9

10Isinqumo sikaNkulunkulu sisendebeni zenkosi; umlomo wayo kawuyikuphambeka kusahlulelo.Select Proverbs 16:10

11Isikali lesilinganiso esilungileyo kungokweNkosi; wonke amatshe okulinganisa omgodla angumsebenzi wayo.Select Proverbs 16:11

12Kuyisinengiso emakhosini ukwenza okubi, ngoba isihlalo sobukhosi simiswa ngokulunga.Select Proverbs 16:12

13Indebe zokulunga ziyintokozo yamakhosi; iyathanda okhuluma izinto eziqondileyo.Select Proverbs 16:13

14Ulaka lombusi luyizithunywa zokufa, kodwa umuntu ohlakaniphileyo uzaluthulisa.Select Proverbs 16:14

15Ekukhanyeni kobuso benkosi kulempilo, lomusa wayo unjengeyezi lezulu lamuva.Select Proverbs 16:15

16Kungcono kangakanani ukuzuza inhlakanipho kulegolide; lokuzuza ukuqedisisa kukhethwa kulesiliva.Select Proverbs 16:16

17Umgwaqo omkhulu wabaqotho yikusuka ebubini; olondoloza umphefumulo wakhe unanzelela indlela yakhe.Select Proverbs 16:17

18Ukuzigqaja kuqalela ukubhujiswa, lokuziphakamisa komoya kuqalela ukuwa.Select Proverbs 16:18

19Kungcono ukuthobeka ngomoya kanye labamnene, kulokwabelana impango labazigqajayo.Select Proverbs 16:19

20Ophatha udaba ngenhlakanipho uzathola okuhle; lothemba eNkosini uyathaba.Select Proverbs 16:20

21Ohlakaniphileyo ngenhliziyo kuthiwa ngoqedisisayo; lobumnandi bendebe bandisa imfundiso.Select Proverbs 16:21

22Ukuqedisisa kwabalakho kungumthombo wempilo, kodwa ukulaya kwezithutha kuyibuthutha.Select Proverbs 16:22

23Ingqondo yohlakaniphileyo yenza umlomo wakhe uhlakaniphe, izakwandisa imfundiso endebeni zakhe.Select Proverbs 16:23

24Amazwi amnandi aluhlanga loluju, amnandi emphefumulweni, ayimpiliso emathanjeni.Select Proverbs 16:24

25Kukhona indlela ebonakala iqondile emuntwini, kodwa ukuphela kwayo zindlela zokufa.Select Proverbs 16:25

26Indlala yomtshikatshiki iyazitshikatshikela, ngoba umlomo wakhe uyamkhuthaza.Select Proverbs 16:26

27Umuntu omubi ugebha ububi; lendebeni zakhe kulokunjengomlilo otshisayo.Select Proverbs 16:27

28Umuntu ophambeneyo ungenisa ingxabano, lonyeyayo wehlukanisa umngane oseduze.Select Proverbs 16:28

29Umuntu wobudlwangudlwangu uhuga umakhelwane wakhe, amhambise ngendlela engalunganga.Select Proverbs 16:29

30Uvala amehlo akhe ukuceba izinto eziphambeneyo, eluma indebe zakhe aqede ububi.Select Proverbs 16:30

31Izimvu zekhanda zingumqhele wodumo; zitholakala endleleni yokulunga.Select Proverbs 16:31

32Ophuza ukuthukuthela ungcono kuleqhawe, lobusa umoya wakhe kulothumba umuzi.Select Proverbs 16:32

33Inkatho iphoselwa ethangazini, kodwa isinqumo sayo sonke sivela eNkosini.Select Proverbs 16:33