17Proverbs 17

1Ucezu olomileyo lokuthula kanye lalo lungcono kulendlu egcwele imihlatshelo lengxabano.Select Proverbs 17:1

2Inceku ehlakaniphileyo izabusa phezu kwendodana eyangisayo, yehlukanise ilifa phakathi kwezelamani.Select Proverbs 17:2

3Imbiza yokuncibilikisa ngeyesiliva, lesithando ngesegolide, kodwa iNkosi ihlola izinhliziyo.Select Proverbs 17:3

4Umenzi wobubi ulalela indebe ekhohlakeleyo; umqambimanga ubeka indlebe olimini oluchithayo.Select Proverbs 17:4

5Oklolodela umyanga uthuka uMenzi wakhe; othokoza encithakalweni kayikuba msulwa.Select Proverbs 17:5

6Abantwana babantwana bangumqhele wabadala, lodumo lwabantwana ngoyise.Select Proverbs 17:6

7Indebe elobungcwethi kayisifanelanga isithutha; kakhulu kangakanani indebe yamanga isiphathamandla.Select Proverbs 17:7

8Isipho siyilitshe eliligugu emehlweni abaniniso; loba ngaphi esiphendukela khona sizaphumelela.Select Proverbs 17:8

9Osibekela isiphambeko udinga uthando, kodwa ophindaphinda udaba wehlukanisa umngane oseduze.Select Proverbs 17:9

10Ukukhuza kuyajula koqedisisayo kulokutshaya isithutha ngokulikhulu.Select Proverbs 17:10

11Omubi udinga ububi kuphela, kodwa isithunywa esilesihluku sizathunyelwa kuye.Select Proverbs 17:11

12Kakuthi ibhere elifelwe yimidlwane lihlangane lomuntu, kodwa hatshi isithutha ebuthutheni baso.Select Proverbs 17:12

13Ophindisela okubi esikhundleni sokuhle, ububi kabuyikusuka endlini yakhe.Select Proverbs 17:13

14Ukuqala kwenkani kunjengokuvulela amanzi; ngakho yekela ingxabano ingakazivezi.Select Proverbs 17:14

15Olungisisa omubi lolahla olungileyo bayisinengiso eNkosini, ngitsho bobabili.Select Proverbs 17:15

16Kungani kulemali yokuthenga inhlakanipho esandleni sesithutha, lokhu singelangqondo?Select Proverbs 17:16

17Umngane uyathanda ngaso sonke isikhathi, lomzalwane uzalelwa inhlupheko.Select Proverbs 17:17

18Umuntu oswela ingqondo uyabambana ngezandla ukuba yisibambiso phambi kukamakhelwane wakhe.Select Proverbs 17:18

19Othanda isiphambeko uthanda inkani; ophakamisa umnyango wakhe udinga ukubhujiswa.Select Proverbs 17:19

20Olenhliziyo ephambeneyo katholi okuhle, lophambene ngolimi uwela ebubini.Select Proverbs 17:20

21Ozala isithutha, sizakuba lusizi kuye; loyise wesithutha kathokozi.Select Proverbs 17:21

22Inhliziyo ethokozayo yenza kuhle njengomuthi, kodwa umoya owephukileyo womisa amathambo.Select Proverbs 17:22

23Omubi uthatha isipho esifubeni ukuphambula izindlela zesahlulelo.Select Proverbs 17:23

24Inhlakanipho iphambi koqedisisayo, kodwa amehlo esithutha asekucineni komhlaba.Select Proverbs 17:24

25Indodana eyisiwula ilusizi kuyise, iyikubaba kowayizalayo.Select Proverbs 17:25

26Ukuhlawulisa olungileyo lakho kakulunganga, lokutshaya iziphathamandla ngenxa yobuqotho.Select Proverbs 17:26

27Owazi ulwazi ugodla amazwi akhe; umuntu oqedisisayo ulomoya opholileyo.Select Proverbs 17:27

28Isithutha esithuleyo laso sithiwa sihlakaniphile; ovala indebe zakhe uthiwa uyaqedisisa.Select Proverbs 17:28