2Proverbs 2

1Ndodana yami, uba usemukela amazwi ami, ugcine kuwe imilayo yami,Select Proverbs 2:1

2ukuthi wenze indlebe yakho ilalele inhlakanipho, uthobise inhliziyo yakho ekuqedisiseni,Select Proverbs 2:2

3yebo, uba ukhalela ukuqedisisa, ukhuphele ilizwi lakho ekuzwisiseni,Select Proverbs 2:3

4uba ukudinga njengesiliva, ukuphenye njengezimpahla eziligugu ezifihliweyo,Select Proverbs 2:4

5khona uzaqedisisa ukuyesaba iNkosi, uthole ulwazi lukaNkulunkulu.Select Proverbs 2:5

6Ngoba iNkosi inika inhlakanipho; ulwazi lokuqedisisa kuvela emlonyeni wayo.Select Proverbs 2:6

7Iyababekela abaqotho inhlakanipho eqotho; iyisihlangu kubo abahamba ngokuqonda,Select Proverbs 2:7

8ukugcina indlela zesahlulelo; izalondoloza indlela zabangcwele bayo.Select Proverbs 2:8

9Khona uzaqedisisa ukulunga, lesahlulelo, lokuqonda; yonke indlela elungileyo.Select Proverbs 2:9

10Lapho inhlakanipho izangena enhliziyweni yakho, lolwazi lube mnandi emphefumulweni wakho;Select Proverbs 2:10

11ingqondo izakugcina, ukuqedisisa kukulondoloze;Select Proverbs 2:11

12ukukophula endleleni embi, emuntwini okhuluma izinto eziphambeneyo;Select Proverbs 2:12

13abatshiya indlela zobuqotho, ukuze bahambe ngendlela zobumnyama;Select Proverbs 2:13

14abathokoza ngokwenza okubi, bejabula ekuphambukeni komubi;Select Proverbs 2:14

15abandlela zabo ziphambene, begobile emikhondweni yabo;Select Proverbs 2:15

16ukukophula kowesifazana wemzini, kowezizwe okhohlisa ngamazwi akhe;Select Proverbs 2:16

17otshiya umngane wobutsha bakhe, ekhohlwa isivumelwano sikaNkulunkulu wakhe;Select Proverbs 2:17

18ngoba indlu yakhe itshonela ekufeni, lemikhondo yakhe emimoyeni efileyo.Select Proverbs 2:18

19Bonke abangena kuye kabayikubuya, njalo kabayikufinyelela endleleni zempilo.Select Proverbs 2:19

20Ukuze uhambe endleleni yabalungileyo, ugcine imikhondo yamalungisa.Select Proverbs 2:20

21Ngoba abaqotho bazahlala elizweni, labapheleleyo basale kulo;Select Proverbs 2:21

22kodwa abakhohlakeleyo bazaqunywa basuswe elizweni, labaphambekayo badatshulwe basuswe kulo.Select Proverbs 2:22