22Proverbs 22

1Ibizo elihle likhethekile kulenotho enengi; isisa esihle kulesiliva njalo kulegolide.Select Proverbs 22:1

2Onothileyo lomyanga bayahlangana; iNkosi yabenza bonke.Select Proverbs 22:2

3Ohlakaniphileyo ubona ububi acatshe, kodwa abangelalwazi bayaqhubeka babesebejeziswa.Select Proverbs 22:3

4Umvuzo wokuthobeka lokwesaba iNkosi kuyinotho lodumo lempilo.Select Proverbs 22:4

5Ameva lemijibila kusendleleni yabaphambeneyo; ogcina umphefumulo wakhe uzakuba khatshana labo.Select Proverbs 22:5

6Fundisa umntwana endleleni angahamba ngayo; ngitsho esemdala kayikuphambuka kuyo.Select Proverbs 22:6

7Onothileyo ubusa abayanga, lomeboleki uyisigqili somebolekisi.Select Proverbs 22:7

8Ohlanyela ukonakala uzavuna ukuhlupheka, lentonga yolaka lwakhe izaphela.Select Proverbs 22:8

9Olelihlo elilokuhle yena uzabusiswa, ngoba unikile okwesinkwa sakhe kumyanga.Select Proverbs 22:9

10Xotsha isideleli, kuzaphuma lenkani, yebo, ingxabano lehlazo kuzaphela.Select Proverbs 22:10

11Othanda ukuhlanzeka kwenhliziyo, ngenxa yesisa sendebe zakhe, inkosi ingumgane wakhe.Select Proverbs 22:11

12Amehlo eNkosi alondoloza ulwazi, kodwa izachitha amazwi abangathembekanga.Select Proverbs 22:12

13Ivila lithi: Kulesilwane ngaphandle; ngizabulawa phakathi kwezitalada.Select Proverbs 22:13

14Umlomo wabesifazana bemzini ungumgodi otshonayo; lowo iNkosi emthukutheleleyo uzawela khona.Select Proverbs 22:14

15Ubuthutha bubotshelwe enhliziyweni yomntwana; uswazi lokuqondisa luzabususela khatshana laye.Select Proverbs 22:15

16Ocindezela umyanga ukwandisa alakho, opha onothileyo, isibili uzakuba ngoswelayo.Select Proverbs 22:16

17Beka indlebe yakho, uzwe amazwi abahlakaniphileyo, umise inhliziyo yakho elwazini lami.Select Proverbs 22:17

18Ngoba kumnandi uba uwalondoloza emibilini yakho; azahlala elungile kanyekanye endebeni zakho.Select Proverbs 22:18

19Ukuze ithemba lakho libe seNkosini, ngikwazisile wona lamuhla, ngitsho wena.Select Proverbs 22:19

20Kangikubhalelanga yini izinto ezinhle kakhulu kuzeluleko lelwazini?Select Proverbs 22:20

21Ukukwazisa ukuqiniseka kwamazwi eqiniso, ukuze ubuyisele amazwi eqiniso kulabo abakuthumileyo.Select Proverbs 22:21

22Ungamphangi umyanga ngoba engumyanga, njalo ungamchobozi oswelayo esangweni.Select Proverbs 22:22

23Ngoba iNkosi izamela udaba lwabo, iphange umphefumulo wababaphangayo.Select Proverbs 22:23

24Ungahlanganyeli lomuntu ololaka, ungahambisani lomuntu othukuthelayo,Select Proverbs 22:24

25hlezi ufunde indlela zakhe, wemukele umjibila emphefumulweni wakho.Select Proverbs 22:25

26Ungabi phakathi kwababambana izandla, phakathi kwabayizibambiso ngezikwelede.Select Proverbs 22:26

27Uba ungelakho okokuhlawula, kungani ezathatha umbheda wakho ngaphansi kwakho?Select Proverbs 22:27

28Ungatshedisi isikhonkwane esidala somngcele, oyihlo abasenzayo.Select Proverbs 22:28

29Uyambona yini umuntu oyingcitshi emsebenzini wakhe? Uzazimisa phambi kwamakhosi; kayikuzimisa phambi kwabantukazana.Select Proverbs 22:29