23Proverbs 23

1Nxa uhlalela ukudla lesiphathamandla, qaphelisa lokuqaphelisa okuphambi kwakho.Select Proverbs 23:1

2Ubeke ingqamu emphinjeni wakho uba uyisiminzi.Select Proverbs 23:2

3Ungafisi izibondlo zaso, ngoba ziyikudla kwamanga.Select Proverbs 23:3

4Ungatshikatshikeli ukunotha; pheza ekuqedisiseni kwakho.Select Proverbs 23:4

5Uzandizisa yini amehlo akho kokungekho? Ngoba kuzazenzela lokuzenzela izimpiko njengokhozi oluphaphela emazulwini.Select Proverbs 23:5

6Ungadli ukudla kolelihlo elibi, ungafisi izibondlo zakhe.Select Proverbs 23:6

7Ngoba njengoba ecabangile emphefumulweni wakhe, unjalo. Uzakuthi: Dlana unathe; kodwa inhliziyo yakhe kayilawe.Select Proverbs 23:7

8Ucezu oludlileyo uzaluhlanza, wone amazwi akho amnandi.Select Proverbs 23:8

9Ungakhulumi endlebeni zoyisithutha, ngoba uzadelela inhlakanipho yamazwi akho.Select Proverbs 23:9

10Ungatshedisi isikhonkwane esidala somngcele; ungangeni emasimini ezintandane;Select Proverbs 23:10

11ngoba uMhlengi wazo ulamandla; yena uzamela udaba lwazo kuwe.Select Proverbs 23:11

12Beka inhliziyo yakho ekufundisweni, lezindlebe zakho emazwini olwazi.Select Proverbs 23:12

13Ungagodleli umntwana isijeziso; nxa umtshaya ngoswazi kayikufa.Select Proverbs 23:13

14Wena uzamtshaya ngoswazi, ukhulule umphefumulo wakhe esihogweni.Select Proverbs 23:14

15Ndodana yami, uba inhliziyo yakho ihlakanipha, inhliziyo yami izathokoza, yebo eyami;Select Proverbs 23:15

16lezinso zami zizajabula ekukhulumeni kwendebe zakho izinto eziqondileyo.Select Proverbs 23:16

17Inhliziyo yakho kayingahawukeli izoni; kodwa bana ekwesabeni iNkosi lonke usuku.Select Proverbs 23:17

18Ngoba isibili kukhona umvuzo, lomlindelo wakho kawuyikuqunywa.Select Proverbs 23:18

19Lalela wena, ndodana yami, uhlakaniphe, uqondise inhliziyo yakho endleleni.Select Proverbs 23:19

20Ungabi phakathi kwabanathi bewayini, phakathi kwezihwaba zenyama.Select Proverbs 23:20

21Ngoba isidakwa lesihwaba sizakuba ngumyanga, lokuwozela kugqokisa amadabudabu.Select Proverbs 23:21

22Lalela uyihlo owakuzalayo, ungamdeleli unyoko esemdala.Select Proverbs 23:22

23Thenga iqiniso, ungalithengisi; inhlakanipho, lemfundiso, lokuqedisisa.Select Proverbs 23:23

24Uyise wolungileyo uzathaba lokuthaba; lozala ohlakaniphileyo uzathokoza ngaye.Select Proverbs 23:24

25Uyihlo lonyoko kabathokoze, lokuzeleyo kathabe.Select Proverbs 23:25

26Ndodana yami, ngiphe inhliziyo yakho, lamehlo akho kawananzelele indlela zami.Select Proverbs 23:26

27Ngoba iwule lingumgodi otshonayo, lowesifazana owemzini ungumthombo ongumcingo.Select Proverbs 23:27

28Laye ucathama njengomphangi, andise abangathembekanga phakathi kwabantu.Select Proverbs 23:28

29Ngubani olo: Maye? Ngubani olo: Wo? Ngubani olenkani? Ngubani olesililo? Ngubani olamanxeba ngeze? Ngubani olamehlo abomvu?Select Proverbs 23:29

30Yilabo abalibala ewayinini, yilabo abazedinga iwayini elixutshanisiweyo.Select Proverbs 23:30

31Ungakhangeli iwayini, lapho lizibonakalisa libomvu, nxa linika umbala walo enkomitshini, lihamba liqondile.Select Proverbs 23:31

32Ekucineni kwalo liluma njengenyoka, lilume njengebululu.Select Proverbs 23:32

33Amehlo akho azabona abesifazana bemzini, lenhliziyo yakho ikhulume izinto eziphambeneyo.Select Proverbs 23:33

34Yebo, uzakuba njengolala enhliziyweni yolwandle, lanjengolala esihlokweni sensika yomkhumbi.Select Proverbs 23:34

35Bangitshayile, kangizwanga buhlungu; bangidutshuzile, kangikunanzanga. Ngizavuka nini? Ngiphinde ngilidinge futhi.Select Proverbs 23:35