25Proverbs 25

1Lalezi yizaga zikaSolomoni abantu bakaHezekhiya inkosi yakoJuda abazikopayo.Select Proverbs 25:1

2Kuludumo lukaNkulunkulu ukufihla udaba, kodwa kuludumo lwamakhosi ukuhlolisisa udaba.Select Proverbs 25:2

3Amazulu ngokuphakama, lomhlaba ngokujula, lenhliziyo yamakhosi kakulakuhlolisiswa.Select Proverbs 25:3

4Susa amanyele esiliveni, besekuphuma isitsha somncibilikisi.Select Proverbs 25:4

5Susa okhohlakeleyo phambi kwenkosi, besekuqiniswa isihlalo sayo sobukhosi ngokulunga.Select Proverbs 25:5

6Ungaziqhenyi phambi kwenkosi, njalo ungemi endaweni yezikhulu;Select Proverbs 25:6

7ngoba kungcono kuthiwe kuwe: Yenyukela ngapha, kulokuthi wehliswe phambi kwesiphathamandla, amehlo akho asibonileyo.Select Proverbs 25:7

8Ungaphangisi ukuphuma ukuyaphikisana, hlezi wenze ulutho ekucineni kwakho, lapho umakhelwane wakho esekuyangisile.Select Proverbs 25:8

9Mela udaba lwakho lomakhelwane wakho, kodwa ungavezi imfihlo yomunye;Select Proverbs 25:9

10hlezi okuzwayo akuyangise, lesigcono sakho singaphambuki.Select Proverbs 25:10

11Ilizwi elikhulunywe ngokufaneleyo linjengama-apula egolide ezitsheni zesiliva ezibaziweyo.Select Proverbs 25:11

12Isongo legolide lesiceciso segolide elihle kungumkhuzi ohlakaniphileyo endlebeni ezwayo.Select Proverbs 25:12

13Isithunywa esithembekileyo kwabasithumileyo sinjengomqando weliqhwa elikhithikileyo ngosuku lokuvuna, ngoba sivuselela umphefumulo wamakhosi aso.Select Proverbs 25:13

14Umuntu oziqhenya ngesipho samanga unjengamayezi lomoya okungelazulu.Select Proverbs 25:14

15Ngokubekezela umbusi angavunyiswa, lolimi oluthambileyo lwephula ithambo.Select Proverbs 25:15

16Utholile yini uluju? Dlana okwenele wena, hlezi uludle kakhulu, uluhlanze.Select Proverbs 25:16

17Unyawo lwakho kalungavami endlini kamakhelwane wakho, hlezi akusuthe akuzonde.Select Proverbs 25:17

18Umuntu ofakaza ubufakazi bamanga ngomakhelwane wakhe uyisagila lenkemba lomtshoko obukhali.Select Proverbs 25:18

19Ukuthemba ongathembekanga ngosuku lokuhlupheka kunjengezinyo elephukileyo, lonyawo olwenyeleyo.Select Proverbs 25:19

20Ohlabelela izingoma enhliziyweni edabukileyo unjengokhupha isembatho ngosuku lwamakhaza, njengeviniga phakathi kwesoda.Select Proverbs 25:20

21Uba okuzondayo elambile, umnike isinkwa adle, njalo uba omile, umnike amanzi anathe;Select Proverbs 25:21

22ngoba uzabekelela amalahle omlilo ekhanda lakhe, leNkosi izakuvuza.Select Proverbs 25:22

23Umoya wenyakatho uletha izulu, lolimi lwemfihlo ubuso obulolaka.Select Proverbs 25:23

24Kungcono ukuhlala engonsini yophahla kulalowesifazana wezinkani lendlini yokuhlanganyela.Select Proverbs 25:24

25Umbiko omuhle ovela elizweni elikhatshana unjengamanzi aqandayo emphefumulweni owomileyo.Select Proverbs 25:25

26Olungileyo ozanyazanyiswayo phambi kokhohlakeleyo ungumthombo odungekileyo lesiphethu esonakeleyo.Select Proverbs 25:26

27Ukudla uluju olunengi kakulunganga; lokuthi badinge udumo lwabo kakusidumo.Select Proverbs 25:27

28Umuntu ongathinti umoya wakhe unjengomuzi ofohlelweyo ongelamthangala.Select Proverbs 25:28