28Proverbs 28

1Ababi babaleka kungekho umzingeli, kodwa abalungileyo balesibindi njengebhongo lesilwane.Select Proverbs 28:1

2Ngesiphambeko sesizwe ababusi baso banengi; kodwa ngomuntu olokuqedisisa ololwazi ukuqonda kwaso kuyelulwa.Select Proverbs 28:2

3Umuntu ongumyanga ocindezela abayanga ulizulu elikhukhulayo ukuze kungabi lokudla.Select Proverbs 28:3

4Abadela umlayo badumisa ababi, kodwa labo abagcina umlayo balwa labo.Select Proverbs 28:4

5Abantu ababi kabaqedisisi ukulunga, kodwa abadinga iNkosi baqedisisa konke.Select Proverbs 28:5

6Kungcono umyanga ohamba ngobuqotho bakhe kulophambene ngezindlela lanxa enothile.Select Proverbs 28:6

7Ogcina umlayo uyindodana eqedisisayo, kodwa ozihlanganisa lezigangi uyangisa uyise.Select Proverbs 28:7

8Owandisa inotho yakhe ngenzalo langenzuzo uyibuthela olomusa kubayanga.Select Proverbs 28:8

9Ophambula indlebe yakhe ekulaleleni umlayo, lomkhuleko wakhe uzakuba yisinengiso.Select Proverbs 28:9

10Oduhisela abaqotho endleleni embi yena uzawela emgodini wakhe, kodwa abaqotho bazakudla ilifa lokuhle.Select Proverbs 28:10

11Indoda enothileyo ihlakaniphile emehlweni ayo, kodwa umyanga oqedisisayo uzayihlola.Select Proverbs 28:11

12Lapho abalungileyo bethokoza, kulenkazimulo enkulu; kodwa nxa ababi bephakama, umuntu uyadingwa.Select Proverbs 28:12

13Osibekela iziphambeko zakhe kayikuphumelela, kodwa ozivumayo azitshiye, uzahawukelwa.Select Proverbs 28:13

14Ubusisiwe umuntu owesaba njalonjalo, kodwa owenza inhliziyo yakhe ibe lukhuni uzawela ebubini.Select Proverbs 28:14

15Umbusi okhohlakeleyo phezu kwabantu abangabayanga uyisilwane esibhongayo lebhere elizingelayo.Select Proverbs 28:15

16Umbusi oswele ukuqedisisa konke wandisa lencindezelo; ozonda inzuzo embi uzakwelula insuku.Select Proverbs 28:16

17Umuntu ocindezelwe ligazi lomphefumulo uzabalekela emgodini; kabangamsekeli.Select Proverbs 28:17

18Ohamba ngobuqotho uzasindiswa, kodwa ophambene ngendlela ezimbili uzahle awe.Select Proverbs 28:18

19Olima umhlaba wakhe uzasutha ukudla, kodwa olandela abayize uzasutha ubuyanga.Select Proverbs 28:19

20Umuntu wothembeko lonke uzavama ngezibusiso, kodwa ophangisa ukunotha kayikuba msulwa.Select Proverbs 28:20

21Ukuhlonipha ubuso kakulunganga, ngoba umuntu uzakona ngenxa yocezu lwesinkwa.Select Proverbs 28:21

22Ophangisa ukunotha ungumuntu olelihlo elibi, njalo engazi ukuthi ubuyanga buzamehlela.Select Proverbs 28:22

23Okhuza umuntu uzathola umusa emuva okwedlula okhohlisayo ngolimi.Select Proverbs 28:23

24Ophanga uyise kumbe unina, athi: Akusiso isiphambeko; ungumngane womchithi.Select Proverbs 28:24

25Ongasuthisekiyo udunga ingxabano, kodwa othemba eNkosini uzakhuluphaliswa.Select Proverbs 28:25

26Othemba enhliziyweni yakhe uyisithutha, kodwa ohamba ngenhlakanipho uzakhululwa.Select Proverbs 28:26

27Opha umyanga kayikuswela, kodwa ofihla amehlo akhe uzakuba leziqalekiso ezinengi.Select Proverbs 28:27

28Nxa abakhohlakeleyo bephakanyiswa, umuntu uyacatsha, kodwa nxa bebhubha, abalungileyo bayanda.Select Proverbs 28:28