29Proverbs 29

1Umuntu othi ekhuzwa kanengi aqinise intamo, uzahle ephulwe, njalo kungabi lakusiliswa.Select Proverbs 29:1

2Lapho abalungileyo besanda, abantu bayathokoza, kodwa lapho okhohlakeleyo ebusa, abantu bayabubula.Select Proverbs 29:2

3Umuntu othanda inhlakanipho uthokozisa uyise, kodwa ohlanganyela lamawule uchitha inotho.Select Proverbs 29:3

4Inkosi iqinisa ilizwe ngesahlulelo, kodwa umuntu wezipho uyalichitha.Select Proverbs 29:4

5Umuntu olalisa ngolimi umakhelwane wakhe wendlalela izinyawo zakhe imbule.Select Proverbs 29:5

6Esiphambekweni somuntu omubi kulomjibila, kodwa olungileyo uyamemeza ngenjabulo ethokoza.Select Proverbs 29:6

7Olungileyo uyalwazi udaba lwabayanga; okhohlakeleyo kananzeleli ulwazi.Select Proverbs 29:7

8Abantu abadelelayo bayawuthungela umuzi, kodwa abahlakaniphileyo badedisa ulaka.Select Proverbs 29:8

9Umuntu ohlakaniphileyo emangalelana lomuntu oyisithutha, loba elolaka, loba ehleka, kakulakuthula.Select Proverbs 29:9

10Abantu abomele igazi bazonda opheleleyo, kodwa abaqotho badinga umphefumulo wakhe.Select Proverbs 29:10

11Isithutha sikhupha umoya waso wonke, kodwa ohlakaniphileyo uyawuthiba.Select Proverbs 29:11

12Umbusi olalela amazwi amanga, zonke izinceku zakhe zikhohlakele.Select Proverbs 29:12

13Umyanga lomuntu wencindezelo bayahlangana; iNkosi ikhanyisa amehlo abo bobabili.Select Proverbs 29:13

14Inkosi eyahlulela abayanga ngothembeko, isihlalo sayo sobukhosi sizamiswa phakade.Select Proverbs 29:14

15Uswazi lokukhuza kunika inhlakanipho, kodwa umntwana oyekelelwayo uthelela unina inhloni.Select Proverbs 29:15

16Lapho abakhohlakeleyo besanda, isiphambeko siyanda, kodwa abalungileyo bazabona ukuwa kwabo.Select Proverbs 29:16

17Laya indodana yakho, izakuphumuza; yebo, izanika izinjabulo emphefumulweni wakho.Select Proverbs 29:17

18Lapho okungelambono khona, abantu babengabambeki; kodwa ubusisiwe ogcina umlayo.Select Proverbs 29:18

19Inceku kayilaywa ngamazwi; lanxa iqedisisa, kayiyikuphendula.Select Proverbs 29:19

20Uyambona yini umuntu ophangisa ngamazwi akhe? Kulethemba elingcono esithutheni kulaye.Select Proverbs 29:20

21Ototoza inceku yakhe kusukela ebuntwaneni, ekucineni izakuba yindodana kuye.Select Proverbs 29:21

22Umuntu ololaka ubanga ukuxabana, lomuntu ovutha intukuthelo wandisa isiphambeko.Select Proverbs 29:22

23Ukuzigqaja komuntu kuzamehlisa, kodwa olomoya othobekileyo uzabamba udumo.Select Proverbs 29:23

24Owabelana lesela uzonda umphefumulo wakhe; uzwa isiqalekiso, angakhulumi.Select Proverbs 29:24

25Ukwesaba abantu kuletha umjibila, kodwa othemba eNkosini uzabekwa phezulu evikelekile.Select Proverbs 29:25

26Abanengi badinga ubuso bombusi, kodwa isahlulelo salowo lalowo sivela eNkosini.Select Proverbs 29:26

27Umuntu ongalunganga uyisinengiso kwabalungileyo, kodwa oqotho endleleni uyisinengiso kokhohlakeleyo.Select Proverbs 29:27