3Proverbs 3

1Ndodana yami, ungakhohlwa umlayo wami, kodwa inhliziyo yakho kayigcine imilayo yami.Select Proverbs 3:1

2Ngoba yengezelela kuwe ubude bezinsuku leminyaka yempilo lokuthula.Select Proverbs 3:2

3Umusa lothembeko kakungakutshiyi, kubophele entanyeni yakho, ukubhale esibhebheni senhliziyo yakho.Select Proverbs 3:3

4Ngalokho uzathola umusa lokuqedisisa okuhle emehlweni kaNkulunkulu labantu.Select Proverbs 3:4

5Themba eNkosini ngenhliziyo yakho yonke, ungeyami ekuqedisiseni kwakho.Select Proverbs 3:5

6Ivume endleleni zakho zonke, yona-ke izaqondisa imikhondo yakho.Select Proverbs 3:6

7Ungabi ngohlakaniphileyo emehlweni akho; yesabe iNkosi, usuke ebubini.Select Proverbs 3:7

8Kuzakuba yikwelatshwa kwenkaba yakho, lokunathwayo kwamathambo akho.Select Proverbs 3:8

9Hlonipha iNkosi ngemfuyo yakho, langezithelo zakho zokuqala zesivuno sakho sonke.Select Proverbs 3:9

10Khona iziphala zakho zizagcwaliswa ngenala, lezikhamelo zakho zewayini ziphuphume iwayini elitsha.Select Proverbs 3:10

11Ndodana yami, ungadeleli ukulaya kweNkosi, unganengwa yikukhuza kwayo.Select Proverbs 3:11

12Ngoba iNkosi iyamlaya emthandayo, yebo, njengoyise indodana athokoza ngayo.Select Proverbs 3:12

13Ubusisiwe umuntu othola inhlakanipho, lomuntu ozuza ukuqedisisa.Select Proverbs 3:13

14Ngoba inzuzo yakho ingcono kulenzuzo yesiliva, lokutholakalayo kwakho kulegolide.Select Proverbs 3:14

15Kuligugu elidlula amatshe aligugu, lakho konke ongakufisa kakulinganiswa lakho.Select Proverbs 3:15

16Ubude bezinsuku busesandleni sakho sokunene, kwesokhohlo sakho inotho lodumo.Select Proverbs 3:16

17Izindlela zakho zizindlela zentokozo, lemikhondo yakho yonke iyikuthula.Select Proverbs 3:17

18Kuyisihlahla sempilo kwabakubambayo, lobambelela kukho ubusisiwe.Select Proverbs 3:18

19Ngenhlakanipho iNkosi yasekela umhlaba; yamisa amazulu ngokuqedisisa.Select Proverbs 3:19

20Ngolwazi lwayo izinziki zaqhekezwa, lamayezi athonta amazolo.Select Proverbs 3:20

21Ndodana yami, kakungasuki emehlweni akho; gcina inhlakanipho eqotho lengqondo.Select Proverbs 3:21

22Njalo kuzakuba yimpilo yomphefumulo wakho, lesisa entanyeni yakho.Select Proverbs 3:22

23Khona uzahamba indlela yakho uvikelekile, lonyawo lwakho kaluyikukhubeka.Select Proverbs 3:23

24Nxa ulala phansi, kawuyikwesaba, yebo, uzalala, lobuthongo bakho buzakuba mnandi.Select Proverbs 3:24

25Ungesabi uvalo olujumayo, kumbe ukuchitheka kwababi nxa kufika.Select Proverbs 3:25

26Ngoba iNkosi izakuba sethembeni lakho, igcine unyawo lwakho ukuze lungabanjwa.Select Proverbs 3:26

27Ungagodleli umninikho okuhle nxa kusemandleni esandla sakho ukukwenza.Select Proverbs 3:27

28Ungathi kumakhelwane wakho: Hamba, ubuye, kusasa ngizakunika; nxa ulakho.Select Proverbs 3:28

29Ungacebi okubi ngomakhelwane wakho, ngoba yena uhlala lawe evikelekile.Select Proverbs 3:29

30Ungaphikisani lomuntu kungelasizatho, nxa engakonanga.Select Proverbs 3:30

31Ungahawukeli umuntu olobudlwangudlwangu; ungakhethi leyodwa yezindlela zakhe.Select Proverbs 3:31

32Ngoba ophambeneyo uyisinengiso eNkosini, kodwa imfihlo yayo ikwabaqotho.Select Proverbs 3:32

33Isiqalekiso seNkosi sisendlini yomubi, kodwa iyawubusisa umuzi wabalungileyo.Select Proverbs 3:33

34Isibili, yona iyabeyisa abeyisayo, kodwa inika umusa kwabathobekileyo.Select Proverbs 3:34

35Abahlakaniphileyo bazakudla ilifa lodumo, kodwa abayizithutha, isabelo sabo silihlazo.Select Proverbs 3:35