5Proverbs 5

1Ndodana yami, lalela inhlakanipho yami, beka indlebe yakho ekuqedisiseni kwami,Select Proverbs 5:1

2ukuze uqaphele ingqondo, lendebe zakho zigcine ulwazi.Select Proverbs 5:2

3Ngoba indebe zowesifazana wemzini zithonta uluju, lomlomo wakhe ubutshelezi kulamafutha.Select Proverbs 5:3

4Kodwa ukucina kwakhe kuyababa njengomhlonyane, kubukhali njengenkemba esika nhlangothi mbili.Select Proverbs 5:4

5Inyawo zakhe zehlela ekufeni; izinyathelo zakhe zibambelela esihogweni.Select Proverbs 5:5

6Hlezi ulinganise indlela yempilo, imikhondo yakhe iyazulazula, kananzeleli.Select Proverbs 5:6

7Ngakho-ke, bantwana, ngilalelani, lingaphambuki emazwini omlomo wami.Select Proverbs 5:7

8Dedisela indlela yakho khatshana laye, ungasondeli emnyango wendlu yakhe;Select Proverbs 5:8

9hlezi unikele udumo lwakho kwabanye, leminyaka yakho kolesihluku;Select Proverbs 5:9

10hlezi abezizwe bazisuthise ngamandla akho, lemitshikatshika yakho ibe sendlini yowezizweni;Select Proverbs 5:10

11njalo ububule ekupheleni kwakho, lapho inyama yakho lomzimba wakho sekudliwe;Select Proverbs 5:11

12njalo uthi: Ngikuzonde njani ukulaywa, lenhliziyo yami yadelela ukukhuzwa!Select Proverbs 5:12

13Kangizwanga-ke ilizwi labafundisi bami; kangibekanga indlebe zami kwabangifundisayo!Select Proverbs 5:13

14Ngaphosa ngaba ebubini bonke phakathi kwebandla lenhlangano.Select Proverbs 5:14

15Natha amanzi emgodini wakho, lemifula ephuma phakathi komthombo wakho.Select Proverbs 5:15

16Imithombo yakho ichitheke phandle, izifula zamanzi emidangeni.Select Proverbs 5:16

17Kakube ngokwakho wedwa, kungabi ngokwabezizweni kanye lawe.Select Proverbs 5:17

18Umthombo wakho kawubusiswe; uthokoze ngomfazi wobutsha bakho;Select Proverbs 5:18

19impala ethandekayo kakhulu, legogo elibukekayo; amabele akhe kawakusuthise sonke isikhathi, uzule othandweni lwakhe kokuphela.Select Proverbs 5:19

20Kungani-ke, ndodana yami, uzule kowesifazana wemzini, ugone isifuba sowemzini?Select Proverbs 5:20

21Ngoba indlela zomuntu ziphambi kwamehlo eNkosi; njalo iyalinganisa yonke imikhondo yakhe.Select Proverbs 5:21

22Ezakhe iziphambeko zizabamba omubi, abanjwe zintambo zesono sakhe.Select Proverbs 5:22

23Yena uzakufa ngokungalaywa, lebukhulwini bobuthutha bakhe uzaduha.Select Proverbs 5:23