6Proverbs 6

1Ndodana yami, uba uyisibambiso somakhelwane wakho, watshayela owezizwe isandla sakho,Select Proverbs 6:1

2uthiywe ngamazwi omlomo wakho, ubanjwe ngamazwi omlomo wakho.Select Proverbs 6:2

3Yenza lokhu khathesi, ndodana yami, uzophule, lokhu usesandleni sikamakhelwane wakho; hamba, uzithobe, umncengisise umakhelwane wakho.Select Proverbs 6:3

4Unganiki amehlo akho ubuthongo, lokuwozela enkopheni zakho.Select Proverbs 6:4

5Uzophule njengomziki esandleni somzingeli, lanjengenyoni esandleni somthiyi wenyoni.Select Proverbs 6:5

6Yana ebunyonyweni, vila, ubone indlela zabo, uhlakaniphe.Select Proverbs 6:6

7Obuthi, bungelamkhokheli, induna, lombusi,Select Proverbs 6:7

8bulungisa isinkwa sabo ehlobo, bubuthe ukudla kwabo esivunweni.Select Proverbs 6:8

9Koze kube nini, vila, ulele? Uzavuka nini ebuthongweni bakho?Select Proverbs 6:9

10Ubuthongo obuncinyane, ukuwozela okuncinyane, ukusonga izandla okuncinyane ukuthi ulale,Select Proverbs 6:10

11besebusiza ubuyanga bakho njengesihambi, lenswelo yakho njengomuntu olesihlangu.Select Proverbs 6:11

12Umuntu kaBheliyali, umuntu okhohlakeleyo, ohamba lomlomo ophambeneyo,Select Proverbs 6:12

13afice amehlo akhe, akhulume ngenyawo zakhe, afundise ngeminwe yakhe,Select Proverbs 6:13

14ukuphambuka kusenhliziyweni yakhe, uceba okubi ngesikhathi sonke, ephosela ingxabano.Select Proverbs 6:14

15Ngenxa yalokhu ingozi yakhe izafika masinyane, ahle ephuke, kuze kungabi leselapho.Select Proverbs 6:15

16Lezizinto eziyisithupha iNkosi iyazizonda; yebo, eziyisikhombisa ziyizinengiso emphefumulweni wakhe:Select Proverbs 6:16

17Amehlo aphakemeyo, ulimi oluqamba amanga, lezandla ezichitha igazi elingelacala,Select Proverbs 6:17

18inhliziyo eceba amacebo amabi, inyawo eziphangisa ukugijimela ububi,Select Proverbs 6:18

19umfakazi wamanga ophafuza izinkohliso, lophosela ingxabano phakathi kwabazalwane.Select Proverbs 6:19

20Ndodana yami, gcina umlayo kayihlo, ungakudeli ukufundisa kukanyoko.Select Proverbs 6:20

21Kubophele enhliziyweni yakho njalo, kubophele entanyeni yakho.Select Proverbs 6:21

22Ekuhambeni kwakho kuzakukhokhela, ekulaleni kwakho kukulondoloze, lekuvukeni kwakho khona kukhulume lawe.Select Proverbs 6:22

23Ngoba umlayo uyisibane, lokufundisa kuyikukhanya, lokukhuza kokulaya kuyindlela yempilo,Select Proverbs 6:23

24ukuze kukugcine emfazini omubi, emazwini ayengayo olimi lowesifazana wemzini.Select Proverbs 6:24

25Ungaloyisi ubuhle bakhe enhliziyweni yakho; angakuthathi ngenkophe zakhe.Select Proverbs 6:25

26Ngoba ngenxa yomfazi oyisiphingi ungafika ecezwini lwesinkwa, lomfazi womuntu uzingela umphefumulo oligugu.Select Proverbs 6:26

27Kambe, umuntu angaphatha umlilo esifubeni sakhe, lezigqoko zakhe zingatshi?Select Proverbs 6:27

28Umuntu angahamba phezu kwamalahle avuthayo, lenyawo zakhe zingatshi yini?Select Proverbs 6:28

29Unjalo ongena kumkamakhelwane wakhe; wonke omthintayo kayikuba msulwa.Select Proverbs 6:29

30Kabalideleli isela, nxa liseba ukuthi ligcwalise umphefumulo walo, ngoba lilambile.Select Proverbs 6:30

31Uba litholwa, lihlawula kuphindwe kasikhombisa, linika yonke impahla yendlu yalo.Select Proverbs 6:31

32Ofeba lowesifazana uswela ingqondo; owenza lokhu nguye ochitha umphefumulo wakhe.Select Proverbs 6:32

33Uzathola ukutshaywa lesigcono, lehlazo lakhe kaliyikwesulwa.Select Proverbs 6:33

34Ngoba ubukhwele bululaka lomuntu; ngakho kayikuba lasihawu ngosuku lwempindiselo.Select Proverbs 6:34

35Kayikunanza loba yiyiphi inhlawulo, kayikuvuma lanxa usandisa isipho.Select Proverbs 6:35