11Genesis 11

1Umhlaba wonke-ke wawulolimi lunye, lamazwi manye.Select Genesis 11:1

2Kwasekusithi ekuhambeni kwabo bevela empumalanga bafica igceke elizweni leShinari, basebehlala khona.Select Genesis 11:2

3Basebesithi ngulowo lalowo kumakhelwane wakhe: Wozani, asenzeni izitina sizitshise lokuzitshisa; lesitina saba lilitshe kubo, lengcino yaba ludaka kubo.Select Genesis 11:3

4Basebesithi: Wozani, asizakheleni umuzi lomphotshongo osihloko sawo sisemazulwini, besesizenzela ibizo, hlezi sihlakazeke ebusweni bomhlaba wonke.Select Genesis 11:4

5INkosi yasisehla ukubona umuzi lomphotshongo abantwana babantu abawakhayo.Select Genesis 11:5

6INkosi yasisithi: Khangela, yisizwe sinye, njalo balolimi lunye bonke, njalo yikho abaqala ukukwenza; khathesi-ke akulalutho olungabehlula abamisa ukulwenza.Select Genesis 11:6

7Wozani, asehle, siphambanise lapho ulimi lwabo, ukuze bangezwa, ngulowo lalowo ulimi lomakhelwane wakhe.Select Genesis 11:7

8Ngakho iNkosi yabahlakazela ebusweni bomhlaba wonke besuka lapho; basebesima ukwakha umuzi.Select Genesis 11:8

9Ngalokho kwabizwa ibizo lawo ngokuthi iBabeli, ngoba lapho iNkosi yaphambanisa ulimi lomhlaba wonke; kusukela lapho iNkosi yabahlakaza ebusweni bomhlaba wonke.Select Genesis 11:9

10Lezi yizizukulwana zikaShemu. UShemu wayeleminyaka elikhulu, wasezala uArpakishadi, iminyaka emibili emva kukazamcolo.Select Genesis 11:10

11UShemu wasephila, esezele uArpakishadi, iminyaka engamakhulu amahlanu; wazala amadodana lamadodakazi.Select Genesis 11:11

12UArpakishadi wasephila iminyaka engamatshumi amathathu lanhlanu, wazala uShela.Select Genesis 11:12

13UArpakishadi wasephila, esezele uShela, iminyaka engamakhulu amane lantathu; wazala amadodana lamadodakazi.Select Genesis 11:13

14UShela wasephila iminyaka engamatshumi amathathu, wazala uEberi.Select Genesis 11:14

15UShela wasephila, esezele uEberi, iminyaka engamakhulu amane lantathu; wazala amadodana lamadodakazi.Select Genesis 11:15

16UEberi wasephila iminyaka engamatshumi amathathu lane, wazala uPelegi.Select Genesis 11:16

17UEberi wasephila, esezele uPelegi, iminyaka engamakhulu amane lamatshumi amathathu; wazala amadodana lamadodakazi.Select Genesis 11:17

18UPelegi wasephila iminyaka engamatshumi amathathu, wazala uRewu.Select Genesis 11:18

19UPelegi wasephila, esezele uRewu, iminyaka engamakhulu amabili layisificamunwemunye; wazala amadodana lamadodakazi.Select Genesis 11:19

20URewu wasephila iminyaka engamatshumi amathathu lambili, wazala uSerugi.Select Genesis 11:20

21URewu wasephila, esezele uSerugi, iminyaka engamakhulu amabili lesikhombisa; wazala amadodana lamadodakazi.Select Genesis 11:21

22USerugi wasephila iminyaka engamatshumi amathathu, wazala uNahori.Select Genesis 11:22

23USerugi wasephila, esezele uNahori, iminyaka engamakhulu amabili; wazala amadodana lamadodakazi.Select Genesis 11:23

24UNahori wasephila iminyaka engamatshumi amabili lesificamunwemunye, wazala uTera.Select Genesis 11:24

25UNahori wasephila, esezele uTera, iminyaka elikhulu lamatshumi ayisificamunwemunye; wazala amadodana lamadodakazi.Select Genesis 11:25

26UTera wasephila iminyaka engamatshumi ayisikhombisa, wazala uAbrama, uNahori loHarani.Select Genesis 11:26

27Lalezi yizizukulwana zikaTera. UTera wazala uAbrama, uNahori loHarani; uHarani wasezala uLothi.Select Genesis 11:27

28UHarani wasesifa phambi kukayise uTera, elizweni lokuzalwa kwakhe, eUri yamaKhaladiya.Select Genesis 11:28

29OAbrama loNahori basebezithathela abafazi; ibizo lomkaAbrama nguSarayi, lebizo lomkaNahori nguMilka, indodakazi kaHarani, uyise kaMilka loyise kaIska.Select Genesis 11:29

30Kodwa uSarayi wayeyinyumba; wayengelamntwana.Select Genesis 11:30

31UTera wasethatha uAbrama indodana yakhe, loLothi indodana kaHarani, indodana yendodana yakhe, loSarayi umalokazana wakhe, umkaAbrama indodana yakhe; basebesuka labo eUri yamaKhaladiya, ukuya elizweni leKhanani; basebefika eHarani, bahlala khona.Select Genesis 11:31

32Lensuku zikaTera zaziyiminyaka engamakhulu amabili lanhlanu; uTera wasefela eHarani.Select Genesis 11:32