49Genesis 49

1UJakobe wasebiza amadodana akhe wathi: Buthanani ukuze ngilazise okuzalehlela ensukwini ezizayo.Select Genesis 49:1

2Buthanani, lizwe madodana kaJakobe, limlalele uIsrayeli uyihlo.Select Genesis 49:2

3Rubeni, ulizibulo lami, amandla ami, lokuqala kokuqina kwami, ukuphelela kwesithunzi, lokuphelela kwamandla.Select Genesis 49:3

4Uphuphuma njengamanzi, kawuyikuba ngopheleleyo, ngoba ukhwele embhedeni kayihlo, wasuwona; wakhwela embhedeni wami.Select Genesis 49:4

5USimeyoni loLevi bayizelamani; inkemba zabo ziyizikhali zokuphanga.Select Genesis 49:5

6Umphefumulo wami ungangeni emphakathini wabo wangasese, udumo lwami lungahlangani emhlanganweni wabo; ngoba ngolaka lwabo babulala umuntu, langokuzithokozisa baquma izinkabi umsipha.Select Genesis 49:6

7Kaluqalekiswe ulaka lwabo ngoba lulamandla, lentukuthelo yabo ngoba ilesihluku. Ngizabehlukanisa koJakobe, ngibahlakaze koIsrayeli.Select Genesis 49:7

8Juda, wena, abafowenu bazakudumisa; isandla sakho sizakuba sentanyeni yezitha zakho; amadodana kayihlo azakukhothamela.Select Genesis 49:8

9UJuda ungumdlwane wesilwane; wenyukile empangweni, ndodana yami, uguqile, ulele njengesilwane, lanjengesilwane esisikazi; ngubani ozamsukumisa?Select Genesis 49:9

10Intonga yobukhosi kayiyikusuka kuJuda, lomnikumthetho phakathi kwenyawo zakhe, aze afike uShilo, njalo izizwe zizamlalela.Select Genesis 49:10

11Ubophela ithole lakhe likababhemi evinini, lethole likababhemikazi wakhe evinini elihle. Uhlamba isigqoko sakhe ewayinini, lesembatho sakhe egazini lezithelo zevini.Select Genesis 49:11

12Amehlo akhe azakuba nsundu ngewayini, lamazinyo akhe mhlophe ngochago.Select Genesis 49:12

13UZebuluni uzahlala ethekwini lolwandle, abe litheku lemikhumbi, lomngcele wakhe uzakuba ngaseSidoni.Select Genesis 49:13

14UIsakari ungubabhemi olamathambo alamandla, oqutha phakathi kwemithwalo emibili.Select Genesis 49:14

15Wathi ebona indawo yokuphumula ukuthi inhle, lelizwe ukuthi liyabukeka, wagobisa amahlombe akhe ukuze athwale, waba yinceku esibhalweni.Select Genesis 49:15

16UDani uzakwahlulela abantu bakhe, njengesinye sezizwe zakoIsrayeli.Select Genesis 49:16

17UDani uzakuba yinyoka endleleni, inhlangwana emkhondweni, eluma izithende zebhiza, ukuze umgadi walo awe nyovane.Select Genesis 49:17

18Ngilindele usindiso lwakho, Nkosi.Select Genesis 49:18

19UGadi, iviyo lizamhlasela, kodwa yena uzahlasela ezithendeni.Select Genesis 49:19

20Kuvela kuAsheri, ukudla kwakhe kuzanona, uzaveza izibiliboco zenkosi.Select Genesis 49:20

21UNafithali uyimpala ethukululiweyo, eveza amazwi amahle.Select Genesis 49:21

22UJosefa ulugatsha oluthelayo, ugatsha oluthelayo emthonjeni, ingatsha zikhwela phezu komduli.Select Genesis 49:22

23Abatshoki basebemphatha kabuhlungu, bamtshoka, bamzonda.Select Genesis 49:23

24Kodwa idandili lakhe lahlala liqinile, lengalo zezandla zakhe zaqiniswa ngezandla zikaSomandla kaJakobe, okuvela khona umelusi, ilitshe likaIsrayeli,Select Genesis 49:24

25ngoNkulunkulu kayihlo ozakusiza, langoSomandla ozakubusisa ngezibusiso zamazulu ezivela phezulu, izibusiso zokujula okulele phansi, izibusiso zamabele lesizalo,Select Genesis 49:25

26izibusiso zikayihlo ziyedlula izibusiso zabokhokho bami, kuze kube sengqongeni zamaqaqa aphakade; zizakuba phezu kwekhanda likaJosefa, laphezu kwenkanda yalowo owehlukaniswe kubafowabo.Select Genesis 49:26

27UBhenjamini uyimpisi edabulayo; ekuseni izakudla ekujimbileyo, lakusihlwa izakwehlukanisa impango.Select Genesis 49:27

28Bonke labo bayizizwe ezilitshumi lambili zakoIsrayeli; futhi lokho yikho uyise akukhuluma kubo ebabusisa; ngulowo lalowo ngesibusiso sakhe wababusisa.Select Genesis 49:28

29Wasebalaya wathi kubo: Sengibuthelwa ebantwini bakithi; lingingcwabe labobaba obhalwini olusensimini kaEfroni umHethi,Select Genesis 49:29

30obhalwini olusensimini yeMakaphela eqondane leMamre, elizweni leKhanani, uAbrahama owaluthenga lensimu kuEfroni umHethi ibe yindawo yethu yokungcwabela.Select Genesis 49:30

31Lapho bangcwaba oAbrahama loSara umkakhe; lapho bangcwaba oIsaka loRebeka umkakhe; lalapho ngangcwaba uLeya,Select Genesis 49:31

32insimu, lobhalu olukiyo, kwathengwa emadodaneni kaHethi.Select Genesis 49:32

33Kwathi uJakobe eseqedile ukulaya amadodana akhe, waqoqela inyawo zakhe embhedeni, waphela, wabuthelwa ebantwini bakibo.Select Genesis 49:33