30Exodus 30

1Uzakwenza lelathi lokutshisela impepha, ulenze ngesihlahla sesinga.Select Exodus 30:1

2Ubude balo bube yingalo, lobubanzi balo ingalo, lilingane inhlangothi zozine; lokuphakama kwalo kube zingalo ezimbili; impondo zalo zizavela kulo.Select Exodus 30:2

3Njalo ulihuqe ngegolide elicwengekileyo, ingaphezulu yalo, lenhlangothi zalo ezilizingelezeleyo, lempondo zalo; wenze kulo umqolo wegolide olizingelezeleyo.Select Exodus 30:3

4Wenze njalo amasongo amabili egolide, ngaphansi komqolo walo, enhlangothini ezimbili zalo; wenze enhlangothini zalo zombili; azakuba zindawo zemijabo ezokulithwala ngayo.Select Exodus 30:4

5Njalo wenze imijabo ngesihlahla sesinga, uyihuqe ngegolide.Select Exodus 30:5

6Uzalibeka phambi kweveyili elingasemtshokotshweni wobufakazi, phambi kwesihlalo somusa esiphezu kobufakazi, lapho engizahlangana khona lawe.Select Exodus 30:6

7Njalo uAroni atshisele kulo impepha elephunga elimnandi ukusa ngokusa, eselungise izibane uzayitshisa;Select Exodus 30:7

8lapho uAroni elumathisa izibane kusihlwa, ayitshise; yimpepha eqhubekayo phambi kweNkosi ezizukulwaneni zenu.Select Exodus 30:8

9Linganikeleli kulo impepha engejwayelekanga kumbe umnikelo wokutshiswa kumbe umnikelo wokudla; njalo lingatheli kulo umnikelo wokunathwayo.Select Exodus 30:9

10UAroni uzakwenza inhlawulo yokuthula empondweni zalo kanye ngomnyaka, ngegazi lomnikelo wesono wezinhlawulo zokuthula; kanye ngomnyaka uzakwenza inhlawulo yokuthula kulo ezizukulwaneni zenu; liyingcwelengcwele eNkosini.Select Exodus 30:10

11INkosi yasikhuluma kuMozisi yathi:Select Exodus 30:11

12Lapho uthatha inani lonke labantwana bakoIsrayeli, njengokubalwa kwabo, bazanika ngulowo lalowo ihlawulo ngomphefumulo wakhe eNkosini, nxa ubabala; ukuze kungabi lenhlupheko phakathi kwabo, nxa ubabala.Select Exodus 30:12

13Bazanika lokhu, wonke odlulela kwababaliweyo, ingxenye yeshekeli*, njengokweshekeli lendlu engcwele - ishekeli lingamagera* angamatshumi amabili - ingxenye yeshekeli ngumnikelo eNkosini.Select Exodus 30:13

14Wonke odlulela kwababaliweyo, kusukela koleminyaka engamatshumi amabili langaphezulu, anikele umnikelo weNkosi.Select Exodus 30:14

15Abanothileyo bangadlulisi, labayanga banganciphisi ingxenye yeshekeli, lapho linikela umnikelo weNkosi, ukwenzela imiphefumulo yenu inhlawulo yokuthula.Select Exodus 30:15

16Uzathatha imali yenhlawulo zokuthula ebantwaneni bakoIsrayeli, uyinikele inkonzo yethente lenhlangano, ukuthi ibe yisikhumbuzo sabantwana bakoIsrayeli phambi kweNkosi, ukwenzela imiphefumulo yenu inhlawulo yokuthula.Select Exodus 30:16

17INkosi yasikhuluma kuMozisi yathi:Select Exodus 30:17

18Uzakwenza lenditshi yethusi yokugezela elonyawo lwayo lwethusi, ukugezela kuyo; uyibeke phakathi laphakathi kwethente lenhlangano lelathi, uthele kuyo amanzi,Select Exodus 30:18

19njalo uAroni lamadodana akhe bagezele kuyo izandla zabo lenyawo zabo.Select Exodus 30:19

20Nxa bengena ethenteni lenhlangano bazageza ngamanzi, ukuze bangafi, loba besondela elathini ukukhonza, ukutshisa umnikelo owenzelwe iNkosi ngomlilo.Select Exodus 30:20

21Ngakho bazageza izandla zabo lenyawo zabo ukuze bangafi; njalo kuzakuba kubo yisimiso esilaphakade, kuye lakunzalo yakhe ezizukulwaneni zabo.Select Exodus 30:21

22INkosi yakhuluma futhi kuMozisi yathi:Select Exodus 30:22

23Wena-ke, zithathele amakha aqakathekileyo, imure* elizigelezelayo elingamashekeli angamakhulu amahlanu, lekinamoni* elilephunga elimnandi ingxenye yalokho, elingamashekeli angamakhulu amabili lamatshumi amahlanu, lekalamu* elilephunga elimnandi elingamashekeli angamakhulu amabili lamatshumi amahlanu,Select Exodus 30:23

24lekhasiya* elingamashekeli angamakhulu amahlanu ngokweshekeli lendlu engcwele, lamafutha omhlwathi alihini*;Select Exodus 30:24

25wenze lokhu kube ngamafutha angcwele okugcoba, amakha axutshanisiweyo njengokwenza komenzi wamakha; azakuba ngamafutha angcwele okugcoba.Select Exodus 30:25

26Uzagcoba ngawo ithente lenhlangano lomtshokotsho wobufakazi,Select Exodus 30:26

27letafula lezitsha zalo zonke, loluthi lwesibane lezitsha zalo, lelathi lempepha,Select Exodus 30:27

28lelathi lomnikelo wokutshiswa lezitsha zalo zonke, lenditshi yokugezela lonyawo lwayo;Select Exodus 30:28

29ukungcwelise ukuze kube yingcwelengcwele; loba yini okukuthintayo kuzakuba ngcwele.Select Exodus 30:29

30Ugcobe laye uAroni lamadodana akhe, ubangcwelise ukuze bangisebenzele njengabapristi.Select Exodus 30:30

31Ukhulume kubantwana bakoIsrayeli uthi: Lokhu kuzakuba kimi ngamafutha angcwele okugcoba ezizukulwaneni zenu;Select Exodus 30:31

32angabothelwa emzimbeni womuntu; njalo lingawenzi anjengawo ngokwenziwa kwawo; angcwele, azakuba ngcwele kini.Select Exodus 30:32

33Loba ngubani owenza anjengawo, loba ewafaka kowemzini, uzaqunywa asuke ebantwini bakibo.Select Exodus 30:33

34INkosi yasisithi kuMozisi: Zithathele amakha amnandi, isitakete* leonika* legalibanu*, amakha amnandi lenhlaka ecengekileyo, kube yizabelo ezilinganayo;Select Exodus 30:34

35wenze kube yimpepha, amakha axutshanisiweyo njengokwenza komenzi wamakha, itshwayiwe, icengekile, ingcwele;Select Exodus 30:35

36uchole okwayo kucolisiseke, ubeke okwayo phambi kobufakazi ethenteni lenhlangano, lapho engizahlangana khona lawe; izakuba yingcwelengcwele kini.Select Exodus 30:36

37Kodwa impepha ozayenza, lingazenzeli yona njengokwenziwa kwayo; izakuba ngcwele kuwe, yenzelwe iNkosi.Select Exodus 30:37

38Loba ngubani ozakwenza enjengayo ukuyinuka, uzaqunywa asuke ebantwini bakibo.Select Exodus 30:38