6Hosea 6

1Wozani sibuyele eNkosini, ngoba yona idwengulile, njalo izaselapha; itshayile, njalo izasibopha.Select Hosea 6:1

2Izasivuselela emva kwensuku ezimbili, ngosuku lwesithathu isivuse, njalo siphile phambi kwayo.Select Hosea 6:2

3Khona sizakwazi, silandele ukuyazi iNkosi; ukuphuma kwayo kulungiswe njengokusa; njalo izafika kithi njengezulu, njengezulu lemuva lelokuqala emhlabeni.Select Hosea 6:3

4Ngizakwenzani kuwe, Efrayimi? Ngizakwenzani kuwe, Juda? Ngoba umusa wenu unjengeyezi lekuseni, lanjengamazolo ovivi athintithekayo.Select Hosea 6:4

5Ngenxa yalokhu ngibagamule ngabaprofethi, ngababulala ngamazwi omlomo wami; lezahlulelo zakho zinjengokukhanya okuphumayo.Select Hosea 6:5

6Ngoba ngaloyisa umusa, hatshi-ke umhlatshelo, lolwazi lukaNkulunkulu kuleminikelo yokutshiswa.Select Hosea 6:6

7Kodwa bona njengoluntu baseqile isivumelwano; lapho benza ngenkohliso kimi.Select Hosea 6:7

8IGileyadi ingumuzi wabenzi bokubi, ilemikhondo yegazi.Select Hosea 6:8

9Njengamaviyo abaphangi acathamele umuntu, linjalo ixuku labapristi; bayabulala endleleni yeShekema; ngoba benza inkohlakalo.Select Hosea 6:9

10Endlini yakoIsrayeli ngibone into eyesabekayo; lapho kulobuwule bukaEfrayimi, uIsrayeli ungcolisiwe.Select Hosea 6:10

11Lawe Juda, ukumisele isivuno, lapho ngibuyise ukuthunjwa kwabantu bami.Select Hosea 6:11