111 Chronicles 11

1UIsrayeli wonke wasebuthana kuDavida eHebroni esithi: Khangela, thina silithambo lakho lenyama yakho.Select 1 Chronicles 11:1

2Ngitsho mandulo, ngitsho uSawuli eyinkosi, nguwe owakhupha lowangenisa uIsrayeli; iNkosi uNkulunkulu wakho yasisithi kuwe: Wena uzakwelusa abantu bami uIsrayeli, njalo wena uzakuba ngumbusi phezu kwabantu bami uIsrayeli.Select 1 Chronicles 11:2

3Kwasekufika bonke abadala bakoIsrayeli enkosini eHebroni. UDavida wasesenza isivumelwano labo eHebroni phambi kweNkosi. Basebemgcoba uDavida ukuba yinkosi phezu kukaIsrayeli, njengelizwi leNkosi ngesandla sikaSamuweli.Select 1 Chronicles 11:3

4UDavida loIsrayeli wonke basebesiya eJerusalema, eyiJebusi, ngoba lapho kwakulamaJebusi, abahlali balelolizwe.Select 1 Chronicles 11:4

5Abahlali beJebusi basebesithi kuDavida: Kawuyikungena lapha. Kodwa uDavida wayithumba inqaba yeZiyoni, engumuzi kaDavida.Select 1 Chronicles 11:5

6UDavida wasesithi: Loba ngubani ozatshaya amaJebusi kuqala uzakuba yinhloko lenduna. Ngakho uJowabi indodana kaZeruya wenyuka kuqala, waba yinhloko.Select 1 Chronicles 11:6

7UDavida wasehlala enqabeni; ngalokho-ke bayibiza ngokuthi ngumuzi kaDavida.Select 1 Chronicles 11:7

8Wasewakha umuzi inhlangothi zonke, kusukela eMilo waze wawuhlanganisa. UJowabi wasevuselela okuseleyo komuzi.Select 1 Chronicles 11:8

9UDavida wasesiya eqhubeka esiba mkhulu, ngoba iNkosi yamabandla yayilaye.Select 1 Chronicles 11:9

10Lalezi zinhloko zamaqhawe uDavida ayelazo, ezaziqinisa kanye laye embusweni wakhe, loIsrayeli wonke, ukumenza inkosi, njengelizwi leNkosi mayelana loIsrayeli.Select 1 Chronicles 11:10

11Laleli linani lamaqhawe uDavida ayelawo: UJashobeyamu indodana yomHakimoni inhloko yamatshumi amathathu; yena waphakamisa umkhonto wakhe emelene labangamakhulu amathathu, wababulala ngasikhathi sinye.Select 1 Chronicles 11:11

12Lemva kwakhe kwakuloEleyazare indodana kaDodo umAhohi; wayephakathi kwamaqhawe amathathu.Select 1 Chronicles 11:12

13Yena wayeloDavida ePasi-Damimi lapho amaFilisti ayebuthanele impi khona. Lesiqinti sensimu sasigcwele ibhali*; abantu basebebaleka phambi kwamaFilisti.Select 1 Chronicles 11:13

14Bona bazimisa phakathi kwesiqinti, basikhulula, batshaya amaFilisti, iNkosi yasisindisa ngokukhulula okukhulu.Select 1 Chronicles 11:14

15Abathathu ezinduneni ezingamatshumi amathathu basebesehlela edwaleni kuDavida, ebhalwini lweAdulamu; lebutho lamaFilisti lalimise inkamba esihotsheni seRefayimi.Select 1 Chronicles 11:15

16UDavida ngalesosikhathi wayesenqabeni, lebutho lenqaba lamaFilisti ngalesosikhathi laliseBhethelehema.Select 1 Chronicles 11:16

17UDavida waselangatha wathi: Hawu, kungathi omunye ubenganginathisa amanzi omthombo weBhethelehema osesangweni!Select 1 Chronicles 11:17

18Labo abathathu bafohlela enkambeni yamaFilisti, bakha amanzi emthonjeni weBhethelehema owawusesangweni, bawathwala bawaletha kuDavida; kodwa uDavida kafunanga ukuwanatha, kodwa wawathululela iNkosi.Select 1 Chronicles 11:18

19Wasesithi: Kakube khatshana lami, ngoNkulunkulu wami, ukwenza lokho. Nginganatha yini igazi lalamadoda abeke impilo yawo engozini? Ngoba ngokubeka impilo yawo engozini, awalethile. Ngakho kafunanga ukuwanatha. Lezizinto azenza lawomaqhawe amathathu.Select 1 Chronicles 11:19

20UAbishayi umfowabo kaJowabi, yena-ke wayeyinhloko yabathathu. Yena ephakamisa umkhonto wakhe emelene labangamakhulu amathathu wababulala; wasesiba lebizo phakathi kwabathathu.Select 1 Chronicles 11:20

21Kwabathathu wayehlonitshwa kulababili, wasesiba yinduna yabo; kodwa kafinyelelanga kwabathathu abokuqala.Select 1 Chronicles 11:21

22UBhenaya indodana kaJehoyada, indodana yeqhawe leKabhiseyeli, wayemkhulu ngezenzo: Nguye owatshaya abakoMowabi ababili ababenjengezilwane; futhi yena wehla wabulala isilwane phakathi komgodi mhla weliqhwa elikhithikileyo.Select 1 Chronicles 11:22

23Yena wasetshaya indoda engumGibhithe, umuntu omude, ozingalo ezinhlanu. Lesandleni somGibhithe kwakulomkhonto onjengogodo lomeluki; kodwa wehlela kuye ngenduku, wahluthuna umkhonto esandleni somGibhithe, wambulala ngowakhe umkhonto.Select 1 Chronicles 11:23

24Lezizinto wazenza uBhenaya indodana kaJehoyada, waba lebizo phakathi kwamaqhawe amathathu.Select 1 Chronicles 11:24

25Khangela, wahlonitshwa phakathi kwabangamatshumi amathathu, kodwa kafinyelelanga kwabathathu. UDavida wasembeka phezu kwabalindi bakhe.Select 1 Chronicles 11:25

26Lamaqhawe amabutho: OAsaheli umfowabo kaJowabi, uElihanani indodana kaDodo weBhethelehema,Select 1 Chronicles 11:26

27uShamothi umHarodi, uHelezi umPheloni,Select 1 Chronicles 11:27

28uIra indodana kaIkheshi umThekhowa, uAbiyezeri umAnathothi,Select 1 Chronicles 11:28

29uSibekayi umHushathi, uIlayi umAhohi,Select 1 Chronicles 11:29

30uMaharayi umNetofa, uHelebi indodana kaBahana umNetofa,Select 1 Chronicles 11:30

31uIthayi indodana kaRibayi weGibeya yabantwana bakoBhenjamini, uBhenaya umPirathoni,Select 1 Chronicles 11:31

32uHurayi wezifula zeGahashi, uAbiyeli umArba,Select 1 Chronicles 11:32

33uAzimavethi umBaharumi, uEliyabha umShahaliboni,Select 1 Chronicles 11:33

34amadodana kaHashema umGizoni, uJonathani indodana kaShage umHarari,Select 1 Chronicles 11:34

35uAhiyamu indodana kaSakari umHarari, uElifali indodana kaUri,Select 1 Chronicles 11:35

36uHeferi umMekera, uAhiya umPheloni,Select 1 Chronicles 11:36

37uHeziro umKharmeli, uNaharayi indodana kaEzibayi,Select 1 Chronicles 11:37

38uJoweli umfowabo kaNathani, uMibhari indodana kaHagiri,Select 1 Chronicles 11:38

39uZeleki umAmoni, uNaharayi umBherothi, umthwali wezikhali zikaJowabi indodana kaZeruya,Select 1 Chronicles 11:39

40uIra umIthiri, uGarebi umIthiri,Select 1 Chronicles 11:40

41uUriya umHethi, uZabadi indodana kaAhilayi,Select 1 Chronicles 11:41

42uAdina indodana kaShiza umRubeni, inhloko kwabakoRubeni, labangamatshumi amathathu belaye,Select 1 Chronicles 11:42

43uHanani indodana kaMahaka, loJoshafati umMithini,Select 1 Chronicles 11:43

44uUziya umAshiterathi, uShama loJehiyeli amadodana kaHothamu umAroweri,Select 1 Chronicles 11:44

45uJediyayeli indodana kaShimri, loJoha umfowabo umTizi,Select 1 Chronicles 11:45

46uEliyeli umMahavi, loJeribayi loJoshaviya amadodana kaElinahamu, loIthima umMowabi,Select 1 Chronicles 11:46

47loEliyeli, loObedi, loJahasiyeli umMezobaya.Select 1 Chronicles 11:47