151 Chronicles 15

1Wasezenzela izindlu emzini kaDavida, walungisela umtshokotsho kaNkulunkulu indawo, wawumisela ithente.Select 1 Chronicles 15:1

2Ngalesosikhathi uDavida wathi: Kakho ongathwala umtshokotsho kaNkulunkulu ngaphandle kwamaLevi, ngoba yiwo iNkosi eyawakhethela ukuthwala umtshokotsho kaNkulunkulu, lokuyikhonza kuze kube nininini.Select 1 Chronicles 15:2

3UDavida wasebuthanisa uIsrayeli wonke eJerusalema ukuze benyuse umtshokotsho weNkosi endaweni yawo ayeyilungisele wona.Select 1 Chronicles 15:3

4UDavida wasebuthanisa amadodana kaAroni lamaLevi.Select 1 Chronicles 15:4

5Kumadodana kaKohathi, uUriyeli induna, labafowabo, ikhulu lamatshumi amabili.Select 1 Chronicles 15:5

6Kumadodana kaMerari, uAsaya induna, labafowabo, amakhulu amabili lamatshumi amabili.Select 1 Chronicles 15:6

7Kumadodana kaGerishoni, uJoweli induna, labafowabo, ikhulu lamatshumi amathathu.Select 1 Chronicles 15:7

8Kumadodana kaElizafani, uShemaya induna, labafowabo, amakhulu amabili.Select 1 Chronicles 15:8

9Kumadodana kaHebroni, uEliyeli induna, labafowabo, amatshumi ayisificaminwembili.Select 1 Chronicles 15:9

10Kumadodana kaUziyeli, uAminadaba induna, labafowabo, ikhulu letshumi lambili.Select 1 Chronicles 15:10

11UDavida wasebiza oZadoki loAbhiyatha abapristi, lamaLevi, oUriyeli, uAsaya, loJoweli, uShemaya, loEliyeli, loAminadaba.Select 1 Chronicles 15:11

12Wasesithi kubo: Lizinhloko zaboyise bamaLevi; zingcweliseni lina labafowenu ukuze lenyuse umtshokotsho weNkosi uNkulunkulu kaIsrayeli endaweni engiyilungisele wona.Select 1 Chronicles 15:12

13Ngoba lina lalingekho kuqala, iNkosi uNkulunkulu wethu yafohlela kithi, ngoba singayidinganga ngokwesimiso.Select 1 Chronicles 15:13

14Ngakho abapristi lamaLevi bazingcwelisa ukwenyusa umtshokotsho weNkosi uNkulunkulu kaIsrayeli.Select 1 Chronicles 15:14

15Abantwana bamaLevi basebethwala umtshokotsho kaNkulunkulu, njengokulaya kukaMozisi ngokwelizwi leNkosi, emahlombe abo ngemijabo phezu kwabo.Select 1 Chronicles 15:15

16UDavida wasesithi ezinduneni zamaLevi zimise abafowabo, abahlabeleli, lezinto zokuhlabelela lezigubhu zezintambo lamachacho lezinsimbi ezincencethayo, bazizwakalise, ngokuphakamisa ilizwi ngentokozo.Select 1 Chronicles 15:16

17AmaLevi asemisa uHemani indodana kaJoweli, lakubafowabo uAsafi indodana kaBerekiya, lemadodaneni kaMerari abafowabo uEthani indodana kaKushaya.Select 1 Chronicles 15:17

18Njalo kanye labo abafowabo besigaba sesibili: OZekhariya, uBeni, loJahaziyeli, loShemiramothi, loJehiyeli, loUni, uEliyabi, loBhenaya, loMahaseya, loMathithiya, loElifelehu, loMikineya, loObedi-Edoma, loJeyiyeli, abalindi bamasango.Select 1 Chronicles 15:18

19Abahlabeleli oHemani, uAsafi, loEthani bazizwakalisa-ke ngensimbi ezincencethayo zethusi.Select 1 Chronicles 15:19

20LoZekhariya loAziyeli loShemiramothi loJehiyeli loUni loEliyabi loMahaseya loBhenaya belezigubhu zezintambo ngeAlamothi.Select 1 Chronicles 15:20

21LoMathithiya loElifelehu loMikineya loObedi-Edoma loJeyiyeli loAzaziya belamachacho ngeSheminithi ukukhokhela.Select 1 Chronicles 15:21

22LoKenaniya induna yamaLevi emthwalweni, wafundisa ngokuhlabelela ngoba wayeyingcitshi.Select 1 Chronicles 15:22

23LoBerekiya loElkana babengabagcini bamasango omtshokotsho.Select 1 Chronicles 15:23

24LoShebaniya loJoshafati loNethaneli loAmasayi loZekhariya loBhenaya loEliyezeri abapristi bakhalisa izimpondo phambi komtshokotsho kaNkulunkulu. LoObedi-Edoma loJehiya babengabagcinimasango bomtshokotsho.Select 1 Chronicles 15:24

25Kwasekusithi uDavida labadala bakoIsrayeli lenduna zezinkulungwane bahamba ukwenyusa umtshokotsho wesivumelwano seNkosi uvela endlini kaObedi-Edoma ngentokozo.Select 1 Chronicles 15:25

26Kwasekusithi uNkulunkulu ewasiza amaLevi ayewuthwele umtshokotsho wesivumelwano seNkosi, banikela umhlatshelo wamajongosi ayisikhombisa lenqama eziyisikhombisa.Select 1 Chronicles 15:26

27Njalo uDavida wayegqoke isembatho selembu elicolekileyo kakhulu, lawo wonke amaLevi ayewuthwele umtshokotsho labahlabeleli loKenaniya induna yomthwalo wabahlabeleli; uDavida-ke wayegqoke i-efodi* yelembu elicolekileyo.Select 1 Chronicles 15:27

28Ngakho uIsrayeli wonke wawenyusa umtshokotsho wesivumelwano seNkosi ngokumemeza langokukhala kophondo lwenqama, langezimpondo, langezinsimbi ezincencethayo, besenza umsindo ngezigubhu zezintambo lamachacho.Select 1 Chronicles 15:28

29Kwasekusithi lapho umtshokotsho wesivumelwano seNkosi ufika emzini kaDavida, uMikhali indodakazi kaSawuli walunguza ngewindi wabona inkosi uDavida esina edlala, wamdelela enhliziyweni yakhe.Select 1 Chronicles 15:29