111 Corinthians 11

1Banini ngabalandeli bami, njengoba lami okaKristu.Select 1 Corinthians 11:1

2Ngiyalibabaza-ke, bazalwane, ukuthi liyangikhumbula ezintweni zonke, lokuthi libambelele ezimisweni njengoba ngalinika.Select 1 Corinthians 11:2

3Kodwa ngithanda ukuthi lazi, ukuthi inhloko yawo wonke amadoda nguKristu; lenhloko yowesifazana yindoda; lenhloko kaKristu nguNkulunkulu.Select 1 Corinthians 11:3

4Yonke indoda ekhulekayo loba eprofethayo, ikhanda limboziwe, ilithela ihlazo ikhanda layo.Select 1 Corinthians 11:4

5Kodwa wonke owesifazana okhuleka kumbe aprofethe ikhanda lingambombozwanga, ulithela ihlazo elakhe ikhanda; ngoba lokhu kufanana-ke lophuciweyo.Select 1 Corinthians 11:5

6Ngoba uba owesifazana engagubuzeli, futhi kagele; kodwa uba kukubi kowesifazana ukugela kumbe ukuphucwa, kagutshuzelwe.Select 1 Corinthians 11:6

7Ngoba indoda kayifanele ukumbomboza ikhanda, ngoba ingumfanekiso lodumo lukaNkulunkulu; kodwa owesifazana uludumo lwendoda.Select 1 Corinthians 11:7

8Ngoba indoda kayivelanga kowesifazana, kodwa owesifazana endodeni;Select 1 Corinthians 11:8

9ngoba futhi indoda kayidalelwanga owesifazana, kodwa owesifazana indoda;Select 1 Corinthians 11:9

10ngenxa yalokhu owesifazana kufanele abe lamandla phezu kwekhanda ngenxa yezingilosi.Select 1 Corinthians 11:10

11Kodwa indoda kayingaphandle kowesifazana, lowesifazana kangaphandle kwendoda, eNkosini.Select 1 Corinthians 11:11

12Ngoba njengoba owesifazana evela endodeni, ngokunjalo lendoda ivela ngowesifazana, kodwa konke kuvela kuNkulunkulu.Select 1 Corinthians 11:12

13Ziboneleni lina; kufanele yini ukuthi owesifazana akhuleke kuNkulunkulu engambombozanga?Select 1 Corinthians 11:13

14Imvelo uqobo lwayo kayilifundisi yini, ukuthi uba indoda ilenwele ezinde, kulihlazo kuyo?Select 1 Corinthians 11:14

15Kodwa uba owesifazana elenwele ezinde, kuludumo kuye. Ngoba inwele uziphiwe ukuthi zibe yisimbombozo.Select 1 Corinthians 11:15

16Kodwa uba umuntu ebonakala elenkani, thina kasilawo umkhuba onjalo, ngitsho lamabandla kaNkulunkulu.Select 1 Corinthians 11:16

17Kodwa ngokulaya lokhu kangilibabazi, ngoba libuthana ngokungekuhle kodwa ngokubi.Select 1 Corinthians 11:17

18Okokuqala ngoba nxa libuthana ebandleni, ngizwa ukuthi kukhona ukwehlukana phakathi kwenu; njalo nganxanye ngiyakukholwa.Select 1 Corinthians 11:18

19Ngoba kufanele ukuba lobubhazuka futhi phakathi kwenu, ukuze labo abaqinisileyo babonakale phakathi kwenu.Select 1 Corinthians 11:19

20Ngakho nxa libuthana ndawonye, lokhu kakusikho ukudla isidlo seNkosi;Select 1 Corinthians 11:20

21ngoba ngulowo lalowo uthatha kuqala esakhe isidlo ekudleni, lomunye ulambile, lomunye udakiwe.Select 1 Corinthians 11:21

22Kanti kalilazo izindlu zokudlela lezokunathela? Kumbe lidelela ibandla likaNkulunkulu, liyangise yini abangelakho? Ngingathini kini? Ngingalibabaza kulokhu yini? Kangilibabazi.Select 1 Corinthians 11:22

23Ngoba mina ngakwemukela eNkosini, lokho lami engalinika khona, ukuthi iNkosi uJesu ngobusuku eyanikelwa ngabo yathatha isinkwa,Select 1 Corinthians 11:23

24isibongile yasihlephuna, yathi: Thathani, lidle, lokhu kungumzimba wami owahletshunelwa lina; lokhu kwenzeni ukungikhumbula.Select 1 Corinthians 11:24

25Ngokunjalo lenkezo, sebedlile, yathi: Inkezo le iyisivumelwano esitsha egazini lami; lokhu kwenzeni, loba nini liyinatha, ukungikhumbula.Select 1 Corinthians 11:25

26Ngoba loba nini nxa lisidla lesisinkwa, linatha linkezo, litshumayela ukufa kweNkosi ize ifike.Select 1 Corinthians 11:26

27Ngakho loba ngubani odla lesisinkwa kumbe anathe inkezo yeNkosi ngokungafanelanga, uzakuba lecala lomzimba legazi leNkosi.Select 1 Corinthians 11:27

28Kodwa umuntu kumele azihlole, ngokunjalo-ke adle okwesinkwa anathe okwenkezo;Select 1 Corinthians 11:28

29ngoba odlayo anathe ngokungafanelanga, uzidlela azinathele isigwebo, engawehlukanisi umzimba weNkosi.Select 1 Corinthians 11:29

30Ngenxa yalokhu banengi kini ababuthakathaka labagulayo, lenengi lilele.Select 1 Corinthians 11:30

31Kodwa uba besizihlolile thina, besingayikwahlulelwa;Select 1 Corinthians 11:31

32kodwa nxa sisahlulelwa, sikhuzwa yiNkosi, ukuze singalahlwa kanye lomhlaba.Select 1 Corinthians 11:32

33Ngakho, bazalwane bami, nxa libuthana ukuthi lidle, kalibomelelana.Select 1 Corinthians 11:33

34Njalo uba omunye elambile, kabokudla ekhaya; ukuze lingabuthaneli ukugwetshwa. Okuseleyo-ke, ngizakulungisa mhla ngifikayo.Select 1 Corinthians 11:34