121 Corinthians 12

1Maqondana-ke lezipho zomoya, bazalwane, kangithandi ukuthi lingazi.Select 1 Corinthians 12:1

2Lazi ukuthi lalingabezizwe ladonselwa ezithombeni eziyizimungulu, njengelikhokhelwayo.Select 1 Corinthians 12:2

3Ngakho ngiyalazisa, ukuthi kakho umuntu okhuluma ngoMoya kaNkulunkulu othi: UJesu uyisiqalekiso; futhi kakho umuntu ongathi: UJesu uyiNkosi, ngaphandle ngoMoya oNgcwele.Select 1 Corinthians 12:3

4Kukhona-ke izipho ezehlukeneyo, kodwa uMoya munye.Select 1 Corinthians 12:4

5Njalo kukhona inkonzo ezehlukeneyo, kodwa iNkosi yinye.Select 1 Corinthians 12:5

6Kukhona-ke imisebenzi eyehlukeneyo, kodwa nguNkulunkulu munye, osebenza konke kubo bonke.Select 1 Corinthians 12:6

7Kodwa ngulowo lalowo uphiwa ukubonakalisa kukaMoya kulokho okulusizo.Select 1 Corinthians 12:7

8Ngoba omunye uphiwa ngoMoya ilizwi lenhlakanipho, lakomunye ilizwi lolwazi, ngoMoya munye;Select 1 Corinthians 12:8

9lakomunye ukholo, ngoMoya munye; lakomunye izipho zokusilisa, ngoMoya munye;Select 1 Corinthians 12:9

10lakomunye ukusebenza imisebenzi yamandla, lakomunye isiprofetho, lakomunye ukwehlukanisa imimoya, lakomunye inhlobo yendimi, lakomunye ukuchasisa indimi;Select 1 Corinthians 12:10

11kodwa konke lokho lowoMoya munye uyakusebenza, ebabela ngulowo lalowo ngamunye njengokuthanda kwakhe.Select 1 Corinthians 12:11

12Ngoba njengoba umzimba umunye, njalo ulezitho ezinengi, kodwa zonke izitho zalowomzimba munye, zizinengi, zingumzimba munye; kunjalo-ke loKristu;Select 1 Corinthians 12:12

13ngoba ngoMoya munye lathi sonke sabhabhathizelwa emzimbeni munye, loba amaJuda loba amaGriki, loba izigqili loba abakhululekileyo; futhi thina sonke sanathiswa kuMoya munye.Select 1 Corinthians 12:13

14Ngoba umzimba lawo kawusiso isitho sinye kodwa ezinengi.Select 1 Corinthians 12:14

15Uba unyawo lungathi: Lokhu ngingesisandla, kangisikho okomzimba; kungeyisikho ngalokho kakusilo olomzimba yini?Select 1 Corinthians 12:15

16Uba-ke indlebe ingathi: Lokhu ngingesilo ilihlo, kangisikho okomzimba; ngenxa yalokho kayisiyo yini eyomzimba?Select 1 Corinthians 12:16

17Uba umzimba wonke ubuyilihlo, ngabe kungaphi ukuzwa? Uba wonke ubuyikuzwa, ngabe kungaphi ukunuka?Select 1 Corinthians 12:17

18Kodwa khathesi-ke uNkulunkulu umisile izitho, yileso laleso sazo, emzimbeni, njengokuthanda kwakhe.Select 1 Corinthians 12:18

19Kodwa uba zonke beziyisitho sinye, umzimba ngabe ungaphi?Select 1 Corinthians 12:19

20Kodwa khathesi izitho zinengi, kodwa umzimba munye.Select 1 Corinthians 12:20

21Ilihlo-ke lingeke latsho esandleni ukuthi: Kangikusweli. Kumbe futhi ikhanda ezinyaweni ukuthi: Kangilisweli;Select 1 Corinthians 12:21

22kodwa kakhulukazi izitho zomzimba ezikhangeleka zibuthakathaka kakhulu, ziyadingeka;Select 1 Corinthians 12:22

23lalezo ezomzimba esicabanga ukuthi zidelelekile kakhulu, yizo esizihlonipha ngokwengezelelwe kakhulu; lalezo ezethu ezingezinhle zilobuhle obengezelelwe kakhulu;Select 1 Corinthians 12:23

24kanti ezinhle zethu kazikusweli; kodwa uNkulunkulu wawuhlanganisa umzimba, enika udumo olwengezelelwe kakhulu kwesikuswelayo,Select 1 Corinthians 12:24

25ukuze kungabi khona ukwehlukana emzimbeni, kodwa izitho zinanzelelane ngokufananayo.Select 1 Corinthians 12:25

26Uba-ke kuhlupheka isitho sinye, izitho zonke zihlupheka kanye laso; uba kudunyiswa isitho sinye, izitho zonke ziyajabula kanye laso.Select 1 Corinthians 12:26

27Lina-ke lingumzimba kaKristu, lezitho ngamunye ngamunye.Select 1 Corinthians 12:27

28Njalo uNkulunkulu umisile abathile ebandleni, kuqala abaphostoli, okwesibili abaprofethi, okwesithathu abafundisi, besekusiba imisebenzi yamandla, besekusiba izipho zokusilisa, izenzo ezisizayo, ubukhokheli, indimi ezehlukeneyo.Select 1 Corinthians 12:28

29Bonke bangabaphostoli yini? Bonke bangabaprofethi yini? Bonke bangabafundisi yini? Bonke benza imisebenzi yamandla yini?Select 1 Corinthians 12:29

30Bonke balezipho zokusilisa yini? Bonke bakhuluma ngendimi yini? Bonke bayachasisa yini?Select 1 Corinthians 12:30

31Kodwa fisani kakhulu izipho ezingcono. Njalo ngisalitshengisa indlela engcono kakhulukazi.Select 1 Corinthians 12:31