131 Corinthians 13

1Nxa ngingakhuluma ngendimi zabantu lezezingilosi, kodwa ngingelathando, ngizakuba lithusi elikhalayo kumbe insimbi encencethayo.Select 1 Corinthians 13:1

2Njalo loba ngingaba lesiprofetho, ngisazi imfihlo zonke lokwazi konke, njalo uba ngilokholo lonke, ukuze ngisuse izintaba, kodwa ngingelathando, angisilutho.Select 1 Corinthians 13:2

3Njalo loba ngingabela abayanga konke engilakho, njalo uba nginganikela umzimba wami ukuthi ngitshiswe, kodwa ngingelathando, kakungisizi ngalutho.Select 1 Corinthians 13:3

4Uthando luyabekezela, lulobubele; uthando kalulamona; uthando kaluzincomi, kalukhukhunyezwa,Select 1 Corinthians 13:4

5kaluziphathi ngokungafanelanga, kaluzidingeli okwalo, kalucunuki, kalunakani okubi,Select 1 Corinthians 13:5

6kaluthokozi ngokungalunganga, kodwa luthokoza eqinisweni;Select 1 Corinthians 13:6

7lusibekela izinto zonke, lukholwa izinto zonke, luthemba izinto zonke, lubekezelela izinto zonke.Select 1 Corinthians 13:7

8Uthando kalungeke lwehluleke. Kumbe-ke iziprofetho, zizakwenziwa ziphele; kumbe indimi, zizakhawula; kumbe ulwazi, luzakwenziwa luphele.Select 1 Corinthians 13:8

9Ngoba sazi nganxanye, siprofetha nganxanye;Select 1 Corinthians 13:9

10kodwa lapho sekufikile okupheleleyo, khona okuyingxenye kuzakwenziwa ize.Select 1 Corinthians 13:10

11Lapho ngilusane, ngakhuluma njengosane, ngaqedisisa njengosane, nganakana njengosane; kodwa kuthe sengiyindoda, ngazenza ize izinto zosane.Select 1 Corinthians 13:11

12Ngoba khathesi sibona esibukweni kaluvivi, kodwa ngalesosikhathi ubuso ngobuso; khathesi ngazi nganxanye, kodwa ngalesosikhathi ngizakwazi njengoba-ke ngangisaziwa.Select 1 Corinthians 13:12

13Njalo khathesi-ke kumi ukholo, ithemba, uthando, lokhu kokuthathu; kodwa okukhulu kulokhu luthando.Select 1 Corinthians 13:13