141 Corinthians 14

1Landelani uthando; lifise kakhulu izipho zomoya, kodwa ikakhulu ukuthi liprofethe.Select 1 Corinthians 14:1

2Ngoba okhuluma ngendimi kakhulumi ebantwini, kodwa kuNkulunkulu; ngoba kakho ozwayo, kanti ukhuluma izimfihlo ngomoya.Select 1 Corinthians 14:2

3Kodwa oprofethayo ukhuluma ebantwini ukwakha lenkuthazo lenduduzo.Select 1 Corinthians 14:3

4Okhuluma ngendimi uyazakha yena, kodwa oprofethayo wakha ibandla.Select 1 Corinthians 14:4

5Njalo ngiyathanda ukuthi lonke likhulume ngendimi, kodwa kakhulu ukuthi liprofethe; ngoba oprofethayo mkhulu kulokhuluma ngendimi, ngaphandle kokuthi atolike, ukuze ibandla lemukele ukwakhiwa.Select 1 Corinthians 14:5

6Khathesi-ke, bazalwane, uba ngifika kini ngikhuluma ngendimi, ngizalisiza ngani, nxa ngingakhulumi kini kumbe ekwembulelweni, loba ekwazini, loba kusiprofetho, kumbe emfundisweni?Select 1 Corinthians 14:6

7Ngokunjalo izinto ezingelampilo ezikhalayo, loba umhlanga, loba ichacho, uba zinganiki umehluko ngokukhala, kuzakwaziwa njani okuvuthelwayo ngomhlanga kumbe okutshaywayo ngomqangala?Select 1 Corinthians 14:7

8Ngoba-ke nxa uphondo lunika ukukhala okungaqondakaliyo, ngubani ozazilungisela impi?Select 1 Corinthians 14:8

9Kunjalo lani, uba linganiki inkulumo ecacileyo ngolimi, kuzakwaziwa njani okukhulunywayo? Ngoba lizakuba likhuluma emoyeni.Select 1 Corinthians 14:9

10Kukhona, nxa kungenzakala, imihlobo eminengi kangaka yemisindo emhlabeni kodwa kawukho ongatsho lutho;Select 1 Corinthians 14:10

11ngakho uba ngingawazi umqondo welizwi, ngizakuba ngowezizweni kulowo okhulumayo, lalowo okhulumayo uzakuba ngowezizweni kimi.Select 1 Corinthians 14:11

12Kunjalo lani, lokhu litshisekela izipho zomoya, dingani ukuthi livame ekwakhiweni kwebandla.Select 1 Corinthians 14:12

13Ngakho-ke okhulumayo ngendimi kakhuleke ukuthi atolike.Select 1 Corinthians 14:13

14Ngoba uba ngikhuleka ngendimi, umoya wami uyakhuleka, kodwa ingqondo yami kayilasithelo.Select 1 Corinthians 14:14

15Ngakho kuyini? Ngizakhuleka ngomoya, njalo ngizakhuleka langengqondo; ngizahlabelela indumiso ngomoya, njalo ngizahlabelela indumiso langengqondo.Select 1 Corinthians 14:15

16Uba kungenjalo, nxa ubonga ngomoya, lowo ogcwalisa indawo yongafundanga uzamutsho njani uAmeni ekubongeni kwakho, lokhu engakwazi okutshoyo?Select 1 Corinthians 14:16

17Ngoba isibili wena ubonga kuhle, kodwa omunye kakhiwa.Select 1 Corinthians 14:17

18Ngiyambonga uNkulunkulu wami ukuthi ngikhuluma ngendimi kakhulu kulani lonke;Select 1 Corinthians 14:18

19kodwa ebandleni ngithanda ukukhuluma amazwi amahlanu ngengqondo yami, ukuze ngifundise labanye, kulamazwi ayizinkulungwane ezilitshumi ngendimi.Select 1 Corinthians 14:19

20Bazalwane, lingabi ngabantwana engqondweni; kodwa ebubini banini zingane, lekunakaneni libe ngabakhulileyo.Select 1 Corinthians 14:20

21Emlayweni kulotshiwe ukuthi: Ngezinye indimi langezinye indebe ngizakhuluma lalesisizwe, langokunjalo labo kabayikungizwa, itsho iNkosi.Select 1 Corinthians 14:21

22Ngakho indimi zingezesibonakaliso, kungeyisikho kwabakholwayo, kodwa kwabangakholwayo; kanti isiprofetho, kungayisiso sabangakholwayo, kodwa sabakholwayo.Select 1 Corinthians 14:22

23Ngakho uba ibandla lonke libuthene ndawonye, labo bonke bakhulume ngendimi, besekungena abangafundanga loba abangakholwayo, kabazukuthi liyahlanya yini?Select 1 Corinthians 14:23

24Kodwa uba bonke beprofetha, njalo kungene othile ongakholwayo loba ongafundanga, uyakhuzwa yibo bonke, ahlolwe yibo bonke,Select 1 Corinthians 14:24

25langokunjalo izinto ezifihliweyo zenhliziyo yakhe ziyadalulwa; ngokunjalo uzakuwa ngobuso akhonze uNkulunkulu, ebika ukuthi uNkulunkulu ngoqotho uphakathi kwenu.Select 1 Corinthians 14:25

26Ngakho kuyini, bazalwane? Loba nini libuthana, ngulowo lalowo wenu elesihlabelelo, elemfundiso, elolimi, elesambulelo, elokutolika. Konke kakwenzelwe ekwakheni.Select 1 Corinthians 14:26

27Uba umuntu ekhuluma ngendimi, kakube ngababili, kumbe bangadluli kwabathathu, njalo badedelane, lomunye katolike;Select 1 Corinthians 14:27

28kodwa uba kungekho umtoliki, kumele athule ebandleni; akhulume kuye ngokwakhe lakuNkulunkulu.Select 1 Corinthians 14:28

29Abaprofethi-ke ababili loba abathathu kabakhulume, labanye kabahlolisise.Select 1 Corinthians 14:29

30Kodwa uba kusembulwa komunye ohleziyo, kathule owokuqala.Select 1 Corinthians 14:30

31Ngoba lonke lingaprofetha munye ngamunye, ukuze bonke bafunde, njalo bonke bakhuthazwe;Select 1 Corinthians 14:31

32lemimoya yabaprofethi iyathotshiselwa abaprofethi.Select 1 Corinthians 14:32

33Ngoba uNkulunkulu kayisuye owesiphithiphithi, kodwa ngowokuthula, njengemabandleni wonke abangcwele.Select 1 Corinthians 14:33

34Abesifazana benu kabathule emabandleni; ngoba kabavunyelwa ukukhuluma, kodwa ukuzithoba, njengoba lawo umlayo usitsho.Select 1 Corinthians 14:34

35Uba-ke bethanda ukufunda ulutho, kababuze kubomkabo ekhaya; ngoba kulihlazo kowesifazana ukukhuluma ebandleni.Select 1 Corinthians 14:35

36Kumbe ilizwi likaNkulunkulu laphuma kini? Kumbe lafika kini lodwa yini?Select 1 Corinthians 14:36

37Uba umuntu ecabanga ukuthi ungumprofethi loba ungowomoya, umele ukwemukela izinto engilibhalela zona, ukuthi ziyimilayo yeNkosi;Select 1 Corinthians 14:37

38uba umuntu engazi, kumele engazi.Select 1 Corinthians 14:38

39Ngakho, bazalwane, tshisekelani ukuprofetha, njalo lingakuvimbeli ukukhuluma ngendimi;Select 1 Corinthians 14:39

40konke kakwenziwe ngemfanelo langokulandelana.Select 1 Corinthians 14:40