161 Corinthians 16

1Mayelana-ke lokuqoqelwa okwabangcwele, njengoba ngalaya amabandla eGalathiya, yenzani ngokunjalo lani.Select 1 Corinthians 16:1

2Ngalo lonke usuku lokuqala lweviki kakube ngulowo lalowo wenu azibekele aqogelele loba yini aphumelela ngayo, ukuze kungabi yisikhathi sokuqoqwa nxa ngifikayo.Select 1 Corinthians 16:2

3Njalo loba nini ekufikeni kwami, loba ngobani elibakhethileyo, ngezincwadi, laba ngizabathuma ukuze base isipho senu somusa eJerusalema;Select 1 Corinthians 16:3

4njalo uba kufanele ukuthi lami ngihambe, bazahamba lami.Select 1 Corinthians 16:4

5Kodwa ngizakuza kini, nxa sengidabule eMakedoniya; ngoba ngizadabula eMakedoniya;Select 1 Corinthians 16:5

6futhi ngingahle ngihlale lani, loba ngiqede lobusika, ukuze lina lingidlulisele loba ngaphi lapho engiya khona.Select 1 Corinthians 16:6

7Ngoba kangifisi ukulibona khathesinje ekwedluleni; kodwa ngithemba ukuhlala lani isikhathi esithile, uba iNkosi ivuma.Select 1 Corinthians 16:7

8Kodwa ngizahlala eEfesu kuze kufike iPentekoste*;Select 1 Corinthians 16:8

9ngoba ngivulelwe umnyango omkhulu lolamandla, labaphikisayo banengi.Select 1 Corinthians 16:9

10Nxa-ke uTimothi engafika, bonani ukuthi ulani engelakwesaba; ngoba usebenza umsebenzi weNkosi njengami futhi.Select 1 Corinthians 16:10

11Ngakho kakungabi khona omdelelayo; kodwa mdluliseni ngokuthula, ukuze eze kimi; ngoba ngimlindele kanye labazalwane.Select 1 Corinthians 16:11

12Njalo mayelana lomzalwane uApolosi, ngamkhuthaza kakhulu ukuze eze kini kanye labazalwane; kodwa kwakungeyisiyo intando yakhe lakanye ukuthi eze khathesi, kodwa uzakuza nxa eselethuba.Select 1 Corinthians 16:12

13Lindani, lime ekholweni, liziphathe njengamadoda, libe lamandla.Select 1 Corinthians 16:13

14Izinto zenu zonke kazenziwe ngothando.Select 1 Corinthians 16:14

15Futhi ngiyalincenga bazalwane, liyayazi indlu kaStefana, ukuthi iyisithelo sokuqala seAkaya, lokuthi bazimisele ukusebenzela abangcwele;Select 1 Corinthians 16:15

16ukuze lani lehliselwe ngaphansi kwabanjalo, labo bonke abasebenza kanye lathi, betshikatshika.Select 1 Corinthians 16:16

17Sengithokoza ngokufika kukaStefana loFortunatu loAkayiko, ngoba bona bagcwalisile ukusilela kwenu;Select 1 Corinthians 16:17

18ngoba bawuvuselele umoya wami lowenu. Ngakho bananzeleleni abanjalo.Select 1 Corinthians 16:18

19Amabandla eAsiya ayalibingelela; bayalibingelela kakhulu eNkosini oAkwila loPrisila, kanye lebandla elisemzini wabo.Select 1 Corinthians 16:19

20Bonke abazalwane bayalibingelela. Bingelelanani ngokwanga okungcwele.Select 1 Corinthians 16:20

21Isibingelelo ngesami isandla esikaPawuli.Select 1 Corinthians 16:21

22Uba umuntu engayithandi iNkosi uJesu Kristu, kabe yisithuko. Woza Nkosi!Select 1 Corinthians 16:22

23Umusa weNkosi yethu uJesu Kristu kawube lani.Select 1 Corinthians 16:23

24Uthando lwami kalube lani lonke kuKristu Jesu. Ameni.Select 1 Corinthians 16:24