41 Corinthians 4

1Umuntu kanakane ngathi ngokunje, njengezisebenzi zikaKristu labaphathi bezimfihlo zikaNkulunkulu.Select 1 Corinthians 4:1

2Futhi-ke, kuyadingeka ebaphathini, ukuthi umuntu aficwe ethembekile.Select 1 Corinthians 4:2

3Kodwa kimi kuyinto encinyane kakhulu ukuthi ngithonisiswe yini, kumbe ngokwahlulela kwabantu; kodwa lami kangizithonisisi.Select 1 Corinthians 4:3

4Ngoba kanginanzeleli lutho kimi, kanti kangilungisiswanga ngalokho; kodwa ongahlulelayo yiNkosi.Select 1 Corinthians 4:4

5Ngakho lingahluleli lutho isikhathi singakafiki, ize ifike iNkosi, ezaveza futhi ekukhanyeni izinto ezifihlakeleyo emnyameni, njalo iveze obala amacebo ezinhliziyo; njalo khona ngulowo lalowo ezakuba lokubongwa okuvela kuNkulunkulu.Select 1 Corinthians 4:5

6Njalo lezizinto, bazalwane, ngiziqondanise lami loApolosi ngenxa yenu, ukuze lifunde kithi ukuthi lingakhumbuli phezu kokulotshiweyo, ukuze lingakhukhunyezwa omunye ngomunye limelane lomunye.Select 1 Corinthians 4:6

7Ngoba ngubani okwenza ukuthi wehluke? Njalo kuyini olakho ongakwemukelanga? Njalo uba lawe wemukele, uzincomelani ngokungathi kawemukelanga?Select 1 Corinthians 4:7

8Selisuthi, selinothile, libusile ngaphandle kwethu; yebo-ke kungathi ngabe liyabusa, ukuze lathi sibuse kanye lani.Select 1 Corinthians 4:8

9Ngoba ngithi uNkulunkulu usimisile thina abaphostoli bokucina, sibe njengabamiselwe ukufa; ngoba senziwe umbukiso emhlabeni, lakuzo ingilosi, lebantwini.Select 1 Corinthians 4:9

10Thina siyizithutha ngenxa kaKristu, kodwa lina lihlakaniphile kuKristu; thina sibuthakathaka, kodwa lina lilamandla; lina liyahlonitshwa, kodwa thina siyadelelwa.Select 1 Corinthians 4:10

11Kuze kube lihola lakhathesi silambile, somile, sihambaze, siyatshaywa ngenqindi, siyimihambuma,Select 1 Corinthians 4:11

12siyatshikatshika sisebenza ngezethu izandla; sithi sithukwa sibusise; sithi sizingelwa sibekezele;Select 1 Corinthians 4:12

13sithi sinyeywa sincenge; senziwa njengamanyala omhlaba, imfucuza yezinto zonke, kuze kube khathesi.Select 1 Corinthians 4:13

14Kangilibhaleli lezizinto ukuthi ngilithele inhloni, kodwa ngileluleka njengabantwana bami abathandekayo.Select 1 Corinthians 4:14

15Ngoba lanxa lilabeluleki abayizinkulungwane ezilitshumi kuKristu, kodwa kalilaboyihlo abanengi; ngoba mina ngalizala kuKristu Jesu ngevangeli.Select 1 Corinthians 4:15

16Ngakho ngiyalincenga: Banini ngabalingisi bami.Select 1 Corinthians 4:16

17Ngalokho ngithume kini uTimothi, ongumntanami othandekayo lothembekileyo eNkosini, ozalikhumbuza ngenhambo zami ezikuKristu, njengoba ngifundisa endaweni zonke kulo lonke ibandla.Select 1 Corinthians 4:17

18Kodwa abanye bazikhukhumezile ngokungathi kangiyikuza kini.Select 1 Corinthians 4:18

19Kanti ngizakuza kini masinyane, uba iNkosi ivuma, njalo ngizakwazi, hatshi ilizwi lalabo abazikhukhumezayo, kodwa amandla.Select 1 Corinthians 4:19

20Ngoba umbuso kaNkulunkulu kawungelizwi kodwa ngamandla.Select 1 Corinthians 4:20

21Lifunani? Ngize kini ngenduku yini, kumbe ngothando lomoya ochumileyo?Select 1 Corinthians 4:21