1 Corinthians 6
Ndebele Bible
Translation: NDEBELE
Modern translations such as the NIV or ESV are not available yet. They need a license, and we will add them when one is in place. All translations and their sources
1Kukhona yini umuntu wakini, othi elecala lomunye, abe lesibindi sokuyakwahlulelwa phambi kwabangalunganga, kungabi phambi kwabangcwele?Select 1 Corinthians 6:1
2Kalazi yini ukuthi abangcwele bazakwahlulela umhlaba? Uba-ke umhlaba uzakwahlulelwa yini, kalifanele yini ukwahlulela amacala amancinyane?Select 1 Corinthians 6:2
3Kalazi yini ukuthi sizazahlulela ingilosi? Kangakanani indaba zalokhukuphila?Select 1 Corinthians 6:3
4Ngakho uba lilamacala alokhukuphila, babekeni phezu kwawo labo abadelelekayo ebandleni.Select 1 Corinthians 6:4
5Ngikhuluma kini ukuthi libe lenhloni. Ngokunjalo kakho ohlakaniphileyo phakathi kwenu yini, ngitsho loyedwa, ongahlulela phakathi kwabazalwane bakhe?Select 1 Corinthians 6:5
6Kodwa umzalwane umangalela umzalwane, lalokho phambi kwabangakholwayo.Select 1 Corinthians 6:6
7Ngakho kusekhona isibili ukwehluleka phakathi kwenu, ukuthi lilokumangalelana. Kungani kulalokhu lingavumi ukoniwa? Kungani kulalokhu lingavumi ukuqilibezelwa?Select 1 Corinthians 6:7
8Kodwa lina liyona liqilibezele, lalokhu kubazalwane.Select 1 Corinthians 6:8
9Kumbe alazi yini ukuthi abangalunganga kabayikulidla ilifa lombuso kaNkulunkulu? Lingakhohliswa; kakulaziphingi, loba abakhonza izithombe, loba izifebe, loba ababuthakathaka ekulalaneni kwabesilisa, loba abesilisa abalalanayo,Select 1 Corinthians 6:9
10loba amasela, loba izihwaba, loba izidakwa, loba izithuki, loba abaphangi, abazakulidla ilifa lombuso kaNkulunkulu.Select 1 Corinthians 6:10
11Abanye benu babeyilezizinto; kodwa ligezisiwe, kodwa langcweliswa, kodwa lalungisiswa ebizweni leNkosi uJesu, langoMoya kaNkulunkulu wethu.Select 1 Corinthians 6:11
12Zonke izinto zivumelekile kimi, kodwa kayisizo zonke izinto ezisizayo; zonke izinto zivumelekile kimi, kodwa mina kangiyikubuswa lutho.Select 1 Corinthians 6:12
13Ukudla ngokwesisu, lesisu ngesokudla; kanti uNkulunkulu uzakuchitha kokubili, sona lakho. Kodwa umzimba kayisiwo wokuphinga, kodwa ungoweNkosi, njalo iNkosi ingeyomzimba;Select 1 Corinthians 6:13
14njalo uNkulunkulu owavusa iNkosi uzasivusa lathi ngamandla akhe.Select 1 Corinthians 6:14
15Kalazi yini ukuthi imizimba yenu iyizitho zikaKristu? Pho ngizathatha izitho zikaKristu ngizenze izitho zesifebe yini? Phinde!Select 1 Corinthians 6:15
16Kumbe kalazi yini ukuthi onamathelana lesifebe ungumzimba munye laso? Ngoba labo ababili, uthi, bazakuba nyamanye.Select 1 Corinthians 6:16
17Kodwa onamathelene leNkosi ungumoya munye layo.Select 1 Corinthians 6:17
18Balekelani ukuphinga. Sonke isono umuntu asenzayo singaphandle komzimba; kodwa ophingayo wona owakhe umzimba.Select 1 Corinthians 6:18
19Kumbe kalazi yini ukuthi umzimba wenu ulithempeli likaMoya oNgcwele okini, elilawo uvela kuNkulunkulu, njalo kalisibo abenu?Select 1 Corinthians 6:19
20Ngoba lathengwa ngentengo; ngakho dumisani uNkulunkulu emzimbeni wenu, langomoya wenu, okungokukaNkulunkulu.Select 1 Corinthians 6:20
Ndebele Bible (NDEBELE). Text from the CrossWire Bible Society module. About this translation