1 Timothy 3
Ndebele Bible
Translation: NDEBELE
Modern translations such as the NIV or ESV are not available yet. They need a license, and we will add them when one is in place. All translations and their sources
1Lithembekile ilizwielithi: Uba umuntu efisa isikhundla sombonisi, ufisa umsebenzi omuhle;Select 1 Timothy 3:1
2ngakho kumele ukuthi umbonisi abe ngongasolekiyo, indoda yomfazi munye, ozithintayo, oqondileyo, oziphatha ngokufaneleyo, ophatha kuhle izihambi, olelisu lokufundisa;Select 1 Timothy 3:2
3angabi yisidakwa, angabi ngothanda ukulwa, anganxwaneli inzuzo embi, kodwa abe mnene, angabi ngothanda ukuxabana, angabi ngothanda imali;Select 1 Timothy 3:3
4ephatha kuhle owakhe umuzi, elabantwana abalalela ngenhlonipho yonke,Select 1 Timothy 3:4
5ngoba uba umuntu engakwazi ukuphatha owakhe umuzi, angaligcina njani ibandla likaNkulunkulu?Select 1 Timothy 3:5
6Kangabi ngosanda ukukholwa, hlezi ngokukhukhunyezwa awele ekulahlweni kukadiyabhola.Select 1 Timothy 3:6
7Kumele futhi ukuthi abe lobufakazi obuhle kwabangaphandle, hlezi awele ekuthukweni lemjibileni kadiyabhola.Select 1 Timothy 3:7
8Ngokunjalo abadikoni bahlonipheke, bangabi ndimimbili, bangananzi iwayini elinengi, bangafisi inzuzo embi,Select 1 Timothy 3:8
9babambe imfihlo yokholo esazeleni esimhlophe.Select 1 Timothy 3:9
10Laba-ke kabaqale bahlolwe, okulandelayo kabakhonze uba bengasoleki.Select 1 Timothy 3:10
11Ngokunjalo omkabo babe ngabahloniphekayo, abanganyeyiyo, abazithintayo, bethembekile ezintweni zonke.Select 1 Timothy 3:11
12Abadikoni kababe ngamadoda amfazi munye, aphatha kuhle abantwana leyawo imizi.Select 1 Timothy 3:12
13Ngoba abakhonze kuhle bazizuzela isimilo esihle, lesibindi esikhulu ekholweni olukuKristu Jesu.Select 1 Timothy 3:13
14Lezizinto ngikubhalela zona, ngithemba ukuza kuwe masinyane;Select 1 Timothy 3:14
15kodwa uba ngibambeka, ukuze wazi ukuthi kufanele uziphathe njani endlini kaNkulunkulu, elibandla likaNkulunkulu ophilayo, insika lesisekelo seqiniso.Select 1 Timothy 3:15
16Kuyavunywa-ke ukuthi yinkulu imfihlo yokukhonza uNkulunkulu: UNkulunkulu wabonakaliswa enyameni, wathiwa ulungile kuMoya, wabonwa zingilosi, watshunyayelwa ezizweni, wakholeka emhlabeni, wenyuselwa ebukhosini.Select 1 Timothy 3:16
Ndebele Bible (NDEBELE). Text from the CrossWire Bible Society module. About this translation