41 Timothy 4

1UMoya-ke utsho ngokucacileyo ukuthi ngezikhathi zokucina abanye bazahlehlela nyovane ekholweni, balalele omoya abaduhisayo lemfundiso zamadimoni,Select 1 Timothy 4:1

2ekuzenziseni kwabaqambimanga, betshiswe kwezabo izazela ngensimbi etshisayo,Select 1 Timothy 4:2

3besalela ukuthathana, bezila ukudla uNkulunkulu akudalileyo ekwemukelweni lokubonga ngabakholwayo labazi iqiniso;Select 1 Timothy 4:3

4ngoba sonke isidalwa sikaNkulunkulu sihle, kakulahlwa lutho, uba lwemukelwa kanye lokubonga;Select 1 Timothy 4:4

5ngoba luyangcweliswa ngelizwi likaNkulunkulu langomkhuleko.Select 1 Timothy 4:5

6Uba ubeluleka lezizinto abazalwane uzakuba yisikhonzi esihle sikaJesu Kristu, wondliwe emazwini okholo, lawemfundiso enhle oyilandelayo ngokunanzelela.Select 1 Timothy 4:6

7Kodwa wale inganekwane ezimbi lezezalukazi. Uzejwayeze ukukhonza uNkulunkulu;Select 1 Timothy 4:7

8ngoba ukwejwayeza umzimba kulokusiza okuncinyane; kodwa ukukhonza uNkulunkulu kusiza ezintweni zonke, kulesithembiso sempilo yalamuhla lezayo.Select 1 Timothy 4:8

9Lithembekile ilizwi njalo lifanele konke ukwemukelwa.Select 1 Timothy 4:9

10Ngoba ngalokho lathi siyasebenza nzima futhi siyathukwa ngoba sithembele kuNkulunkulu ophilayo onguMsindisi wabo bonke abantu, ikakhulu wabakholwayo.Select 1 Timothy 4:10

11Laya ngalezizinto ufundise.Select 1 Timothy 4:11

12Kungabi lamuntu odelela ubutsha bakho, kodwa woba yisibonelo kwabakholwayo elizwini, ekuhambeni, ethandweni, emoyeni, ekholweni, ekuhlambulukeni.Select 1 Timothy 4:12

13Ngize ngifike, nanzelela ekubaleni, ekulayeni, ekufundiseni.Select 1 Timothy 4:13

14Ungadeleli isiphiwo esikuwe, owasiphiwa ngesiprofetho kanye lokubekwa izandla zobudala.Select 1 Timothy 4:14

15Nakana ngalezizinto, ube kulezizinto, ukuze ukuqhubeka kwakho kubonakale phakathi kwabo bonke.Select 1 Timothy 4:15

16Zinanzelele wena lemfundiso. Hlala kulezizinto; ngoba ngokwenza lokho uzazisindisa wena kanye lalabo abakuzwayo.Select 1 Timothy 4:16