112 Corinthians 11

1Kungathi lingangibekezelela kancane ebuthutheni bami; yebo lani lingibekezelele.Select 2 Corinthians 11:1

2Ngoba ngilobukhwele ngani ngobukhwele bukaNkulunkulu; ngoba ngaliganela endodeni yinye ukuthi ngilise kuKristu liyintombi emsulwa.Select 2 Corinthians 11:2

3Kodwa ngiyesaba ukuthi hlezi njengalokhu inyoka yakhohlisa uEva ngobuqili bayo, ngokunjalo imicabango yenu ingaduhiswa ebuqothweni obukuKristu.Select 2 Corinthians 11:3

4Ngoba uba ofikayo etshumayela omunye uJesu esingamtshumayelanga, loba lisemukela omunye umoya elingamemukelanga, loba elinye ivangeli elingalemukelanga, kuhle ukuthi limbekezelele.Select 2 Corinthians 11:4

5Ngoba ngithi kangisileli ngalutho kulabobaphostoli abaqakathekileyo sibili.Select 2 Corinthians 11:5

6Njalo uba lami ngingafundanga ekukhulumeni, kanti kungeyisikho elwazini; kodwa entweni yonke sibonakalisiwe kini ezintweni zonke.Select 2 Corinthians 11:6

7Kumbe ngenze isono yini ngokuzithoba ukuze liphakanyiswe lina, lokhu ngilitshumayeze ivangeli likaNkulunkulu ngesihle?Select 2 Corinthians 11:7

8Ngaphanga amanye amabandla, ngithatha iholo ukuze ngilisize;Select 2 Corinthians 11:8

9lalapho ngangikhona kini ngiswele kangibanga ngumthwalo ngitsho emuntwini; ngoba abazalwane, abavela eMakedoniya, bagcwalisa inswelo yami; njalo kukho konke ngizigcinile ukuthi ngingabi ngumthwalo kini, futhi ngizazigcina.Select 2 Corinthians 11:9

10Njengoba iqiniso likaKristu likimi, ukuthi lokhukuzincoma kakuyikumiswa ngami ezabelweni zeAkaya.Select 2 Corinthians 11:10

11Ngenxa yani? Ngoba ngingalithandi yini? UNkulunkulu uyazi.Select 2 Corinthians 11:11

12Kodwa engikwenzayo, ngizakwenza futhi, ukuze ngiqume ithuba kwabafuna ithuba, ukuze kulokho abazincoma ngakho, baficwe benjengathi labo.Select 2 Corinthians 11:12

13Ngoba abanje bangabaphostoli bamanga, izisebenzi ezikhohlisayo, beziphendula babe ngabaphostoli bakaKristu.Select 2 Corinthians 11:13

14Kakumangalisi-ke; ngoba uSathane uqobo uziphendula abe yingilosi yokukhanya.Select 2 Corinthians 11:14

15Ngakho kakusinto enkulu uba lazo inceku zakhe ziziphendula zisiba njengenceku zokulunga, okuphela kwazo kuzakuba njengokwemisebenzi yazo.Select 2 Corinthians 11:15

16Ngiyaphinda ngithi: Kakungabi lomuntu ocabanga ukuthi ngiyisithutha; kodwa uba kungenjalo ngemukelani lanjengesithutha, ukuze lami ngizincome kancinyane.Select 2 Corinthians 11:16

17Lokho engikutshoyo, kangikutsho ngokweNkosi, kodwa njengebuthutheni, kulesisibindi sokuzincoma.Select 2 Corinthians 11:17

18Lokhu abanengi bezincoma ngokwenyama, lami ngizazincoma.Select 2 Corinthians 11:18

19Ngoba libekezelela abayizithutha ngentokozo, lina lingabahlakaniphileyo.Select 2 Corinthians 11:19

20Ngoba liyabekezela, uba umuntu elenza izigqili, uba umuntu elidla aliqede, uba umuntu elemuka, uba umuntu eziphakamisa, uba umuntu elitshaya ebusweni.Select 2 Corinthians 11:20

21Ngitsho ngenhloni, kuze kungathi thina besibuthakathaka; kodwa lakukuphi umuntu alesibindi ngakho (ngikhulumela ebuthutheni) lami ngilesibindi ngakho.Select 2 Corinthians 11:21

22BangamaHebheru yini? Lami. BangamaIsrayeli yini? Lami. Bayinzalo kaAbrahama yini? Lami.Select 2 Corinthians 11:22

23Bayizikhonzi zikaKristu yini? (Ngikhuluma njengohlanya) ngiyiso kulabo; emisebenzini enzima okwengezelelweyo kakhulu, emivimvinyeni okwedlula amalawulo, ezintolongweni okungezelelweyo kakhulu, ezimfeni kanengi;Select 2 Corinthians 11:23

24kumaJuda ngemukela kahlanu imivimvinya engamatshumi amane kusala owodwa.Select 2 Corinthians 11:24

25Ngatshaywa kathathu ngezinduku, ngakhandwa ngamatshe kanye, kathathu ngachithekelwa ngumkhumbi, ubusuku lemini ngisekujuleni kolwandle;Select 2 Corinthians 11:25

26ekuhambeni kanengi; engozini zemifula, engozini zabaphangi, ezingozini kwabakithi, ezingozini kwabezizwe, ezingozini emzini, ezingozini enkangala, engozini olwandle, ezingozini kubazalwane bamanga,Select 2 Corinthians 11:26

27ekutshikatshikeni lebunzimeni, ekungalalini kanengi, ekulambeni lekomeni, ekuzileni ukudla kanengi, ekugodoleni lekuhambenize.Select 2 Corinthians 11:27

28Ngaphandle kwezinto ezingaphandle, okungicindezelayo insuku zonke yikukhathalela wonke amabandla.Select 2 Corinthians 11:28

29Ngubani obuthakathaka, ngingabi buthakathaka lami? Ngubani okhutshekiswayo, lami ngingatshiseki?Select 2 Corinthians 11:29

30Uba kumele ukuzincoma, ngizazincoma ngezinto zobuthakathaka bami.Select 2 Corinthians 11:30

31UNkulunkulu uYise weNkosi yethu uJesu Kristu, obongekayo kuze kube nini lanini, uyazi ukuthi kangiqambi manga.Select 2 Corinthians 11:31

32EDamaseko induna yenkosi uAretha yalinda umuzi wabeDamaseko, efuna ukungibamba;Select 2 Corinthians 11:32

33njalo ngehliswa ngewindi esilulwini ngomduli, ngasengiphepha ezandleni zayo.Select 2 Corinthians 11:33