2 Corinthians 13
Ndebele Bible
Translation: NDEBELE
Modern translations such as the NIV or ESV are not available yet. They need a license, and we will add them when one is in place. All translations and their sources
1Ngalesisikhathi sesithathu ngiza kini; ngomlomo wabafakazi ababili kumbe abathathu wonke umutsho uzaqiniswa.Select 2 Corinthians 13:1
2Sengitshilo ngaphambili njalo ngiyandulela ukutsho, njengalokhu ngikhona ngokwesibili, njalo ngingekho khathesi ngibhalela labo abona ngaphambili, lakwabanye bonke, ukuthi nxa ngingabuya futhi, kangisoze ngibayekele;Select 2 Corinthians 13:2
3njengoba lidinga ubufakazi bukaKristu okhuluma kimi, ongebuthakathaka kini kodwa elamandla phakathi kwenu;Select 2 Corinthians 13:3
4ngoba lanxa wabethelwa ngobuthakathaka, kanti uyaphila ngamandla kaNkulunkulu. Ngoba lathi sibuthakathaka kuye, kodwa sizaphila kanye laye ngamandla kaNkulunkulu kini.Select 2 Corinthians 13:4
5Zihloleni ukuthi lisekholweni; lizilinge. Kanti kalazi lina ukuthi uJesu Kristu ukini, ngaphandle kokuthi ngeqiniso lingabalahliweyo?Select 2 Corinthians 13:5
6Ngithemba-ke ukuthi lizakwazi ukuthi thina kasisibo abalahliweyo.Select 2 Corinthians 13:6
7Njalo ngiyakhuleka kuNkulunkulu, ukuthi lingenzi lutho olubi, kungesikuthi sibonakale thina singabathembekileyo, kodwa ukuze lina lenze ukulunga, kodwa thina sibe njengabalahliweyo.Select 2 Corinthians 13:7
8Ngoba kasilamandla okwenza ulutho olumelana leqiniso, kodwa okweqiniso.Select 2 Corinthians 13:8
9Ngoba siyajabula nxa sibuthakathaka thina, lani lilamandla; njalo lalokho siyakukhulekela, ukupheleliswa kwenu.Select 2 Corinthians 13:9
10Ngakho ngibhala lezizinto ngingekho, ukuze kuthi nxa ngikhona ngingasebenzisi ubukhali, njengamandla iNkosi eyanginika wona, ekwakheni, njalo angabi ngawokubhidliza.Select 2 Corinthians 13:10
11Elokucina, bazalwane, thokozani, lipheleliswe, liduduzwe, libe ngqondonye, lihlale ngokuthula; njalo uNkulunkulu wothando lowokuthula uzakuba lani.Select 2 Corinthians 13:11
12Bingelelanani ngokwanga okungcwele.Select 2 Corinthians 13:12
13Bonke abangcwele bayalibingelela.Select 2 Corinthians 13:13
14Umusa weNkosi uJesu Kristu, lothando lukaNkulunkulu, lobudlelwano bukaMoya oNgcwele kakube lani lonke. Ameni.Select 2 Corinthians 13:14
Ndebele Bible (NDEBELE). Text from the CrossWire Bible Society module. About this translation