32 Corinthians 3

1Siqala siphinde ukuziveza yini? Kumbe siyadinga yini, njengabanye, izincwadi zokusiveza kini, loba zokuvezwa okuvela kini?Select 2 Corinthians 3:1

2Lina liyincwadi yethu, ebhalwe enhliziyweni zethu, eyaziwa ifundwe ngabantu bonke;Select 2 Corinthians 3:2

3libonakalisa ukuthi liyincwadi kaKristu esetshenziswa yithi, ebhalwe hatshi ngeyinki, kodwa ngoMoya kaNkulunkulu ophilayo, kungeyisikho ezibhebheni zamatshe, kodwa ezibhebheni zenyama yenhliziyo.Select 2 Corinthians 3:3

4Lethemba elinjalo silalo ngoKristu kuNkulunkulu;Select 2 Corinthians 3:4

5kungesikuthi siyenelisa thina ngokwethu ukucabanga ulutho njengoluvela kithi, kodwa ukwenelisa kwethu kuvela kuNkulunkulu;Select 2 Corinthians 3:5

6owasenza futhi senelisa ukuba yizikhonzi zesivumelwano esitsha, esingeyisiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa.Select 2 Corinthians 3:6

7Kodwa uba inkonzo yokufa, emabaleni, abazwe ematsheni, yafikela enkazimulweni, kwaze kwathi abantwana bakoIsrayeli behluleka ukujolozela ubuso bukaMozisi ngenxa yenkazimulo yobuso bakhe, eyenziwa yaphela,Select 2 Corinthians 3:7

8pho ingebe nkulu kangakanani inkonzo kaMoya enkazimulweni?Select 2 Corinthians 3:8

9Ngoba uba inkonzo yokulahlwa iyinkazimulo, kangakanani inkonzo yokulunga yengeziwe enkazimulweni.Select 2 Corinthians 3:9

10Ngoba lalokho okwake kwaba yinkazimulo, akuzange ngitsho kukhazimule ngalindlela, ngenxa yalinkazimulo eyidlulayo kakhulu.Select 2 Corinthians 3:10

11Ngoba uba lokho okwenziwa kwaphela kulenkazimulo, kangakanani lokho okumiyo, kusenkazimulweni.Select 2 Corinthians 3:11

12Ngakho silethemba elinje, sisebenzisa isibindi esikhulu ekukhulumeni;Select 2 Corinthians 3:12

13njalo kasinjengoMozisi owafaka isimbombozo ebusweni bakhe, ukuze abantwana bakoIsrayeli bangajolozeli isiphetho sento eyenziwa yaphela;Select 2 Corinthians 3:13

14kodwa ingqondo zabo zenziwa lukhuni; ngoba kuze kube lamuhla isimbombozo esifananayo sihlezi ekufundeni isivumelwano esidala singambombozwanga, esenziwa saphela kuKristu.Select 2 Corinthians 3:14

15Kodwa kuze kube lamuhla, nxa kufundwa uMozisi, isimbombozo siphezu kwenhliziyo yabo.Select 2 Corinthians 3:15

16Loba nini nxa ebuyela eNkosini, isimbombozo siyasuswa.Select 2 Corinthians 3:16

17LeNkosi inguMoya; lalapho akhona uMoya weNkosi, lapho kukhona inkululeko.Select 2 Corinthians 3:17

18Thina-ke, sonke esilobuso obembuliweyo sibona inkazimulo yeNkosi esibukweni, siyaguqulelwa esimeni esifananayo sisuka enkazimulweni sisiya enkazimulweni, njengokuvela kuMoya weNkosi.Select 2 Corinthians 3:18