222 Samuel 22

1UDavida wasekhuluma eNkosini amazwi alelihubo mhla iNkosi imkhulula esandleni sezitha zakhe zonke lesandleni sikaSawuli.Select 2 Samuel 22:1

2Wasesithi: INkosi ilidwala lami, lenqaba yami, lomkhululi wami;Select 2 Samuel 22:2

3uNkulunkulu wedwala lami, ngizaphephela kuye, isihlangu sami, lophondo losindiso lwami, inqaba yami ephakemeyo, lesiphephelo sami, umsindisi wami; ungisindisile odlakeleni.Select 2 Samuel 22:3

4Ngizabiza iNkosi edumisekayo, ngakho ngizasindiswa ezitheni zami.Select 2 Samuel 22:4

5Ngoba izinsizi zokufa zingizingelezele, lezikhukhula zobubi zangethusa.Select 2 Samuel 22:5

6Izibopho zesihogo zangigombolozela, imijibila yokufa yayiphambi kwami.Select 2 Samuel 22:6

7Ekuhluphekeni kwami ngayibiza iNkosi, ngakhala kuNkulunkulu wami; waselizwa ilizwi lami esethempelini lakhe, lokukhala kwami kwafinyelela endlebeni zakhe.Select 2 Samuel 22:7

8Khona umhlaba wazamazama, wanyikinyeka, izisekelo zamazulu zaqhaqhazela, zazamazama, ngoba wayethukuthele.Select 2 Samuel 22:8

9Kwenyuka intuthu emakhaleni akhe, lomlilo ophuma emlonyeni wakhe waqothula; amalahle avuthiswa yiwo.Select 2 Samuel 22:9

10Wasekhothamisa amazulu, wehlela phansi; lomnyama onzima wawungaphansi kwenyawo zakhe.Select 2 Samuel 22:10

11Wasegada ikherubhi*, waphapha, wabonakala phezu kwempiko zomoya.Select 2 Samuel 22:11

12Wasemisa umnyama waba ngamadumba inhlangothi zonke zakhe, lokuqoqana kwamanzi, amayezi amnyama omkhathi.Select 2 Samuel 22:12

13Ekukhazimuleni okuphambi kwakhe kwavuthiswa amalahle omlilo.Select 2 Samuel 22:13

14INkosi yaduma isemazulwini, loPhezukonke walikhupha ilizwi lakhe.Select 2 Samuel 22:14

15Yathuma imitshoko, yabachitha; imibane, yabaphaphathekisa.Select 2 Samuel 22:15

16Khona kwabonakala imisele yolwandle, kwembulwa izisekelo zomhlaba, ekusoleni kweNkosi, ekuvutheleni komoya wamakhala ayo.Select 2 Samuel 22:16

17Iphezulu yathuma, yangibamba, yangenyula emanzini amanengi.Select 2 Samuel 22:17

18Yangophula esitheni sami esilamandla, kwabangizondayo, ngoba babelamandla kulami.Select 2 Samuel 22:18

19Babephambi kwami osukwini lwenhlupheko yami, kodwa iNkosi yaba yisisekelo sami.Select 2 Samuel 22:19

20Yangikhuphela endaweni ebanzi, yangikhulula, ngoba yayithokoza ngami.Select 2 Samuel 22:20

21INkosi yangivuza njengokulunga kwami, yangibuyisela njengokuhlanzeka kwezandla zami.Select 2 Samuel 22:21

22Ngoba ngizilondolozile indlela zeNkosi, kangisukanga kuNkulunkulu wami ngenkohlakalo.Select 2 Samuel 22:22

23Ngoba zonke izahlulelo zayo zaziphambi kwami, lezimiso zayo, kangiphambukanga kuzo.Select 2 Samuel 22:23

24Njalo ngangiqondile phambi kwayo, ngizinqandile ebubini bami.Select 2 Samuel 22:24

25Ngakho iNkosi ingibuyisele njengokulunga kwami, njengokuhlanzeka kwami phambi kwamehlo ayo.Select 2 Samuel 22:25

26Kolesihawu uzaziveza ulesihawu; koqotho uzaziveza uqotho;Select 2 Samuel 22:26

27kohlanzekileyo uzaziveza uhlanzekile; lakophambukileyo uzaziveza uphambukile.Select 2 Samuel 22:27

28Labantu abahlutshwayo uzabasindisa, kodwa amehlo akho aphezu kwabaziphakamisayo, uzabehlisela phansi.Select 2 Samuel 22:28

29Ngoba uyisibane sami, Nkosi, iNkosi izakhanyisa-ke ubumnyama bami.Select 2 Samuel 22:29

30Ngoba ngawe ngigijimile ngadabula phakathi kwebutho, ngoNkulunkulu wami ngeqe umthangala.Select 2 Samuel 22:30

31UNkulunkulu; indlela yakhe iphelele; ilizwi leNkosi lihloliwe; uyisihlangu kubo bonke abaphephela kuye.Select 2 Samuel 22:31

32Ngoba ngubani onguNkulunkulu ngaphandle kweNkosi? Njalo ngubani olidwala ngaphandle kukaNkulunkulu wethu?Select 2 Samuel 22:32

33UNkulunkulu uyinqaba yami lamandla, owenza indlela yami iphelele.Select 2 Samuel 22:33

34Owenza inyawo zami zibe njengezezimpala, wangimisa ezingqongeni zami.Select 2 Samuel 22:34

35Ofundisela izandla zami impi, ukuze idandili lethusi ligotshiswe zingalo zami.Select 2 Samuel 22:35

36Unginikile lesihlangu sosindiso lwakho, lokuzithoba kwakho kungikhulisile.Select 2 Samuel 22:36

37Wenze laba banzi inyathelo lami ngaphansi kwami, ukuze inqagala zami zingatsheleli.Select 2 Samuel 22:37

38Ngixotshene lezitha zami ngazibhubhisa, kangibuyanga ngaze ngaziqeda.Select 2 Samuel 22:38

39Ngaziqeda, ngazigwaza, ukuze zingavuki; kodwa zawa ngaphansi kwenyawo zami.Select 2 Samuel 22:39

40Ngoba ungibhincise amandla kusenzelwa impi, wabakhothamisela phansi kwami abangivukelayo.Select 2 Samuel 22:40

41Unginike intamo yezitha zami, labo abangizondayo ngababhubhisa.Select 2 Samuel 22:41

42Bakhangela, kodwa engekho umsindisi; eNkosini, kodwa kayibaphendulanga.Select 2 Samuel 22:42

43Ngasengibacholisisa njengothuli lomhlaba, ngabagxoba njengodaka lwezitalada, ngabatsahaza.Select 2 Samuel 22:43

44Wasungikhulula ekuphikiseni kwabantu bami, wangigcina ngiyinhloko yezizwe; abantu engangingabazi bangisebenzela.Select 2 Samuel 22:44

45Abezizweni bazazehlisela phansi kimi; bangenela ukuzwa ngendlebe bazangilalela.Select 2 Samuel 22:45

46Abezizweni bazabuna, baphume ezinqabeni zabo bethuthumela.Select 2 Samuel 22:46

47INkosi iyaphila; njalo kalibusiswe idwala lami, kaphakanyiswe uNkulunkulu, idwala losindiso lwami;Select 2 Samuel 22:47

48uNkulunkulu onginika impindiselo, lowehlisela izizwe ngaphansi kwami;Select 2 Samuel 22:48

49longikhupha ezitheni zami; laphezu kwabangivukelayo wena wangiphakamisa; lemuntwini wodlakela wangikhulula.Select 2 Samuel 22:49

50Ngenxa yalokhu ngizakudumisa, Nkosi, phakathi kwezizwe, ngihubele ibizo lakho indumiso.Select 2 Samuel 22:50

51Ingumphotshongo wosindiso kuyo inkosi yayo, isenzela ogcotshiweyo wayo umusa, kuDavida, lenzalweni yakhe kuze kube nininini.Select 2 Samuel 22:51