22 Timothy 2

1Ngakho wena, mntanami, qiniswa emuseni okuKristu Jesu.Select 2 Timothy 2:1

2Lezinto owazizwa kimi phakathi kwabafakazi abanengi, zinikele ebantwini abathembekileyo, abazakuba lamandla okufundisa labanye.Select 2 Timothy 2:2

3Ngakho wena hlupheka ngobunzima, njengebutho elihle likaJesu Kristu.Select 2 Timothy 2:3

4Kakho osebenza njengebutho okhanywa zindaba zempilo, ukuze amkholise lowo ombuthileyo.Select 2 Timothy 2:4

5Futhi nxa umuntu laye encintisana, kanikwa umqhele ngaphandle kokuthi encintisana ngokomthetho.Select 2 Timothy 2:5

6Kufanele umlimi osebenza kakhulu emukele kuqala izithelo.Select 2 Timothy 2:6

7Nakana ngezinto engizitshoyo; njalo sengathi iNkosi ingakunika ukuqedisisa ezintweni zonke.Select 2 Timothy 2:7

8Khumbula ukuthi uJesu Kristu wavuswa kwabafileyo, owenzalo kaDavida, njengokwevangeli lami;Select 2 Timothy 2:8

9engihlupheka kulo okubi kuze kube kuzibopho, njengomenzi wobubi; kanti ilizwi likaNkulunkulu kalibotshwanga.Select 2 Timothy 2:9

10Ngakho ngikubekezelele konke ngenxa yabakhethiweyo, ukuze labo bazuze usindiso olukuKristu Jesu, kanye lobukhosi obuphakade.Select 2 Timothy 2:10

11Lithembekile ilizwi elithi: Ngoba uba safa kanye laye, sizaphila kanye laye futhi;Select 2 Timothy 2:11

12uba sibekezela, lathi sizabusa kanye laye; uba simphika, laye uzasiphika;Select 2 Timothy 2:12

13uba singathembeki, yena uhlala ethembekile; angeziphike yena.Select 2 Timothy 2:13

14Bakhumbuze lezizinto, ulayisise phambi kweNkosi ukungaphikisi ngamazwi kokungasizi lutho, kodwa ekuduhisweni kwabezwayo.Select 2 Timothy 2:14

15Khuthalela ukuthi uziveze kuNkulunkulu uthembekile, isisebenzi esingelambangela yokuba lenhloni, esiqondisa kuhle ilizwi leqiniso.Select 2 Timothy 2:15

16Kodwa xwaya ukukhuluma okungcolileyo okuyize; ngoba bazaqhubeka ekungamesabini uNkulunkulu okukhulu,Select 2 Timothy 2:16

17lelizwi labo lizabhibhidla okwemvukuzane; okukubo uHimeneyo loFileto;Select 2 Timothy 2:17

18abaduhileyo eqinisweni, besithi ukuvuka kwabafileyo sekudlule, begenqula ukholo lwabanye.Select 2 Timothy 2:18

19Loba kunjalo isisekelo sikaNkulunkulu simi siqinile, silaloluphawu lokuthi: INkosi iyabazi abangabayo, lokuthi: Wonke obiza ibizo likaKristu kehlukane lokungalungi.Select 2 Timothy 2:19

20Kodwa endlini enkulu kakukho izitsha zegolide lezesiliva kuphela, kodwa lezesihlahla lezebumba, njalo ezinye ngezenhlonipho, kodwa ezinye ngezokungahlonitshwa.Select 2 Timothy 2:20

21Ngakho uba umuntu ezihlambulula kulezizinto, uzakuba yisitsha senhlonipho, esingcwelisiweyo, njalo esilosizo kumninindlu, sesilungiselwe wonke umsebenzi omuhle.Select 2 Timothy 2:21

22Balekela-ke inkanuko yobutsha, kodwa udingisise ukulunga, ukholo, uthando, ukuthula kanye labo ababiza iNkosi kuvela enhliziyweni emhlophe.Select 2 Timothy 2:22

23Kodwa yala ukuphikisana okobuthutha lokokungafundi, usazi ukuthi kubanga ukulwa.Select 2 Timothy 2:23

24Inceku yeNkosi-ke kayifanele ukulwisa, kodwa ukuba mnene kubo bonke, ibe lelisu lokufundisa, ibekezele,Select 2 Timothy 2:24

25ibeluleke ngobumnene abalenkani; mhlawumbe uNkulunkulu angabanika ukuphenduka baye kulwazi lweqiniso,Select 2 Timothy 2:25

26njalo basanguluke kumjibila kadiyabhola, ababanjwe nguye entandweni yakhe.Select 2 Timothy 2:26