3Colossians 3

1Ngakho uba livuswe loKristu, dingani okwaphezulu, lapho akhona uKristu ehlezi ngakwesokunene sikaNkulunkulu.Select Colossians 3:1

2Nakanani ngezinto eziphezulu, kungeyisikho ngezinto ezisemhlabeni.Select Colossians 3:2

3Ngoba lifile, lempilo yenu ifihlwe loKristu kuNkulunkulu.Select Colossians 3:3

4Nxa ebonakaliswa uKristu, oyimpilo yethu, ngalesosikhathi lani lizabonakaliswa laye enkazimulweni.Select Colossians 3:4

5Ngakho bulalani amalunga enu asemhlabeni, ukuphinga, ukungcola, inkanuko embi, ukufisa okubi, lomhawu, oyikukhonza izithombe,Select Colossians 3:5

6okwehla ngalezizinto ulaka lukaNkulunkulu phezu kwabantwana bokungalaleli;Select Colossians 3:6

7elake lahamba kuzo lani, lapho lalihlezi phakathi kwazo.Select Colossians 3:7

8Kodwa khathesi lani khuphani konke lokhu, ulaka, ukuthukuthela, inzondo, inhlamba, ukukhuluma amanyala emlonyeni wenu;Select Colossians 3:8

9lingaqambelani amanga, lokhu selimhlubule umuntu omdala lezenzo zakhe,Select Colossians 3:9

10selembethe omutsha, owenziwa kutsha elwazini njengomfanekiso walowo owamdalayo;Select Colossians 3:10

11okungekho umGriki lomJuda, ukusoka lokungasoki, owezizweni, umSikethiya, isigqili, okhululekileyo; kodwa uKristu uyikho konke lakukho konke.Select Colossians 3:11

12Ngakho yembathani, njengabakhethiweyo bakaNkulunkulu, abangcwele labathandekayo, imihelo yesihawu, ububele, ukuzithoba, ubumnene, ukubekezela;Select Colossians 3:12

13libekezelelane, lithethelelane uba umuntu elensolo komunye; njengoba loKristu walithethelela, ngokunjalo lani;Select Colossians 3:13

14phezu kwakho konke-ke yembathani uthando, oluyisibopho sokuphelela.Select Colossians 3:14

15Lokuthula kukaNkulunkulu kakubuse enhliziyweni zenu, elibizelwa kukho lani emzimbeni munye; futhi banini ngababongayo.Select Colossians 3:15

16Ilizwi likaKristu kalihlale phakathi kwenu ngokwenotho enhlakanipheni yonke; lifundisane lilayane, ngezihlabelelo, lamahubo odumo, lengoma zomoya, lihlabelela lilomusa enhliziyweni zenu eNkosini.Select Colossians 3:16

17Njalo konke loba yini eliyenzayo, elizwini loba esenzweni, konke kwenzeni ebizweni leNkosi uJesu, libonge uNkulunkulu loBaba ngaye.Select Colossians 3:17

18Bafazi, zehliseleni ngaphansi kwawenu amadoda, njengokufanele eNkosini.Select Colossians 3:18

19Madoda, thandani omkenu, lingabi lokubaba kubo.Select Colossians 3:19

20Bantwana, lalelani abazali ezintweni zonke; ngoba lokhu kuyayithokozisa iNkosi.Select Colossians 3:20

21Bobaba, lingabathukuthelisi abantwana benu, ukuze bangadani.Select Colossians 3:21

22Zisebenzi, lalelani ezintweni zonke labo abangamakhosi njengokwenyama, kungeyisikho ngenkonzo yamehlo njengabathokozisa abantu, kodwa ngobuqotho benhliziyo, lisesaba uNkulunkulu;Select Colossians 3:22

23njalo yonke loba yini eliyenzayo, yenzeni ngenhliziyo, njengeNkosini, njalo kungeyisikho ebantwini;Select Colossians 3:23

24lisazi ukuthi eNkosini lizakwemukela umvuzo welifa; ngoba likhonza iNkosi uKristu.Select Colossians 3:24

25Kodwa owenza okubi uzazemukelela okubi akwenzileyo; njalo kakukho ukubandlulula umuntu.Select Colossians 3:25