1Ecclesiastes 1

1Amazwi omTshumayeli, indodana kaDavida, inkosi eJerusalema.Select Ecclesiastes 1:1

2Ize leze, kutsho umTshumayeli, ize leze, konke kuyize.Select Ecclesiastes 1:2

3Kuyinzuzoni emuntwini emtshikatshikeni wakhe wonke awutshikatshika ngaphansi kwelanga?Select Ecclesiastes 1:3

4Isizukulwana siyedlula, lesizukulwana size, kodwa umhlaba umi kuze kube nininini.Select Ecclesiastes 1:4

5Lelanga liyaphuma, lelanga litshone, litshetshela endaweni lapho eliphuma khona.Select Ecclesiastes 1:5

6Umoya uya eningizimu, ujikele enyakatho, ujikajike uhambe, lomoya ubuyele ekubhodeni kwawo.Select Ecclesiastes 1:6

7Yonke imifula iya olwandle, kodwa ulwandle kalugcwali; endaweni lapho imifula evela khona, ibuyele iye khona.Select Ecclesiastes 1:7

8Zonke izinto ziyadinisa; kakulamuntu olakho ukukukhuluma. Ilihlo kalisuthi ngokubona, lendlebe kayigcwaliswa yikuzwa.Select Ecclesiastes 1:8

9Okwake kwaba khona yilokho okuzakuba khona, lokwake kwenziwa yilokho okuzakwenziwa; njalo kakulalutho olutsha ngaphansi kwelanga.Select Ecclesiastes 1:9

10Kungaba khona ulutho yini okungathiwa ngalo: Khangela, lokhu kutsha! Kwakuvele kukhona endulo engaphambi kwethu.Select Ecclesiastes 1:10

11Kakukho ukukhunjulwa kwezinto zakuqala; njalo lezinto ezizayo ezizakuba khona kakuyikuba khona ukukhunjulwa kwazo lalabo abazakuba khona emva kwalokho.Select Ecclesiastes 1:11

12Mina mTshumayeli ngangiyinkosi phezu kukaIsrayeli eJerusalema.Select Ecclesiastes 1:12

13Ngasenginikela inhliziyo yami ukudinga lokuhlolisisa ngokuhlakanipha ngakho konke okwenziwayo ngaphansi kwamazulu; lumtshikatshika onzima uNkulunkulu uwunike abantwana babantu ukuthi baphatheke ngawo.Select Ecclesiastes 1:13

14Ngiyibonile yonke imisebenzi eyenziwayo ngaphansi kwelanga; khangela-ke, konke kuyize lokukhathazeka komoya.Select Ecclesiastes 1:14

15Okugobileyo kakulakuqondiswa; lokuswelekayo kakulakubalwa.Select Ecclesiastes 1:15

16Ngakhuluma mina lenhliziyo yami ngisithi: Khangela, mina ngikhulile ngandisa inhlakanipho phezu kwabo bonke ababephambi kwami eJerusalema; njalo inhliziyo yami ibonile kakhulu inhlakanipho lolwazi.Select Ecclesiastes 1:16

17Nganginikela inhliziyo yami ukwazi inhlakanipho, lokwazi ukuhlanya lobuthutha, ngabona ukuthi lalokhu yikukhathazeka komoya.Select Ecclesiastes 1:17

18Ngoba kunhlakanipho enengi kulokukhathazeka okunengi, lowandisa ulwazi wandisa usizi.Select Ecclesiastes 1:18