6Ecclesiastes 6

1Kukhona ububi esengibubonile ngaphansi kwelanga, njalo buvamile ebantwini:Select Ecclesiastes 6:1

2Umuntu uNkulunkulu amnike inotho lengcebo lodumo ukuze angasweleli umphefumulo wakhe ulutho kukho konke akufisayo, kodwa uNkulunkulu angamniki amandla ukuthi adle kukho, kodwa owemzini uyakudla; lokhu kuyize, njalo kuyisifo esibi.Select Ecclesiastes 6:2

3Uba umuntu ezala abantwana abalikhulu, aphile iminyaka eminengi, ukuze insuku zeminyaka yakhe zibe zinengi, kodwa umphefumulo wakhe ungasuthiswa ngokuhle, futhi angabi lakungcwatshwa, ngithi umphunzo ungcono kulaye.Select Ecclesiastes 6:3

4Ngoba uza ngeze, uye emnyameni, lebizo lawo lisitshekelwe emnyameni;Select Ecclesiastes 6:4

5futhi kawulibonanga ilanga, kawulalwazi; lo ulokuphumula kulaye.Select Ecclesiastes 6:5

6Yebo, lanxa ephila iminyaka eyinkulungwane, ephindwe kabili, kanti engabonanga okuhle; bonke kabayi yini endaweni eyodwa?Select Ecclesiastes 6:6

7Wonke umtshikatshika womuntu ngowomlomo wakhe, kube kanti inkanuko kayisuthi.Select Ecclesiastes 6:7

8Ngoba ohlakaniphileyo ulani okwedlula isithutha? Ulani umyanga owazi ukuhamba phambi kwabaphilayo?Select Ecclesiastes 6:8

9Kungcono ukubona kwamehlo kulokuzulazula kwenkanuko. Lokhu lakho kuyize lokukhathazeka komoya.Select Ecclesiastes 6:9

10Osekukhona sekuke kwathiwa ibizo lakho, njalo kuyaziwa ukuthi kungumuntu, lokuthi kalakho ukuphikisana lolamandla kulaye.Select Ecclesiastes 6:10

11Ngoba zinengi izinto ezandisa ize; kuyinzuzo bani emuntwini?Select Ecclesiastes 6:11

12Ngoba ngubani okwaziyo okulungele umuntu empilweni, enanini lensuku zempilo yakhe eyize ayichitha njengesithunzi? Ngoba ngubani ongatshela umuntu lokho okuzakuba khona emva kwakhe ngaphansi kwelanga?Select Ecclesiastes 6:12