7Ecclesiastes 7

1Ibizo elihle lingcono kulamafutha amahle; losuku lokufa kulosuku lokuzalwa kwakhe.Select Ecclesiastes 7:1

2Kungcono ukuya endlini yokulila kulokuya endlini yedili; ngoba lokhu kuyisiphetho sakhe wonke umuntu; lophilayo uzakubeka enhliziyweni yakhe.Select Ecclesiastes 7:2

3Usizi lungcono kulohleko, ngoba ngokudana kobuso inhliziyo yenziwa ngcono.Select Ecclesiastes 7:3

4Inhliziyo yabahlakaniphileyo isendlini yokulila, kodwa inhliziyo yezithutha isendlini yentokozo.Select Ecclesiastes 7:4

5Kungcono ukuzwa ukukhuza kohlakaniphileyo kulokuthi umuntu ezwe ingoma yezithutha.Select Ecclesiastes 7:5

6Ngoba njengokuchachamba kwameva ngaphansi kwembiza lunjalo uhleko lwesithutha. Lokhu lakho kuyize.Select Ecclesiastes 7:6

7Isibili ucindezelo lwenza ohlakaniphileyo abe luhlanya, lesipho siyayichitha inhliziyo.Select Ecclesiastes 7:7

8Singcono isiphetho sento kulokuqala kwayo; kungcono ukubekezela komoya kulokuziphakamisa komoya.Select Ecclesiastes 7:8

9Ungaphangisi emoyeni wakho ukuthukuthela, ngoba ukuthukuthela kuhlala esifubeni sezithutha.Select Ecclesiastes 7:9

10Ungatsho ukuthi: Kwenziwa yini ukuthi insuku zakuqala zibe ngcono kulalezi? Ngoba kawubuzi ngenhlakanipho ngalokhu.Select Ecclesiastes 7:10

11Inhlakanipho yinhle ilelifa, njalo kulenzuzo kwabalibonayo ilanga.Select Ecclesiastes 7:11

12Ngoba inhlakanipho iyisivikelo, imali iyisivikelo; kodwa ubungcono bolwazi yikuthi lunika impilo kubaninilo.Select Ecclesiastes 7:12

13Nakana umsebenzi kaNkulunkulu; ngoba ngubani olakho ukwelula akugobisileyo?Select Ecclesiastes 7:13

14Thokoza ngosuku lokuphumelela, kodwa ngosuku lobubi nakana: UNkulunkulu ulwenzile lalolu lwaba njengalolo, ukuze umuntu angatholi lutho oluzakuba khona emva kwakhe.Select Ecclesiastes 7:14

15Konke ngikubonile ensukwini zokuyize kwami: Kukhona olungileyo obhubhela ekulungeni kwakhe, njalo kukhona omubi owelula impilo yakhe ebubini bakhe.Select Ecclesiastes 7:15

16Ungabi ngolungileyo ngokudlulisayo, futhi ungahlakaniphi okwedlulisileyo; uzichithelani?Select Ecclesiastes 7:16

17Ungabi ngomubi ngokudlulisayo, futhi ungabi yisiwula; uzafelani kungakabi yisikhathi sakho?Select Ecclesiastes 7:17

18Kuhle ukuthi ubambelele kulokhu, yebo, ungabuyisi isandla sakho lakulokho; ngoba omesabayo uNkulunkulu uzaphepha kukho konke.Select Ecclesiastes 7:18

19Inhlakanipho iyamqinisa ohlakaniphileyo okwedlula ababusi abalitshumi abasemzini.Select Ecclesiastes 7:19

20Ngoba kakulamuntu olungileyo emhlabeni owenza okuhle angoni.Select Ecclesiastes 7:20

21Futhi ungabeki inhliziyo yakho emazwini wonke akhulunywayo, ukuze ungezwa ukuthi inceku yakho iyakuthuka.Select Ecclesiastes 7:21

22Ngoba ngezikhathi ezinengi lenhliziyo yakho iyakwazi ukuthi lawe uqobo ubathukile abanye.Select Ecclesiastes 7:22

23Konke lokhu ngikuhlolile ngenhlakanipho, ngathi: Ngizahlakanipha; kodwa kwakukhatshana lami.Select Ecclesiastes 7:23

24Okukhatshana, lokujule kakhulu, ngubani ozakufumana?Select Ecclesiastes 7:24

25Ngaphenduka mina lenhliziyo yami ukwazi lokuhlola lokudinga inhlakanipho, lesizatho sezinto, lokwazi inkohlakalo yobuwula, lobuthutha bobuhlanya.Select Ecclesiastes 7:25

26Ngasengithola okubaba kulokufa: Owesifazana onhliziyo yakhe iyimijibila lamambule, lezandla zakhe ziyizibopho. Olungileyo phambi kukaNkulunkulu uzaphepha kuye, kodwa isoni sizabanjwa nguye.Select Ecclesiastes 7:26

27Khangela, yilokhu engikutholileyo, utsho umTshumayeli, ngibeka okunye kokunye, ukuthola isizatho sezinto,Select Ecclesiastes 7:27

28umphefumulo wami osasidinga kodwa kangisitholanga. Indoda eyodwa phakathi kwenkulungwane ngayithola, kodwa owesifazana phakathi kwabo bonke labo kangimtholanga.Select Ecclesiastes 7:28

29Khangela, yilokhu kuphela engikutholileyo, ukuthi uNkulunkulu wamenza umuntu waqonda; kodwa bona sebedinge amacebo amanengi.Select Ecclesiastes 7:29