2Ephesians 2

1Lina-kewalivusa elalifile ngeziphambeko langezono,Select Ephesians 2:1

2elalikade lihamba kuzo njengokwendlela yalumhlaba, njengokombusi wamandla omkhathi, awomoya osebenzayo khathesi phakathi kwabantwana bokungalaleli;Select Ephesians 2:2

3lathi sonke sake sahamba phakathi kwabo enkanukweni zenyama yethu, sisenza intando zenyama lezemicabango, njalo ngokwemvelo sasingabantwana bolaka, njengabanye labo;Select Ephesians 2:3

4kodwa uNkulunkulu, enothile esihawini, ngenxa yothando lwakhe olukhulu asithanda ngalo,Select Ephesians 2:4

5lanxa sasifile ngeziphambeko, wasiphilisa kanye loKristu (ngomusa lisindisiwe),Select Ephesians 2:5

6njalo wasivusa kanye laye, wasesihlalisa kanye laye endaweni zezulwini kuKristu Jesu;Select Ephesians 2:6

7ukuze abonakalise ezikhathini ezizayo inotho yomusa wakhe edlula amalawulo ngobubele kithi kuKristu Jesu;Select Ephesians 2:7

8ngoba ngomusa lisindisiwe ngokholo, lalokhu kakuveli kini; yisipho sikaNkulunkulu;Select Ephesians 2:8

9kakuveli emisebenzini, ukuze kungabi khona ozincomayo.Select Ephesians 2:9

10Ngoba singumsebenzi wakhe, kuKristu Jesu sadalelwa imisebenzi emihle, uNkulunkulu ayilungisela ngaphambili, ukuze sihambe kiyo.Select Ephesians 2:10

11Ngakho khumbulani ukuthi lina lake laba ngabezizwe enyameni, ababizwa ngokuthi yikungasoki ngalokhu okuthiwa yikusoka enyameni okwenziwe ngezandla,Select Ephesians 2:11

12ukuthi ngalesosikhathi lalingelaye uKristu, abemzini kubusakhamuzi bakoIsrayeli, njalo abezizwe kuzivumelwano zesithembiso, lalingelathemba, njalo lingelaye uNkulunkulu emhlabeni.Select Ephesians 2:12

13Kodwa khathesi-ke kuKristu Jesu lina elalikade likhatshana, seliseduze ngegazi likaKristu.Select Ephesians 2:13

14Ngoba yena uyikuthula kwethu, owenza kokubili kwaba kunye, lowabhidliza umduli ophakathi owesehlukaniso,Select Ephesians 2:14

15echithile ubutha enyameni yakhe, umlayo wemithetho ezimisweni, ukuze kuye labo ababili abadale babe ngumuntu munye omutsha, enze ukuthula,Select Ephesians 2:15

16njalo enze ukuthi bobabili babuyisane loNkulunkulu emzimbeni munye ngesiphambano, esebulele ubutha ngaso;Select Ephesians 2:16

17njalo weza watshumayela ukuthula kini elalikhatshana, lakulabo ababeseduze;Select Ephesians 2:17

18ngoba ngaye sobabili silokungena ngoMoya munye kuBaba.Select Ephesians 2:18

19Ngakho-ke kaliseyibo abemzini lezihambi, kodwa izakhamizi kanye labangcwele njalo abendlu kaNkulunkulu,Select Ephesians 2:19

20lakhiwe phezu kwesisekelo sabaphostoli labaprofethi, uJesu Kristu uqobo eyilitshe eliyinhloko yengonsi,Select Ephesians 2:20

21okuhlanganiselwe kuye isakhiwo sonke sikhule sibe lithempeli elingcwele eNkosini,Select Ephesians 2:21

22elakhiwa kuye lani kanye labanye libe yindlu yokuhlala kaNkulunkulu kuMoya.Select Ephesians 2:22