4Ephesians 4

1Ngakho ngiyalincenga, mina isibotshwa eNkosini, ukuthi lihambe ngokufanele ubizo elabizwa ngalo,Select Ephesians 4:1

2kanye lokuthobeka konke lobumnene, lokubekezela, libekezelelane ethandweni,Select Ephesians 4:2

3likhuthale ukugcina ukuhlangana koMoya ngesibopho sokuthula.Select Ephesians 4:3

4Munye umzimba njalo munye uMoya, njengalokhu lani labizwa ethembeni linye lobizo lwenu;Select Ephesians 4:4

5yinye iNkosi, lunye ukholo, lunye ubhabhathizo,Select Ephesians 4:5

6munye uNkulunkulu loYise wabo bonke, ophezu kwabo bonke, langabo bonke, lakini lonke.Select Ephesians 4:6

7Kodwa ngulowo lalowo wethu waphiwa umusa njengokwesilinganiso sesipho sikaKristu.Select Ephesians 4:7

8Ngakho uthi: Ekwenyukeleni kwakhe phezulu wathumba ukuthunjwa, wanika abantu izipho.Select Ephesians 4:8

9Lokhu-ke ukuthi: Wenyuka, kuyini ngaphandle kokuthi laye wehlela kuqala kungxenye ezingaphansi zomhlaba?Select Ephesians 4:9

10Owehlayo, nguye owenyukela futhi khatshana ngaphezulu kwamazulu wonke, ukuze agcwalise izinto zonke.Select Ephesians 4:10

11Yena wasenika abanye babe ngabaphostoli, labanye babe ngabaprofethi, labanye babe ngabavangeli, labanye babe ngabelusi labafundisi,Select Ephesians 4:11

12ekuphelelisweni kwabangcwele, emsebenzini wenkonzo, ekwakhiweni komzimba kaKristu;Select Ephesians 4:12

13size sifike sonke ebunyeni bokholo, lobolwazi lweNdodana kaNkulunkulu, endodeni epheleleyo, esilinganisweni sesimo sokugcwala kukaKristu;Select Ephesians 4:13

14ukuze singabe sisaba zinsane, ezizuliswa ngamagagasi njalo ezithwalelwa le lale yiwo wonke umoya wemfundiso, ngenkohliso yabantu, ngobuqili becebo lokuphambuka;Select Ephesians 4:14

15kodwa sikhulume iqiniso ethandweni sikhule kukho konke kuye, oyinhloko, uKristu,Select Ephesians 4:15

16okuvela kuye umzimba wonke, ohlanganiswe kuhle njalo ubambene, ngokwelekelelana kwalo lonke ilunga, njengokusebenza esilinganisweni saleso laleso isitho, wenza ukukhula komzimba ekuzakheni kwawo ethandweni.Select Ephesians 4:16

17Ngakho ngitsho lokho ngifakaza eNkosini, ukuthi lingabe lisahamba lanjengabanye abezizwe behamba ebuzeni bengqondo yabo,Select Ephesians 4:17

18befiphaziwe engqondweni, benziwe abemzini empilweni kaNkulunkulu ngokungazi okukibo, ngobulukhuni benhliziyo yabo;Select Ephesians 4:18

19abathi sebentunyile, bazinikela emanyaleni, ekwenzeni kokungcola konke ngomhawu.Select Ephesians 4:19

20Kodwa lina kalimfundanga ngokunjalo uKristu,Select Ephesians 4:20

21uba-ke limzwile lafundiswa kuye, njengoba iqiniso likuJesu;Select Ephesians 4:21

22ukuthi lilahle mayelana lohambo lokuqala, umuntu omdala, owonakala mayelana lezifiso zenkohliso;Select Ephesians 4:22

23njalo lenziwe batsha emoyeni wengqondo yenu,Select Ephesians 4:23

24njalo lembathe umuntu omutsha, odalwe njengokukaNkulunkulu ekulungeni lebungcweleni beqiniso.Select Ephesians 4:24

25Ngakho lilahla amanga, khulumani iqiniso ngulowo lalowo lomakhelwane wakhe; ngoba siyizitho omunye komunye.Select Ephesians 4:25

26Thukuthelani lingoni; ilanga kalingatshoni phezu kolaka lwenu;Select Ephesians 4:26

27futhi lingamniki indawo udiyabhola.Select Ephesians 4:27

28Owebayo kangabe eseba; kodwa kulalokhu kakhuthale, asebenze okuhle ngezandla zakhe, ukuze abe lakho ukwabela olenswelo.Select Ephesians 4:28

29Kakungaphumi emlonyeni wenu lalinye ilizwi elibolileyo, kodwa kuphela okuhle okulungele ukwakha njengokufaneleyo, ukuze kunike umusa kubo abezwayo.Select Ephesians 4:29

30Njalo lingamdabukisi uMoya oyiNgcwele kaNkulunkulu, elaphawulwa ngaye kuze kube lusuku lohlengo.Select Ephesians 4:30

31Konke ukubaba lentukuthelo lolaka lomsindo lokunyeya kakususwe kini, kanye layo yonke inzondo;Select Ephesians 4:31

32kodwa libe mnene omunye komunye, lilesihawu, lithethelelane, njengalokhu uNkulunkulu laye walithethelela kuKristu.Select Ephesians 4:32