5Ephesians 5

1Ngakho banini ngabalandeli bakaNkulunkulu, njengabantwana abathandekayo;Select Ephesians 5:1

2njalo lihambe ethandweni, njengalokhu uKristu laye wasithanda, wazinikelela thina abe ngumnikelo lomhlatshelo kuNkulunkulu ukuba luqhatshi olumnandi.Select Ephesians 5:2

3Kodwa ubufebe lakho konke ukungcola kumbe umhawu kakungaphathwa lakanye phakathi kwenu, njengoba kufanele abangcwele;Select Ephesians 5:3

4lamanyala, lokukhuluma okuyize, kumbe ukusoma okulenhlamba, okuyizinto ezingafanelanga; kodwa kulalokhu, ukubonga.Select Ephesians 5:4

5Ngoba lokhu liyakwazi, ukuthi sonke isifebe, kumbe ongcolileyo, kumbe olomhawu, ongumkhonzi wezithombe, kalalifa embusweni kaKristu lokaNkulunkulu.Select Ephesians 5:5

6Kakungabi lamuntu olikhohlisayo ngamazwi ayize; ngoba ngenxa yalezizinto ulaka lukaNkulunkulu luyehlela phezu kwabantwana bokungalaleli.Select Ephesians 5:6

7Ngakho lingabi ngabahlanganyeli labo.Select Ephesians 5:7

8Ngoba lake laba ngumnyama, kodwa khathesi liyikukhanya eNkosini; hambani njengabantwana bokukhanya,Select Ephesians 5:8

9ngoba isithelo sikaMoya sikubo bonke ubuhle lokulunga leqiniso,Select Ephesians 5:9

10lihlolisise okuthokozisayo eNkosini;Select Ephesians 5:10

11njalo lingahlanganyeli lemisebenzi yobumnyama engelazithelo, kodwa-ke kulalokho solani;Select Ephesians 5:11

12ngoba kuthelela inhloni lokukhuluma ngezinto ezenziwa yibo ekusithekeni.Select Ephesians 5:12

13Kodwa konke okusolwayo yikukhanya kuyabonakaliswa; ngoba konke okubonakaliswayo kuyikukhanya,Select Ephesians 5:13

14ngakho uthi: Phaphama wena oleleyo uvuke kwabafileyo, njalo uKristu uzakukhanyisela.Select Ephesians 5:14

15Ngakho qaphelani ukuthi lihamba njani ngonanzelelo, kungabi njengezithutha, kodwa njengabahlakaniphileyo,Select Ephesians 5:15

16lihlenga isikhathi, ngoba insuku zimbi.Select Ephesians 5:16

17Ngakho lingabi yizithutha, kodwa liqedisisa okuyintando yeNkosi.Select Ephesians 5:17

18Njalo lingadakwa liwayini, okukulo umsindo, kodwa gcwaliswani nguMoya,Select Ephesians 5:18

19likhulumisana ngezihlabelelo langamahubo okudumisa langezingoma zomoya, lihlabelele licule eNkosini enhliziyweni yenu,Select Ephesians 5:19

20limbonga njalo uNkulunkulu loBaba ngazo zonke izinto ebizweni leNkosi yethu uJesu Kristu,Select Ephesians 5:20

21lizehlisela ngaphansi omunye komunye ekumesabeni uNkulunkulu.Select Ephesians 5:21

22Bafazi, zehliseleni ngaphansi kwawenu amadoda, njengeNkosini,Select Ephesians 5:22

23ngoba indoda iyinhloko yomfazi, njengoba uKristu laye eyinhloko yebandla, njalo yena unguMsindisi womzimba.Select Ephesians 5:23

24Kodwa njengoba-ke ibandla lehliselwe ngaphansi kukaKristu, ngokunjalo labafazi kwawabo amadoda kuyo yonke into.Select Ephesians 5:24

25Madoda, thandani abenu abafazi, njengoKristu laye walithanda ibandla, wasezinikelela lona;Select Ephesians 5:25

26ukuze azingcwelisele lona, eselihlambulule ngesihlambo samanzi ngelizwi,Select Ephesians 5:26

27ukuze azimisele lona, ibandla elilenkazimulo, elingelachatha, kumbe umxhele kumbe okunye nje, kodwa ukuze libe ngcwele lingelacala.Select Ephesians 5:27

28Ngokunjalo amadoda afanele ukuthanda abawo abafazi njengeyawo imizimba. Othanda owakhe umfazi, uyazithanda yena;Select Ephesians 5:28

29ngoba kakho owake wazonda eyakhe inyama, kodwa uyayondla ayiphathe kuhle, njengalokhu leNkosi isenza kubandla;Select Ephesians 5:29

30ngoba siyizitho zomzimba wakhe, okwenyama yakhe lokwamathambo akhe.Select Ephesians 5:30

31Ngenxa yalokhu umuntu uzatshiya uyise lonina anamathele kumkakhe, njalo laba ababili bazakuba nyamanye.Select Ephesians 5:31

32Inkulu le imfihlo; kodwa mina ngikhuluma ngoKristu lebandla.Select Ephesians 5:32

33Ngalokho lonke ngokukhethekileyo lani-ke, ngulowo lalowo kathande ngokunjalo owakhe umfazi njengaye; lomfazi ukuze ahloniphe indoda.Select Ephesians 5:33